လံာ်စီၤယိၤၡူ 18:28 - Sgaw Karen Common Bible

²⁸ စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်စီၤယိၤၡူ 18:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:14

အန့ၣ်ဝံၤဒီးအဝဲသ့ၣ်ခူၣ်လီၤကွံာ်စီၤစီလူးဒီးစီၤယိၤနၤ သၣ်အဃံတဖၣ်လၢစီၤစီလူးအပၢ်စီၤကံၣ်အသွၣ်ခိၣ်အပူၤလၢဝ့ၢ်စ့လၤ, လၢဘံၣ်ယၤမံၣ်အလီၢ်ကဝီၤအပူၤ ဒီးမၤတၢ်ခဲလၢာ်လၢစီၤပၤမၤလိာ်တ့ၢ်ဝဲန့ၣ်လီၤ. ဒီးတၢ်န့ၣ်ဝံၤအလီၢ်ခံ, ကစၢ်ယွၤဒိကနၣ်အဝဲသ့ၣ်အတၢ်ထုကဖၣ် တဖၣ်လၢထံကီၢ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:29

ပှၤဝ့ၢ်နတိၤဖၤဖိစီၤဘၤနါအဖိခွါစီၤဃ့လ့ာ်, ပှၤဝ့ၢ်ကံးလဧၤဖိစီၤရံဘဲၤအဖိခွါစီၤအံတဲၤဘၣ်ဃးဒီး ပှၤဘံၣ်ယၤမံၣ်အဒူၣ်,

လံာ်စီၤၡမူၤအ့လးခံဘ့ၣ်တဘ့ၣ် 5:6

အဆၢကတီၢ်တုၤဃီၤဝဲလၢစီၤပၤဒၤဝံးဒီးအပှၤတဖၣ်ကလဲၤထီၣ် ဒုးဝ့ၢ်ယရူၤၡလ့ၣ်လီၤ. ပှၤယဘူၣ်ဖိတဖၣ်လၢအအိၣ်ဖဲန့ၣ်ဆိကမိၣ်ဝဲလၢစီၤဒၤဝံး မၤနၢၤဝ့ၢ်အံၤတမ့ၢ်ကသ့ဘၣ်အဃိ, အဝဲသ့ၣ်စံးဘၣ်အီၤ, “နဟဲနုာ်ဖဲအံၤတန့ၢ်နီတစုဘၣ်. ပှၤမဲာ်ဘျီၣ်တဖၣ်ဒီးပှၤခီၣ်ဟးဂီၤတဖၣ်ဒၣ်လဲာ်, တြီဆၢကွံာ်နၤသ့ဝဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:8

လၢမုၢ်နံၤအဝဲန့ၣ်စီၤဒၤဝံးစံးဘၣ်အပှၤတဖၣ်, “မ့ၢ်ပှၤဖဲအံၤတဂၤဂၤလၢအသးဟ့ပှၤယဘူၣ်ဖိထဲသိးယၤန့ၣ် အိၣ်ဧါ. မ့ၢ်အမ့ၢ်တၢ်သးဟ့တုၤလၢတၢ်အဲၣ်ဒီးမၤသံအဝဲသ့ၣ်န့ၣ်ဧါ. မ့မ့ၢ်ဒ်န့ၣ်အဃိဒီး, လဲၤထီၣ်ခီဖျိထံအကျိၤဒီးဒုးပှၤမဲာ်ဘျီၣ်, ခီၣ်ဟးဂီၤအဖှီၣ်တဖၣ်တက့ၢ်.” (လၢတၢ်န့ၣ်အဃိတၢ်စံးဝဲလၢ, “ပှၤမဲာ်ဘျီၣ်ဒီးပှၤခီၣ်ဟးဂီၤတဖၣ်န့ၣ်လဲၤနုာ်ဆူယွၤအဟံၣ် တသ့ဘၣ်” န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:28

ပှၤတဖၣ်အံၤမ့ၢ်ဟံၣ်ဒူၣ်ဃီထၢအခိၣ်အပၢ်ဖးဒိၣ်လၢပျၢၤတဖၣ်ဒီး အဝဲသ့ၣ်အပှၤအခိၣ်အဒိၣ်ကတၢၢ်အစၢၤအသွဲၣ်တဖၣ်လၢအအိၣ်ဆိးတ့ၢ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

လံာ်တၢ်ဂံၢ် 26:38

လၢဘံၣ်ယၤမံၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤဘ့လၤ, စီၤအၤၡဘ့လး, စီၤအဃံရၣ်,

လံာ်တၢ်ဂံၢ် 26:54

လၢပှၤလၢအနီၣ်ဂံၢ်အါအဂီၢ်န့ၣ်ဟ့ၣ်အီၤတၢ်န့ၢ်သါအလီၢ်ကဝီၤလၢ အလဲၢ်, ဒီးလၢပှၤလၢအနီၣ်ဂံၢ်စှၤတဖုအဂီၢ်န့ၣ်, ဟ့ၣ်အီၤတၢ်န့ၢ်သါအလီၢ်ကဝီၤလၢအအံၣ်တက့ၢ်. ဒူၣ်ခဲလၢာ်န့ၣ်, ကဘၣ်တၢ်ဟ့ၣ်အီၤတၢ်န့ၢ်သါဒ်အနီၣ်ဂံၢ်အိၣ်ဝဲ အသိးန့ၣ်လီၤ.

လံာ်တၢ်ဂံၢ် 33:54

နီၤဖးလီၤကီၢ်န့ၣ်လၢပှၤအဒူၣ်အကလုာ်ကလုာ်တဖၣ်ဒီးဒူၣ်ထၢတဖၣ် အကျါခီဖျိတၢ်ဖီၣ်တၢ်ဖးတဖၣ်, ဒီးဟ့ၣ်လီၤကီၢ်အလီၢ်လဲၢ်တတီၤဆူဒူၣ်ထၢအဒိၣ်တဒူၣ်လၢအတၢ်န့ၢ် သါအဂီၢ်, ဒီးကီၢ်အလီၢ်အံၣ်ဆူဒူၣ်ထၢအဆံးဖိတဒူၣ်အအိၣ်တက့ၢ်.

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 15:8

ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.

လံာ်စီၤယိၤၡူ 18:16

ဝံၤဒီးလဲၤဆူကစၢၢ်တဖျၢၣ်အကတၢၢ်လၢအအိၣ်လၢ ပှၤဟံၣ်နိၣ်ဖိအတၢ်ပၢၤခိၣ်လၢကစၢၢ်ကဆူးအမဲာ်ညါ, လၢအအိၣ်လၢပှၤနီၢ်ဒိၣ်ဖိအတၢ်ပၢၤခိၣ်လၢကစၢၢ်ကဆူးလၢကလံၤစိးတခီ, ဒီးလဲၤလီၤဆူဟံၣ်နိၣ်တၢ်ပၢၤခိၣ်လၢကစၢၢ်ကဆူးလၢ ဝ့ၢ်ယဘူၣ်အဃၢၤလၢကလံၤထံးတခီ, ဒီးလဲၤလီၤဆူဧ့ၣ်ရိၤက့လးအထံထီၣ်ပၢၢ်လီၤ.

လံာ်စီၤယိၤၡူ 18:27

ရ့က့ၣ်, ယံရဖၤအ့လး, တၤရါလး,

လံာ်စီၤယိၤၡူ 19:1

တၢ်ဖးခံမံၤတမံၤန့ၣ်ဟဲထီၣ်လၢစူၤမ့းအိၣ်အဒူၣ်အဂီၢ်ဒ်အဒူၣ် ဖိထၢဖိအိၣ်ဝဲအသိးဒီး အတၢ်န့ၢ်သါအဆၢန့ၣ်အိၣ်တုၤလၢယူဒၤ အဒူၣ်အတၢ်န့ၢ်သါအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:21

မ့မ့ၢ်ဘံၣ်ယၤမံၣ်အဒူၣ်အပှၤဂီၢ်မုၢ်န့ၣ်တနီၣ်ထီၣ်ကွံာ်ပှၤယဘူၣ် ဖိတဖၣ်လၢအအိၣ်လၢဝ့ၢ်ယရူၤၡလ့ၣ်အပူၤန့ၣ်ဘၣ်. ဒီးပှၤယဘူၣ်ဖိတဖၣ်အိၣ်ဆိးဃုာ်ဒီးပှၤဘံၣ်ယၤမံၣ်ဖိတဖၣ်စး ထီၣ်လၢန့ၣ်လံၤလံၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:10

ဘၣ်ဆၣ်ဒီးပှၤတဂၤန့ၣ်တအဲၣ်ဒိးအိၣ်လၢၤသီတနၤဘၣ်အဃိ အဝဲဒီးအသံၣ်မါဒီးအခ့အပှၤစးထီၣ်လဲၤတၢ်ဃုာ်ဒီးကသ့ၣ်ယီၤ ခံဒုလၢအအိၣ်ဒီးဂီၤကၢ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:26

စီၤစီလူးစ့ၢ်ကီးက့ၤဆူအဟံၣ်လၢဝ့ၢ်ကံးဘဧၤအပူၤလီၤ. ပှၤပိာ်ခွါတနီၤလၢအဂံၢ်ဆူၣ်ဘါဆူၣ်လၢကစၢ်ယွၤထိးဘၣ်အသးန့ၣ် က့ၤဃုာ်ဒီးအီၤလီၤ.