လံာ်စီၤယိၤၡူ 2:3 - Sgaw Karen Common Bible

³ သတးဒီးအဝဲဆှၢလီၤတၢ်ကစီၣ်ဆူနီၢ်ရၤဃးအအိၣ်ဒီးစံးဝဲ, “ပှၤလၢအအိၣ်လၢနဟံၣ်ပူၤတဖၣ်ဟဲလၢကကွၢ်ဟုၣ်ကွၢ်စုးထံကီၢ် ဒီဘ့ၣ်လီၤ. ဟဲစိာ်ထီၣ်အဝဲသ့ၣ်တက့ၢ်.”

လံာ်စီၤယိၤၡူ 2:3 Iomraidhean Croise

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်တၢ်ကဲထီၣ်အခီၣ်ထံး 42:31

ပစံးဆၢအီၤလၢပတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. ပမ့ၢ်ပှၤအတီအလိၤတဖၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤလၢကဒုးနဲၣ်ဖျါထီၣ် တၢ်သူၣ်အုးသးအုးဃုာ်ဒီးနၤန့ၣ်မ့ၢ်လၢတၢ်မၤလၤကပီၤနပၢ်အပူၤန့ၣ်ဧါ. တမ့ၢ်ဒ်န့ၣ်ဘၣ်. အဝဲဆှၢလီၤပှၤတဖၣ်န့ၣ်ဖဲအံၤဒ်ပှၤကွၢ်ဟုၣ်ကွၢ်စုးတၢ်တဖၣ်အသိး လၢကဃုသ့ၣ်ညါဝ့ၢ်အဂ့ၢ်ဒ်သိးအဝဲမၤနၢၤ ပှၤကသ့အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:20

စီၤအးဘၡါလိၣ်အသုးခိၣ်သုးနၢ်တဖၣ်ဟဲဆူဟံၣ်န့ၣ်ဒီးသံကွၢ် ပှၤပိာ်မုၣ်န့ၣ်, “စီၤယိၤနၤသၣ်ဒီးစီၤအဃံမ့ၤဧးအိၣ်ဖဲလဲၣ်.” ပိာ်မုၣ်န့ၣ်စံးဆၢဝဲ, “အဝဲသ့ၣ်လဲၤခီဂာ်ကွံာ်ထံကျိလံ.” ပှၤတဖၣ်န့ၣ်လူၤဃုအဝဲသ့ၣ်ဘၣ်ဆၣ်ဒီးတထံၣ်ဘၣ်ဝဲဘၣ်. လၢတၢ်န့ၣ်အဃိ, အဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤဒ်သိးကပာ် ဖျါထီၣ်အတၢ်သးအုးဃုာ်ဒီးနၤလၢအကမၤလၤကပီၤနပၢ်အဂီၢ်န့ၣ် ဧါ. တမ့ၢ်ဘၣ်, အဝဲဆှၢလီၤအဝဲသ့ၣ်ဖဲအံၤ, ဒ်ပှၤကွၢ်ဟုၣ်ကွၢ်စုးတၢ်တဖၣ်အသိးလၢကဃုသ့ၣ်ညါထံကီၢ်ဒ်သိး ကမၤနၢၤဝဲအဂီၢ်န့ၣ်လီၤ.”

လံာ်စီၤယိၤဘး 21:30

လၢမုၢ်တနံၤလၢကစၢ်ယွၤအသးဒိၣ်ထီၣ်ဒီးစံၣ်ညီၣ်တၢ်န့ၣ်ပှၤ တတီတလိၤတပူၤဖျဲးဝဲထီဘိန့ၣ်ဘၣ်ဧါ.

လံာ်ယိၤဟၣ် 19:4

စီၤပံၤလးဟးထီၣ်ကဒီးတဘျီဆူတၢ်ချၢဒီးစံးဘၣ်ပှၤဂီၢ်မုၢ်န့ၣ်, “ကွၢ်တက့ၢ်. ယကကိးထီၣ်ယ့ၣ်ၡူးဆူသုအိၣ်ဒ်သိး သုကထံၣ်သ့ၣ်ညါဘၣ်လၢယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ် အီၤအဂီၢ်နီတမံၤဘၣ်န့ၣ်လီၤ.”

မၤတၢ် 12:4

တၢ်ဖီၣ်ဃာ်စီၤပ့းတရူးဝံၤအလီၢ်ခံန့ၣ်, အဝဲဘၣ်တၢ်ဒၢနုာ်အီၤလၢဃိာ်ပူၤဒီးဖဲန့ၣ်တၢ်ဟ့ၣ်လီၤအီၤဆူ သုးဖိလွံၢ်ကရူၢ်အစုပူၤဒ်သိးအကပၢၤဃာ်အီၤ, တကရူၢ်ဝံၤတကရူၢ်လၢအဆၢကတီၢ်ဒၣ်ဝဲလီၤ. ပှၤပၢၤတၢ်ဖိတကရူၢ်အိၣ်ဒီးပှၤသုးဖိလွံၢ်ဂၤလီၤ. စီၤဟ့ၤရိာ်ကူၣ်ထီၣ်ဖးလီၤလၢအကသမံသမိးအီၤလၢပှၤဂီၢ်မုၢ် အမဲာ်ညါဖဲဘူၣ်လဲၤကပာ်ဝံၤအလီၢ်ခံန့ၣ်လီၤ.

မၤတၢ် 12:6

တချုးဖဲစီၤဟ့ၤရိာ်သါကထုးထီၣ်ဒီးဆှၢထီၣ်အီၤဆူပှၤဂီၢ်မုၢ် အအိၣ်အမဲာ်ညါတနၤန့ၣ်, စီၤပ့းတရူးမံဘၣ်အသးလၢပှၤ သုးဖိခံဂၤအကဆူးလီၤ. အဝဲဒၣ်ဘၣ်တၢ်စၢဃာ်အီၤလၢပျံၤထးခံဘိ, တဘိအိၣ်စၢဃာ်အသးလၢပှၤသုးဖိဖဲစုစ့ၣ်တဂၤ, ဒီးအဂၤတဘိအိၣ်စၢဃာ်အသးလၢပှၤသုးဖိဖဲစုထွဲတဂၤ, ဒီးပှၤသုးဖိပၢၤတၢ်တဖၣ်အိၣ်ခိးတၢ်ဖဲဃိာ်အကျဲစၢၤန့ၣ်လီၤ.

လံာ်စီၤယိၤၡူ 10:23

ဒီးအဝဲသ့ၣ်မၤဒ်န့ၣ်, ဒီးဟဲဆှၢထီၣ်စီၤပၤယဲၢ်ဂၤန့ၣ်လၢတၢ်က အိပူၤဆူအအိၣ်, ဝ့ၢ်ယရူၤၡလ့ၣ်အစီၤပၤ, ဃ့ဘြိၣ်အစီၤပၤ, ယၢ်မူသးအစီၤပၤ, လၤကံၣ်အစီၤပၤ, ဒီးဧ့းကလိၣ်အစီၤပၤန့ၣ် လီၤ.

လံာ်စီၤယိၤၡူ 2:2

ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,

လံာ်စီၤယိၤၡူ 2:4

အဝဲစံးဆၢဝဲ, “မ့ၢ်, ပှၤဟဲတုၤလၢယဟံၣ်လီၤ. ဘၣ်ဆၣ်ယတသ့ၣ်ညါအဝဲသ့ၣ်ဟဲဖဲလဲၣ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 4:20

တုၤနုၤတစုအဝဲစံးဘၣ်ပိာ်မုၣ်န့ၣ်, “ဆၢထၢၣ်ဖဲဒဲအကျဲစၢၤ န့ၣ်, ဒီးပှၤတဂၤဂၤမ့ၢ်သံကွၢ်နၤလၢမ့ၢ်ပှၤအိၣ်ဖဲအံၤတဂၤဂၤဧါန့ၣ်, စံးလၢတအိၣ်ဘၣ်န့ၣ်တက့ၢ်.”