လံာ်စီၤယိၤၡူ 2:12 - Sgaw Karen Common Bible

¹² ဒီးခဲကနံၣ်အံၤဆိၣ်လီၤသုသးလၢယွၤအမဲာ်ညါလၢသုကမၤဂ့ၤ ဘၣ်ယပှၤဟံၣ်ဖိဒ် ယမၤဂ့ၤဘၣ်သုအသိးဒီးဟ့ၣ်ယၤတၢ်ပနီၣ်တမံၤလၢယနာ်န့ၢ်သုကသ့ အဂီၢ်န့ၣ်တက့ၢ်.

လံာ်စီၤယိၤၡူ 2:12 Iomraidhean Croise

လံာ်တၢ်ကဲထီၣ်အခီၣ်ထံး 21:23

လၢတၢ်န့ၣ်အဃိဆိၣ်လီၤနသးဖဲအံၤလၢကစၢ်ယွၤအမဲာ်ညါလၢနသု တလီန့ၢ်ယၤ, ယဖိတဖၣ်ဒီးယစၢၤယသွဲၣ်တဖၣ်န့ၣ်တဂ့ၤ. ယတီတ့ၢ်ဒီးနၤအဃိ အၢၣ်လီၤယၤလၢနကတီစ့ၢ်ကီးဒီးယၤဒီးထံကီၢ်အံၤလၢနအိၣ် နဆိးလၢအပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 24:9

မၤသးဒ်န့ၣ်ဒီး, တၢ်ခ့တၢ်ပှၤန့ၣ်ပာ်အစုလၢအကစၢ်စီၤအၤဘြၤဟၣ် အကံၣ်ဒုၣ်အကဆူးဒီးမၤတၢ်ဆိၣ်တမံၤလၢစီၤအၤဘြၤဟၣ်ဃ့တ့ၢ် အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:14

ဘၣ်ဆၣ်ဝံသးစူၤသ့ၣ်နီၣ်ယၤဖဲတၢ်ကိးမံၤဒဲးဘၣ်လီၢ်ဘၣ်စးလၢ နဂီၢ်တက့ၢ်. ယဃ့ကညးနၤ, သးကညီၤယၤဒီးတဲဘၣ်စီၤပၤလၢယဂ့ၢ်ဒီးမၤစၢၤယၤဒ်သိး ယကထူၣ်ဖျဲးထီၣ်ကွံာ်လၢဃိာ်အံၤအပူၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

လံာ်နီၢ်အ့ၤစတၢ် 8:6

တၢ်တတၢးတနါဒ်သိးအံၤမ့ၢ်တုၤအိၣ်ယပှၤဂီၢ်မုၢ်, ဒီးယဘူးယတံၢ်ဒၣ်ယဲတဖၣ်မ့ၢ်ဘၣ်တၢ်မၤသံအီၤန့ၣ်ဒီး, ယတူၢ်ယဲကသ့ဒ်လဲၣ်.”

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်ယံးရမံယၤ 12:16

လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်မၢ်ကူး 14:44

ပှၤလၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါအစုပူၤတဂၤန့ၣ်, ဟ့ၣ်အဝဲသ့ၣ်တၢ်ပနီၣ်တမံၤဒီးစံး, “ပှၤလၢယနၢမူအီၤတဂၤန့ၣ်မ့ၢ်ပှၤလၢသုအဲၣ်ဒိးအီၤန့ၣ်လီၤ. ဖီၣ်အီၤ, ဒီးက့ၤမိၤအီၤတက့ၢ်.”

ရိမ့ၤ 1:31

အဝဲသ့ၣ်အသးလၢအသ့ၣ်ညါဒၣ်တၢ်တအိၣ်ဘၣ်. အဝဲသ့ၣ်တမၤလၢပှဲၤအတၢ်အၢၣ်လီၤအီလီၤတဖၣ်ဘၣ်, ဒီးတဒုးနဲၣ်တၢ်သူၣ်ဂ့ၤသးဝါမ့ၢ်ဂ့ၤ, တၢ်သးကညီၤမ့ၢ်ဂ့ၤဆူပှၤဂၤ တဖၣ်န့ၣ်ဘၣ်.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်စီၤယိၤၡူ 2:13

အၢၣ်လီၤယၤလၢသုကမၤပူၤဖျဲးယပၢ်ဒီးယမိၢ်, ယဒီပုၢ်ဝဲၢ်ခွါတဖၣ်ဒီးယဒီပုၢ်ဝဲၢ်မုၣ်တဖၣ်ဃုာ် ဒီးအဝဲသ့ၣ်အဒူၣ်ဖိထၢဖိခဲလၢာ်တက့ၢ်. တဘၣ်ပျဲပှၤမၤသံပှၤတဂ့ၤ.”

လံာ်စီၤယိၤၡူ 2:18

နဲနဘၣ်မၤတၢ်အံၤလီၤ. ဖဲပဟဲဒုးနထံနကီၢ်န့ၣ်, စၢဃာ်လုၣ်ဂီၤတဘိအံၤလၢပဲတြီလၢ နစဲၤလီၤပှၤန့ၣ်တက့ၢ်. ဒီးပာ်ဖှိၣ်နပၢ်, နမိၢ်, နဒီပုၢ်ဝဲၢ်ခွါတဖၣ်, ဒီးနပၢ်အဒူၣ်ဖိထၢဖိခဲလၢာ်လၢနဟံၣ်ပူၤတက့ၢ်.

လံာ်စီၤယိၤၡူ 2:19

ပှၤတဂၤဂ့ၤတဂၤဂ့ၤမ့ၢ်ဟးထီၣ်လၢနဟံၣ်ပူၤဒီး, အတၢ်သံကမ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ. ဒီးတမ့ၢ်ပမူပဒါဘၣ်န့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအအိၣ်လၢနဟံၣ်ပူၤအံၤတၢ်မ့ၢ်ဘၣ်ဒိဘၣ် ထံးအီၤန့ၣ်, အဝဲန့ၣ်မ့ၢ်ပမူပဒါန့ၣ်လီၤ.

လံာ်စီၤယိၤၡူ 6:22

အန့ၣ်ဒီးစီၤယိၤၡူစံးဘၣ်ပှၤခံဂၤလၢအမ့ၢ်ပှၤကွၢ်ဟုၣ်ကွၢ်စုးတၢ်, “လဲၤနုာ်ဆူပှၤဃဲသဲမုၣ်အဟံၣ်ဒီးဟဲစိာ်ထီၣ်အီၤဒီးအဒူၣ် ဖိထၢဖိတဖၣ်ဒ်သုဆိၣ်လီၤတ့ၢ်သုသးအသိးန့ၣ်တက့ၢ်.”

လံာ်စီၤယိၤၡူ 9:15

ဒီးစီၤယိၤၡူမၤတၢ်ဃူတၢ်ဖိးအတၢ်အၢၣ်လီၤအီလီၤဒီးအဝဲ သ့ၣ်လၢအကပျဲအဝဲသ့ၣ်အိၣ်မူအဂီၢ်န့ၣ်လီၤ. ဒီးပှၤအံၣ်စရ့လးဖိအခိၣ်အနၢ်တဖၣ်ဆိၣ်လီၤအသးလၢအကဟံးဃာ် ဂၢၢ်ကျၢၤတၢ်အၢၣ်လီၤအီလီၤအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:24

ဒီးအဝဲသ့ၣ်ထံၣ်ပှၤတဂၤလၢအဟးထီၣ်လၢဝ့ၢ်ပူၤဒီးစံးဘၣ်အီၤ, “ဒုးနဲၣ်ပှၤကျဲလၢပကလဲၤနုာ်ဆူဝ့ၢ်ပူၤတက့ၢ်ဒီးပတမၤဆါ နၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 30:15

စီၤဒၤဝံးသံကွၢ်အီၤ, “နကဆှၢပှၤဆူပှၤဂုာ်ဆူၣ်ပျိဆူၣ်တၢ်တဖၣ်န့ၣ်အအိၣ်ဧါ.” ဒီးအဝဲဒၣ်စံးဆၢဝဲ, “နမ့ၢ်အၢၣ်လီၤလၢကစၢ်ယွၤအမံၤအပူၤ လၢနတမၤသံယၤဘၣ်မ့ၢ်ဂ့ၤဟ့ၣ်လီၤကဒါက့ၤယၤဆူယကစၢ်အစုပူၤ မ့ၢ်ဂ့ၤဘၣ်ဒီးယကဆှၢနၤလီၤ.”