လံာ်စီၤယိၤၡူ 19:22 - Sgaw Karen Common Bible

²² ဒီးအကီၢ်ဆၢထိးဘၣ်စ့ၢ်ကီးတၤဘိၢ်, ၡၤကစံမၤ, ဘ့ၤသၡ့မ့ၣ်, ဒီးလဲၤကတၢၢ်ဝဲဖဲထံကျိယၢ်ဒ့ၣ်န့ၣ်လီၤ. ပၣ်ဃုာ်ဒီးဝ့ၢ်တဆံဃုဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 19:22 Iomraidhean Croise

လံာ်စီၤပၤအခီၣ်ထံးတဘ့ၣ် 4:9

စီၤဒ့က့ၢ်အဖိခွါလၢဝ့ၢ်တဖၣ်လၢအမ့ၢ်ဝဲ, မၤကး, ၡၤလးဘံၣ်, ဘ့ၤသၡ့မ့ၣ်, အ့လိၣ်ဒီးဘ့ၤသဃၤနၣ်အပူၤ,

လံာ်ကွဲးနီၣ်တၢ်အခီၣ်ထံးတဘ့ၣ် 6:62

ဝ့ၢ်တဆံသၢဝ့ၢ်လၢအအိၣ်လၢ, ပှၤယံးစၣ်ကၢ်, ပှၤအၤၡ့ၢ်, ပှၤနးသၤလံ, ပှၤမနၤၡ့ၤလၢကီၢ်ဘၤၡၣ်အပူၤတဖၣ်အိၣ် ဆိးဝဲန့ၣ်, ဘၣ်တၢ်ဟ့ၣ်လီၤအီၤဆူပှၤက့ရၡိၣ်ဖိ အဒူၣ်ထၢ, တဒူၣ်ဘၣ်တဒူၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:77

ဟံၣ်ဒူၣ်ဃီထၢတဖၣ်လၢအအိၣ်လီၤတဲာ်လၢပှၤမရၤရံၤဖိ အဒူၣ်ထၢပူၤန့ၣ်ဘၣ်တၢ်ဟ့ၣ်လီၤအီၤလၢဝ့ၢ်လၢလာ်တဖၣ်အံၤဃုာ် ဒီးတၢ်အီၣ်ဆၣ်အလီၢ်လါဟ့အိၣ်ဝးတရံးအီၤတဖၣ်န့ၣ်လီၤ. လၢပှၤစဘူလိၣ်ဖိအိၣ်ဆိးလီၢ်အပူၤန့ၣ်ဝ့ၢ်ရံးမိၣ်ဒီးဝ့ၢ်တၤ ဘိၢ်န့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်စီၤယိၤၡူ 19:12

ဒီးဃၣ်အသးလၢဝ့ၢ်စၤရံးဆူမုၢ်ထီၣ်ပၢၢ်တုၤလၢဝ့ၢ်ကံးစလိးတၤဘိၢ်အကီၢ်ဆၢ ဒီးဟးထီၣ်ဝဲဆူဝ့ၢ်ဒၤဘြးဒီးလဲၤထီၣ် ဝဲဆူဝ့ၢ်ယၤဖံ,

လံာ်စီၤယိၤၡူ 19:23

ဝ့ၢ်တဖၣ်ဒီးဝ့ၢ်ဖိတဖၣ်အံၤအိၣ်လၢကီၢ်လၢယံးစၣ်ကၢ်အဒူၣ်ဖိထၢဖိတဖၣ် ဒိးန့ၢ်ဘၣ်ဝဲဒ်အတၢ်န့ၢ်သါအသိးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:12

ဖဲစီၤစံစရၤသ့ၣ်ညါလၢစီၤဘါရးလဲၤထီၣ်ဆူကစၢၢ်တၤဘိၢ်အလိၤန့ၣ်ဒီး,

လံာ်ပှၤစံၣ်ညီၣ်ကွီၢ် 4:6

တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.