လံာ်စီၤယိၤၡူ 2:1 - Sgaw Karen Common Bible

¹ ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 2:1 Iomraidhean Croise

လံာ်တၢ်ကဲထီၣ်အခီၣ်ထံး 42:16

ပှၤလၢသုကျါတဂၤကဘၣ်က့ၤဒီးဟဲကိးအီၤန့ၣ်လီၤ. သုဝဲလၢအအိၣ်တ့ၢ်တဖၣ်သုကဘၣ်တၢ်ပၢၤဃာ်သုတုၤလၢတၢ်လၢသု စံးအတၢ်မ့ၢ်တၢ်တီ, ဘၣ်တၢ်မၤကွၢ်အီၤန့ၣ်လီၤ. မ့တမ့ၢ်ဘၣ်ဒ်န့ၣ်ဘၣ်န့ၣ်, ဒ်စီၤပၤမူဝဲအသိးန့ၣ်, သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ.”

လံာ်တၢ်ကဲထီၣ်အခီၣ်ထံး 42:9

အဝဲသ့ၣ်နီၣ်ထီၣ်က့ၤတၢ်မံမီၢ်လၢအမံမီၢ်တ့ၢ်ဝဲဘၣ်ဃး ဒီးအဝဲသ့ၣ်ဒီးစံးဝဲဒၣ်, “သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 13:1

ယွၤစံးဘၣ်စီၤမိၤၡ့, “လၢခိၣ်နၢ်တဖၣ်အကျါန့ၣ်ဃုထၢထီၣ်ပှၤတဒူၣ်, တဂၤစုာ်စုာ်လၢပှၤတဆံခံဒူၣ်အကျါဒီးဆှၢလီၤအဝဲသ့ၣ်ဒ်ပှၤ ကွၢ်ဟုၣ်ကွၢ်စုးတၢ်တဖၣ်အသိးလၢကလဲၤဃုထံၣ်သ့ၣ်ညါကီၢ်ကနၤ ဧၣ်, လၢယကဟ့ၣ်ပှၤအံၣ်စရ့လးဖိတဖၣ်အဂီၢ်န့ၣ်တက့ၢ်.”

လံာ်တၢ်ဂံၢ် 25:1

ဖဲပှၤအံၣ်စရ့လးဖိတဖၣ်အိၣ်သူၣ်ထီၣ်အဒဲလၢၡံးထံၣ်အတြီၤ ပူၤန့ၣ်ပှၤပိာ်ခွါတဖၣ်စးထီၣ်လဲၤမံဃုာ်ဒီးပှၤမိၤအးမုၣ် တဖၣ်လၢအအိၣ်ဝဲဖဲန့ၣ်လီၤ.

လံာ်မးသဲ 1:5

(ဘၣ်တၢ်ကိးစ့ၢ်ကီးလၢစီၤရၣ် - ရူၤသး ၄:၁၉), စီၤဧးမံၤနဒး, စီၤနးၡိၣ်, စီၤစၤလမိၣ်,

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

ယၤကိာ် 2:25

ပှၤဃဲသဲမုၣ်နီၢ်ရၤဃးမ့ၢ်တၢ်ဒ်န့ၣ်အသိးစ့ၢ်ကီးလီၤ. အဝဲဘၣ်တၢ်ပာ်တီပာ်လိၤအီၤခီဖျိအတၢ်မၤလၢအမ့ၢ်ဝဲ တၢ်တူၢ်လိာ်ပှၤအံၣ်စရ့လးဖိအပှၤကွၢ်ဟုၣ်ကွၢ်စုာ်တၢ် တဖၣ်, ဒီးမၤစၢၤအဝဲသ့ၣ်ဒ်သိးအကဃ့ၢ်ပူၤဖျဲးကွံာ် အသးလၢကျဲအဂၤတဘိန့ၣ်လီၤ.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်စီၤယိၤၡူ 2:2

ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,

လံာ်စီၤယိၤၡူ 21:31

ဃ့လကး, ဒီးရဃိာ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:23

အကတီၢ်ဖဲန့ၣ်ဝ့ၢ်အံၤဘၣ်တၢ်ကိးအီၤလၢဝ့ၢ်လူးစးန့ၣ်လီၤ. အဝဲသ့ၣ်ဆှၢလီၤပှၤကွၢ်ဟုၣ်ကွၢ်စုးတၢ်တဖၣ်ဆူဝ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:14

တုၤနုၤတစု, ပှၤယဲၢ်ဂၤလၢအလဲၤဃုထံၣ်န့ၢ်ကီၢ်အိၣ်ဝးတရံးဝ့ၢ်လ့ၡ့ၣ်န့ၣ် စံးဘၣ်အတံၤသကိးတဖၣ်, “မ့ၢ်သုသ့ၣ်ညါလၢဟံၣ်ဖဲအံၤတဖၣ်အကျါတဟံၣ်အိၣ်ဒီး တၢ်ဂီၤစိးပျၤအသးလၢသ့ၣ်ဒီးဘၣ်တၢ်ကးဘၢအီၤလၢစ့နီၢ်တခါန့ၣ်ဧါ. တၢ်ဂီၤအဂၤတဖၣ်ဒီးအ့ဖိးတဘ့ၣ်အိၣ်စ့ၢ်ကီးလီၤ. သုဆိကမိၣ်လၢပကြၢးမၤဒ်လဲၣ်.”

လံာ်ပှၤစံၣ်ညီၣ်ကွီၢ် 18:17

ဒီးပှၤကွၢ်ဟုၣ်ကွၢ်စူးတၢ်ယဲၢ်ဂၤန့ၣ်လဲၤဃီၤလိၤလိၤဆူဟံၣ်ပူၤဒီးဟံးန့ၢ် တၢ်ဂီၤစိးပျၤအသးလၢသ့ၣ်ဒီးတၢ်ကးဘၢအီၤလၢစ့နီၢ်, တၢ်ဂီၤအဂၤတဖၣ်ဒီးအ့ဖိးတဘ့ၣ်ဖဲပှၤလုၢ်တၢ်အခိၣ်အိၣ်ဒီး ပှၤစိာ်တၢ်စုကဝဲၤအဂၤဃုကယၤလၢကျဲစၢၤအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:2

မၤသးဒ်န့ၣ်ဒီး, ပှၤဒၣ်ဖိတဖၣ်ဃုထၢထီၣ်ပှၤအကြၢးအဘၣ်ယဲၢ်ဂၤ လၢဟံၣ်ဒူၣ်ဃီထၢတဖၣ်လၢဒၣ်အဒူၣ်အကျါဒီးဆှၢလီၤအီၤလၢ ဝ့ၢ်စိးရၤဒီးအ့ၤၡတိလး ဒီးမၤလိာ်အီၤလၢကဃုထံၣ်န့ၢ်တၢ်လီၢ်တတီၤန့ၣ်လီၤ. အဝဲသ့ၣ်တုၤဃီၤလၢအ့ဖရဲၣ်အကစၢၢ်ကလိဖဲစီၤမံၤကါအဟံၣ်လီၤ.