36 အဒၤမၤ, ရၤမါ, ဃါစိၢ်,
စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.
တုၤဝ့ၢ်ဃါစိၢ်အစီၤပၤယၤဘံၣ်နၢ်ဟူအံၣ်စရ့လးအတၢ်မၤနၢၤအဂ့ၢ်ဒီး, အဝဲဆှၢလီၤတၢ်ကစီၣ်ဆူဝ့ၢ်မၤဒိၣ်အစီၤပၤယိဘာ်အအိၣ်ဒီးဝ့ၢ် ၡံးမရိၣ်ဒီးဝ့ၢ်အးကၡးအစီၤပၤတဖၣ်အအိၣ်,
အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.
ဝ့ၢ်အိၣ်ခၢၣ်အနၢၣ်တဖၣ်မ့ၢ်ဝဲစံးဒံၣ်, စ့ၢ်, ဃးမး, ရကး, ကံးနရ့း,
က့ဒ့ၣ်, အ့ဒြံၤ, ဧ့ၣ်ဃစိၢ်, ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနးဒီးဘ့ၤသၡ့ မ့ၣ်န့ၣ်လီၤ. မ့ၢ်ဝ့ၢ်တဆံနွံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.
