လံာ်စီၤယိၤၡူ 18:3 - Sgaw Karen Common Bible

³ စီၤယိၤၡူစံးဘၣ်ပှၤအံၣ်စရ့လးဖိ, “မ့ၢ်သုကခိးဒံးတၢ်ဆံးယံာ်တချုးလၢသုလဲၤနုာ်ဒီးမၤန့ၢ် ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လဲၣ်.

လံာ်စီၤယိၤၡူ 18:3 Iomraidhean Croise

တၢ်ကတိၤဒိ. 10:4

တၢ်အိၣ်ကၢၣ်အိၣ်ကျူန့ၣ်, ကမၤဖှီၣ်လီၤယာ်လီၤနၤလီၤ. မ့မ့ၢ်, တၢ်မၤတၢ်ဆူၣ်ဆူၣ်န့ၣ်ကဒုးထူးထီၣ်တီၤထီၣ်နၤလီၤ.

တၢ်ကတိၤဒိ. 13:4

ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 15:19

နမ့ၢ်ကၢၣ်ဒီးနကထံၣ်လိာ်တၢ်ကီတၢ်ခဲလၢတၢ်လီၢ်ကိးပူၤဒဲးလီၤ. ဘၣ်ဆၣ်နမ့ၢ်တီမ့ၢ်လိၤဒီးတၢ်ကီတၢ်ခဲတအိၣ်လၢနဂီၢ်ဘၣ်.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်စဖါနယၤ 3:16

တၢ်ဆၢကတီၢ်သုးဘူးအသးဖဲအဝဲသ့ၣ်ကစံးဘၣ်ဝ့ၢ်ယရူၤၡလ့ၣ်, “ပျံၤတၢ်တဂ့ၤ, ဝ့ၢ်စံယိၣ်ဧၢ, ပျဲနစုတဖၣ်လီၤစၢ်လီၤဘျ့တဂ့ၤ.

လံာ်မးသဲ 20:6

လၢဟါခီယဲၢ်နၣ်ရံၣ်ဃၣ်ဃၣ်န့ၣ်ဟးထီၣ်ကဒီးဝဲဆူဖၠါပူၤ, ဒီးထံၣ်ဒံးပှၤတနီၤဆၢထၢၣ်ဝဲဖဲန့ၣ်, ဒီးစံးဘၣ်အဝဲသ့ၣ်, ‘ဘၣ်မနုၤလၢသုဆၢထၢၣ်အိၣ်ကလီကလီသ့တနံၤကျၢၤန့ၣ်လဲၣ်.’

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 13:1

အခဲအံၤစီၤယိၤၡူအသးပှၢ်ဒီးနုာ်လီၤလၢနံၣ်ဧိၤလါဧိၤ အပူၤလံ. ယွၤစံးဘၣ်အီၤ, “နသးပှၢ်လံဒီးထံကီၢ်လၢတၢ်ကဘၣ်မၤန့ၢ်အီၤန့ၣ်အိၣ်ဒံးဝဲ အါမးလီၤ.

လံာ်စီၤယိၤၡူ 18:2

ဒီးပှၤအံၣ်စရ့လးဖိအဒူၣ်အိၣ်ဝဲနွံဒူၣ်လၢအတန့ၢ်ဘၣ်ဒံး အတၢ်န့ၢ်သါန့ၣ်လီၤ.

လံာ်စီၤယိၤၡူ 18:4

ဃုထၢန့ၢ်ယၤလၢပှၤတဒူၣ်သၢဂၤပှၤတဒူၣ်သၢဂၤစုာ်စုာ်န့ၣ်တက့ၢ်. ယကမၢလီၤအဝဲသ့ၣ်လဲၤတၢ်လၢကီၢ်ဒီဘ့ၣ်ညါဒ်သိးအကကွဲးနီၣ် ကွဲးဃါတၢ်လီၢ်လၢအတၢ်န့ၢ်သါအဂီၢ်ဝံၤဒီးဟဲက့ၤကဒါက့ၤဆူ ယအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:9

ဒီးအဝဲသ့ၣ်စံးဆၢ, “မ်ပလဲၤဒုးသကိးဝ့ၢ်လ့ၡ့ၣ်တက့ၢ်. ပထံၣ်ကီၢ်န့ၣ်ဂ့ၤဝဲဒိၣ်မးလီၤ. သုတမၤတၢ်နီတမံၤဒီးအိၣ်ဖဲအံၤတဂ့ၤ. မၤချ့ချ့ဒီးလဲၤနုာ်မၤန့ၢ်အီၤတက့ၢ်.