လံာ်စီၤယိၤၡူ 18:21 - Sgaw Karen Common Bible

²¹ ဝ့ၢ်တဖၣ်လၢအဘၣ်ဃးဒီးဘံၣ်ယၤမံၣ်အဒူၣ်, ဒ်အဒူၣ်ဖိထၢဖိ အိၣ်ဝဲအသိးန့ၣ်မ့ၢ်ဝဲ, ယရံၤဃိ, ဘ့ၤသဃါကလၤ, ဧ့မဲးကစံး,

လံာ်စီၤယိၤၡူ 18:21 Iomraidhean Croise

လံာ်စီၤပၤအခီၣ်ထံးတဘ့ၣ် 3:4

တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ် ဖျါကတၢၢ်အိၣ်ပာ်ဝဲအဃိန့ၣ်လီၤ. အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.

လံာ်ယဃ့းစက့လး 48:23

လၢတၢ်လီၢ်လီၤဆီအံၤအကလံၤထံးတကပၤန့ၣ်ဒူၣ်တဖၣ်လၢ အအိၣ်လီၤတဲာ်ဒံးတဒူၣ်စုာ်စုာ်, ကဘၣ်မၤန့ၢ်တၢ်လီၢ်တတီၤ စုာ်စုာ်စးထီၣ်လၢမုၢ်ထီၣ်အကီၢ်ဆၢဆူမုၢ်နုာ်တကပၤတုၤဆူ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်, ဒ်တၢ်ရဲၣ်လီၤကျဲၤလီၤလၢ လာ်အံၤ, စးထီၣ်လၢကလံၤစိးဆူကလံၤထံးန့ၣ်လီၤ. ဘံၣ်ယၤမံၣ်အဒူၣ် ကအိၣ်ဒီးတၢ်လီၢ်တတီၤလီၤ. တၢ်လီၢ်န့ၣ်ကမ့ၢ်ဝဲစးထီၣ်လၢ မုၢ်ထီၣ်တကပၤတုၤဆူမုၢ်နုာ်တကပၤန့ၣ်လီၤ.

လံာ်လူၤကၣ် 10:30

ယ့ၣ်ၡူးစံးဆၢဝဲ, “တဘျီပှၤအိၣ်ဝဲဒၣ်တဂၤ, ဒီးဖဲအဝဲလဲၤလီၤလၢဝ့ၢ်ယရူၤၡလ့ၣ်ဆူဝ့ၢ်ယရံၤဃိန့ၣ်, လီၤဘၣ်လၢတမျာ်အကျါ, ဒီးအဝဲသ့ၣ်ဘ့ၣ်လီၤကွံာ်အကူအသိး, ဟံးန့ၢ်အတၢ်ခဲလၢာ်, တီၢ်အီၤဘူးအကသံဒီးပာ်တ့ၢ်အီၤန့ၣ်လီၤ.

လံာ်လူၤကၣ် 19:1

ယ့ၣ်ၡူးလဲၤနုာ်လီၤဝဲဆူဝ့ၢ်ယရံၤဃိဒီးလဲၤခီဂာ်ဝဲဒၣ်လီၤ.

လံာ်စီၤယိၤၡူ 15:6

ဒီးလဲၤထီၣ်ဆူဝ့ၢ်ဘ့ၤသဃါ ကလၤဒီးလဲၤဆူဝ့ၢ်ဘ့ၤသဧါရဘၤ လၢကလံၤစိးတခီဒီးကီၢ်အဆၢန့ၣ်လဲၤထီၣ်ဆူစီၤရူၤဘ့ၣ်အဖိခွါစီၤဘိဟၣ်အလၢၢ်တဖျၢၣ်,

လံာ်စီၤယိၤၡူ 18:12

ဒီးအကီၢ်ဆၢလၢကလံၤစိးစးထီၣ်အသးဖဲထံကျိယၢ်ဒ့ၣ် ဒီးလဲၤထီၣ်ဆူဝ့ၢ်ယရံၤဃိအကလံၤစိးတၢ်ပၤလီၤဒီးလဲၤထီၣ်ဆူ မုၢ်နုာ်ခီဖျိကစၢၢ်ကလိအလီၢ်တုၤလီၤလၢ ဘ့ၤသအၤဝ့ၣ်အပှၢ်မုၢ်ကနၢန့ၣ်လီၤ.

လံာ်စီၤယိၤၡူ 18:19

ဝံၤဒီးကီၢ်ဆၢန့ၣ်လဲၤဆူဝ့ၢ်ဘ့ၤသဃါကလၤအဃၢၤလၢက လံၤစိးတခီ, ဒီးကတၢၢ်ဝဲဖဲပီၣ်လဲၣ်အံသၣ်ဖဲထံကျိယၢ်ဒ့ၣ် ကလံၤထံးအကတၢၢ်န့ၣ်လီၤ. အဝဲအံၤမ့ၢ်ကလံၤထံးအကီၢ်ဆၢန့ၣ်လီၤ.

လံာ်စီၤယိၤၡူ 18:20

ထံကျိယၢ်ဒ့ၣ်မ့ၢ်မုၢ်ထီၣ်အကီၢ်ဆၢန့ၣ်လီၤ. အအံၤမ့ၢ်ကီၢ်ဆၢတဖၣ်လၢဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢ အိၣ်ဝဲအသိးန့ၣ်လီၤ.

လံာ်စီၤယိၤၡူ 18:22

ဘ့ၤသဧါရဘၤ, စမၤရဲၣ်, ဘ့ၤသ့လး,

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 6:1

ဝ့ၢ်ယရံၤဃိအတြဲၤတဖၣ်ဘၣ်တၢ်ကးတံာ်ဒီးပၢၤဃာ်အီၤဒ်သိးပှၤအံၣ်စရ့လးဖိအသုတဟဲနုာ်တဂ့ၤအဂီၢ်ဒီးပှၤဟဲနုာ်ဒီးဟးထီၣ် လၢဝ့ၢ်ပူၤတသ့နီတဂၤဘၣ်.

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.