လံာ်စီၤယိၤၡူ 2:6 - Sgaw Karen Common Bible

⁶ နီၢ်နီၢ်တခီ, နီၢ်ရၤဃးဒုးလဲၤထီၣ်ပှၤခံဂၤန့ၣ်ဆူဟံၣ် ခိၣ်ဒီးမၤဘၢအဝဲသ့ၣ်လၢခီမၤအဘိတဖၣ်လၢအအိၣ်လၢဟံၣ်ခိၣ် န့ၣ်လီၤ.

လံာ်စီၤယိၤၡူ 2:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:19

ပှၤတဂၤန့ၣ်အမါဟံးန့ၢ်, တၢ်ကျၢၢ်ဘၢထံပူၤအခိၣ်ထိးတခါဒီး သလၣ်ထီၣ်အီၤလၢထံပူၤအဖီခိၣ်ဒီးရၤလီၤဘုဧိၤဟုဧိၤလၢအလိၤ ဒ်သိးပှၤသုတသ့ၣ်ညါနီတဂၤတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤခံဘ့ၣ်တဘ့ၣ် 11:2

ထဲစီၤအဃၤစယၤအဖိခွါစီၤယိၤအၣ်တဂၤဧိၤပူၤဖျဲးဝဲဒၣ်န့ၣ် လီၤ. ဘူးလၢအဝဲကဘၣ်တၢ်မၤသံအီၤဃုာ်ဒီးပှၤအဂၤတဖၣ်, ဘၣ်ဆၣ်တၢ်မၤပူၤဖျဲးအီၤလၢအမုၢ်ဂၢ်နီၢ်ယဟိၤၡ့ဘၤ, လၢအမ့ၢ်စီၤပၤယဟိရၣ်အဖိမုၣ်ဒီးစီၤအဃၤစယၤအဒီပုၢ်ဝဲၢ်မုၣ် လၢအမိၢ်လီၤဆီဝဲ, အဝဲလဲၤဆှၢအီၤဒီးပိာ်မုၣ်လၢအကွၢ်အီၤန့ၣ်, ဆူလီၢ်မံဒၢးတဖျၢၣ်လၢအအိၣ်လၢယွၤအတၢ်လုၢ်ဟံၣ်အပူၤဒီးပာ် ခူသူၣ်အီၤဒ်သိးကပူၤဖျဲးလၢနီၢ်ဧသၤလယၤအတၢ်မၤသံအီၤန့ၣ် လီၤ.

လံာ်တၢ်ဟးထီၣ်ကွံာ် 2:2

ဒီးပိာ်မုၣ်န့ၣ်ဆံးစၢ်န့ၢ်အီၤလၢအဖိပိာ်ခွါဖိတဂၤ, ဒီးဖဲအထံၣ်န့ၢ်ဝဲလၢဖိသၣ်အံၤအက့ၢ်အဂီၤဂ့ၤန့ၣ်ပာ်ခူသူၣ် အီၤသၢလါန့ၣ်လီၤ.

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

ဧ့ၤဘြံၤ 11:23

လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.

ယၤကိာ် 2:25

ပှၤဃဲသဲမုၣ်နီၢ်ရၤဃးမ့ၢ်တၢ်ဒ်န့ၣ်အသိးစ့ၢ်ကီးလီၤ. အဝဲဘၣ်တၢ်ပာ်တီပာ်လိၤအီၤခီဖျိအတၢ်မၤလၢအမ့ၢ်ဝဲ တၢ်တူၢ်လိာ်ပှၤအံၣ်စရ့လးဖိအပှၤကွၢ်ဟုၣ်ကွၢ်စုာ်တၢ် တဖၣ်, ဒီးမၤစၢၤအဝဲသ့ၣ်ဒ်သိးအကဃ့ၢ်ပူၤဖျဲးကွံာ် အသးလၢကျဲအဂၤတဘိန့ၣ်လီၤ.

လံာ်စီၤယိၤၡူ 2:5

အဝဲသ့ၣ်ဟးထီၣ်ကွံာ်ဖဲမုၢ်လီၤနုာ်အကတီၢ်တ ချုးဒံးဘၣ်လၢဝ့ၢ်အတြဲၤဘၣ်တၢ်ကးတံၢ်အီၤန့ၣ်လီၤ. ယတသ့ၣ်ညါစ့ၢ်ကီးအဝဲသ့ၣ်ကလဲၤဖဲလဲၣ်ဘၣ်. ဘၣ်ဆၣ်နမ့ၢ်လူၤအဝဲသ့ၣ်ချ့ချ့ဒီးနကချုးန့ၢ်အဝဲသ့ၣ်ကစီ ဒီန့ၣ်လီၤ.”

လံာ်စီၤယိၤၡူ 2:7

စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.

လံာ်စီၤယိၤၡူ 2:8

တချူးဒံးဘၣ်လၢပှၤကွၢ်ဟုၣ်ကွၢ်စုးတၢ်ခံဂၤအံၤမံဒံးဘၣ်န့ၣ်, နီၢ်ရၤဃးလဲၤထီၣ်ဆူဟံၣ်ခိၣ်,

လံာ်စီၤယိၤၡူ 6:25

ဘၣ်ဆၣ်ဒီးစီၤယိၤၡူဒုးပူၤဖျဲးကွံာ်ပှၤဃဲသဲမုၣ်နီၢ်ရၤ ဃးဒီးအဒူၣ်ဖိထၢဖိခဲလၢာ်, မ့ၢ်လၢအဝဲပာ်ခူသူၣ်ပှၤကွၢ်ဟုၣ်ကွၢ်စုးတၢ်ခံဂၤလၢစီၤယိၤ ၡူပျဲလီၤဝဲဆူဝ့ၢ်ယရံၤဃိအဃိန့ၣ်လီၤ. (အဝဲအစၢၤတဖၣ်အိၣ် မူဝဲလၢအံၣ်စရ့လးတုၤလီၤလၢမုၢ်မဆါတနံၤအံၤလီၤ.)