လံာ်စီၤယိၤၡူ 2:5 - Sgaw Karen Common Bible

⁵ အဝဲသ့ၣ်ဟးထီၣ်ကွံာ်ဖဲမုၢ်လီၤနုာ်အကတီၢ်တ ချုးဒံးဘၣ်လၢဝ့ၢ်အတြဲၤဘၣ်တၢ်ကးတံၢ်အီၤန့ၣ်လီၤ. ယတသ့ၣ်ညါစ့ၢ်ကီးအဝဲသ့ၣ်ကလဲၤဖဲလဲၣ်ဘၣ်. ဘၣ်ဆၣ်နမ့ၢ်လူၤအဝဲသ့ၣ်ချ့ချ့ဒီးနကချုးန့ၢ်အဝဲသ့ၣ်ကစီ ဒီန့ၣ်လီၤ.”

လံာ်စီၤယိၤၡူ 2:5 Iomraidhean Croise

လံာ်စီၤနဃ့မယၤ 13:19

လၢတၢ်န့ၣ်အဃိယဟ့ၣ်လီၤယကလုၢ်လၢဝ့ၢ်တြဲၤတဖၣ်ကဘၣ်တၢ်ကးတံၢ် အီၤလၢမုၢ်အိၣ်ဘှံးနံၤကိးနံၤဒဲးစးထီၣ်တကီၢ်ခါဖဲဟါခီ တုၤလီၤလၢမုၢ်အိၣ်ဘှံးနံၤပူၤကွံာ်ဝဲန့ၣ်လီၤ. ယပာ်လီၤယပှၤအကျါတနီၤလၢကအိၣ်ဝဲဖဲတြဲၤတဖၣ်လၢ ကမၤဝဲလီၤတံၢ်လီၤဆဲးဒ်သိးတၢ်နီတမံၤသုတဘၣ်တၢ်ဟဲစိာ်နုာ် အီၤဆူဝ့ၢ်ပူၤလၢအိၣ်ဘှံးအနံၤတဂ့ၤန့ၣ်လီၤ.

လံာ်ယၡါယၤ 60:11

မနၤနၤမဆါဆါနတြဲၤတဖၣ်ကဘၣ်တၢ်အိးထီၣ်ပာ်အီၤ ဒ်သိးပှၤကလုာ်အစီၤပၤတဖၣ်ကဟဲစိာ်န့ၢ်နၤ, အဝဲသ့ၣ်အတၢ်ထူးတၢ်တီၤန့ၣ်လီၤ.

လံာ်ယံးရမံယၤ 50:20

ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်စီၤယိၤၡူ 2:4

အဝဲစံးဆၢဝဲ, “မ့ၢ်, ပှၤဟဲတုၤလၢယဟံၣ်လီၤ. ဘၣ်ဆၣ်ယတသ့ၣ်ညါအဝဲသ့ၣ်ဟဲဖဲလဲၣ်န့ၣ်ဘၣ်.

လံာ်စီၤယိၤၡူ 2:6

နီၢ်နီၢ်တခီ, နီၢ်ရၤဃးဒုးလဲၤထီၣ်ပှၤခံဂၤန့ၣ်ဆူဟံၣ် ခိၣ်ဒီးမၤဘၢအဝဲသ့ၣ်လၢခီမၤအဘိတဖၣ်လၢအအိၣ်လၢဟံၣ်ခိၣ် န့ၣ်လီၤ.

လံာ်စီၤယိၤၡူ 2:7

စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.

လံာ်လီၣ်ဖျါ 21:25

ဝ့ၢ်အတြဲၤဖးဒိၣ်တဖၣ်ကအိၣ်အိးထီၣ်အသးဒီနံၤလီၤ. အဝဲသ့ၣ်တဘၣ်တၢ်ကးတံာ်လၢၤအီၤနီတစုဘၣ်, အဂ့ၢ်ဒ်အံၤ, ဖဲန့ၣ်, မုၢ်နၤတအိၣ်ဝဲနီတစုဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:14

ဖဲစီၤစီလူးအပှၤတဖၣ်ဟဲဒ်သိးကမၤန့ၢ်စီၤဒၤဝံးန့ၣ်နီၢ်မံ ကၤလးစံးဘၣ်အဝဲသ့ၣ်လၢစီၤဒၤဝံးအိၣ်တမုာ်ဘၣ်လီၤ.