လံာ်စီၤယိၤၡူ 2:19 - Sgaw Karen Common Bible

¹⁹ ပှၤတဂၤဂ့ၤတဂၤဂ့ၤမ့ၢ်ဟးထီၣ်လၢနဟံၣ်ပူၤဒီး, အတၢ်သံကမ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ. ဒီးတမ့ၢ်ပမူပဒါဘၣ်န့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအအိၣ်လၢနဟံၣ်ပူၤအံၤတၢ်မ့ၢ်ဘၣ်ဒိဘၣ် ထံးအီၤန့ၣ်, အဝဲန့ၣ်မ့ၢ်ပမူပဒါန့ၣ်လီၤ.

လံာ်စီၤယိၤၡူ 2:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:22

ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:11

ဒီးပှၤလၢအမံဃုာ်ဒီးအပၢ်အမါတဂၤန့ၣ်မ့ၢ်အမၤမဲာ်ဆှးအပၢ်လီၤ. ဒီးကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:9

ဒီးကယဲၢ်ပှၤတဂၤဂၤလၢအဆိၣ်အၢအမိၢ်အပၢ်န့ၣ်ကဘၣ်တၢ်မၤသံအီၤ န့ၣ်လီၤ. ပှၤလၢအဆိၣ်အၢအမိၢ်အပၢ်န့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 20:26

လၢတၢ်န့ၣ်အဃိ, မုၢ်တနံၤဃီအံၤယဘိးဘၣ်သ့ၣ်ညါသုသပှၢ်ကတၢၢ်လၢသုဝဲ တဂၤဂၤသုမ့ၢ်လီၤမၢ်ကွံာ်ဒီးတမ့ၢ်ယမူယဒါဘၣ်လီၤ.

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

လံာ်စီၤယိၤၡူ 2:12

ဒီးခဲကနံၣ်အံၤဆိၣ်လီၤသုသးလၢယွၤအမဲာ်ညါလၢသုကမၤဂ့ၤ ဘၣ်ယပှၤဟံၣ်ဖိဒ် ယမၤဂ့ၤဘၣ်သုအသိးဒီးဟ့ၣ်ယၤတၢ်ပနီၣ်တမံၤလၢယနာ်န့ၢ်သုကသ့ အဂီၢ်န့ၣ်တက့ၢ်.

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”

လံာ်စီၤယိၤၡူ 2:20

သနာ်က့, တၢ်လၢပမၤန့ၣ်, နမ့ၢ်တဲဘၣ်ပှၤတဂၤဂၤဒီး, တလိၣ်လၢပကဟံးဃာ်ပတၢ်အၢၣ်လီၤလၢနမၢပမၤဒီးနၤန့ၣ်ဘၣ်လီၤ.”