လံာ်စီၤယိၤၡူ 18:16 - Sgaw Karen Common Bible

¹⁶ ဝံၤဒီးလဲၤဆူကစၢၢ်တဖျၢၣ်အကတၢၢ်လၢအအိၣ်လၢ ပှၤဟံၣ်နိၣ်ဖိအတၢ်ပၢၤခိၣ်လၢကစၢၢ်ကဆူးအမဲာ်ညါ, လၢအအိၣ်လၢပှၤနီၢ်ဒိၣ်ဖိအတၢ်ပၢၤခိၣ်လၢကစၢၢ်ကဆူးလၢကလံၤစိးတခီ, ဒီးလဲၤလီၤဆူဟံၣ်နိၣ်တၢ်ပၢၤခိၣ်လၢကစၢၢ်ကဆူးလၢ ဝ့ၢ်ယဘူၣ်အဃၢၤလၢကလံၤထံးတခီ, ဒီးလဲၤလီၤဆူဧ့ၣ်ရိၤက့လးအထံထီၣ်ပၢၢ်လီၤ.

လံာ်စီၤယိၤၡူ 18:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:17

စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:18

ပှၤဖလ့ၡသးဖိတဖၣ်ဟဲတုၤဝဲဆူရၤဖၤအတၢ်တြီၤပူၤဒီးမၤန့ၢ် အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:9

ဘၣ်မုၢ်တနံၤ, စီၤအဒိနံၤယၤလုၢ်ထီၣ်တၢ်လုၢ်တၢ်ပာ်လၢအမ့ၢ် သိ, ဂီၤဖံးဖါတဖၣ်, ဒီးဂီၤဖံးဖိအဘီၣ်တဖၣ်လၢလၢၢ်စိၤဃ့လ့းဖဲ ဧ့ၣ်ရိၤက့လးအထံထီၣ်ပၢၢ်အဃၢၤန့ၣ်လီၤ. ဒီးအဝဲကွဲဃီၤစီၤဒၤဝံးအဖိခွါအဂၤတဖၣ်, ဒီးစီၤပၤအပဒိၣ်ပပှၢ်တဖၣ်လၢအအိၣ်လၢကီၢ်ယူဒၤ, ဒ်သိးကဟဲဆူတၢ်လုၢ်ထီၣ်ပာ်ထီၣ်အမူးအံၤ,

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:9

ပှၤဖလ့ၡသးဖိတဖၣ်ဟဲတုၤဝဲဖဲကစၢၢ်ကဆူးရဖံဒံၣ်ဒီးစးထီၣ် ဂုာ်ဆူၣ်ပျီဆူၣ်တၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယံးရမံယၤ 19:11

ဒီးယွၤမၢယတဲဘၣ်အဝဲသ့ၣ်လၢယွၤသ့တၢ်လၢာ်စံးတ့ၢ်ဝဲဒၣ်, “ယကမၤတၢ်မၤဟးဂီၤပှၤဂီၢ်မုၢ်အံၤဒီးဝ့ၢ်အံၤ, ဒီးတၢ်န့ၣ် ကလီၤဂာ်ဒီးသပၢၤဟီၣ်ခိၣ်လၢအသ့ၣ်ဖးအံၤလၢတၢ်မၤက့ၤ ကဒီးအီၤဒ်အလီၢ်လီၢ်အသိးတသ့ဝဲဘၣ်န့ၣ်လီၤ. လၢတိဖ့းအပူၤ ဒၣ်လဲာ်ပှၤဂီၢ်မုၢ်ကခူၣ်လီၤအပှၤသံတဖၣ်, မ့ၢ်လၢတၢ်လီၢ်အဂၤ လၢကခူၣ်လီၤအဝဲသ့ၣ်တအိၣ်ဘၣ်အဃိန့ၣ်လီၤ.

လံာ်ယံးရမံယၤ 19:2

ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယံးရမံယၤ 19:6

လၢတၢ်န့ၣ်အဃိဒီး, တၢ်အကတီၢ်ကဟဲဝဲလၢ, တၢ်လီၢ်အံၤ တဘၣ်တၢ်ကိးအီၤလၢတိဖ့းမ့ၢ်ဂ့ၤ, ဟံၣ်နိၣ်အတြဲၤမ့ၢ်ဂ့ၤနီ တစုလၢၤဘၣ်. အခိၣ်တလိာ်, ကဘၣ်တၢ်သ့ၣ်ညါအီၤဒ်တၢ်မၤသံ တၢ်အတြီၤန့ၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 1:21

မ့မ့ၢ်ဘံၣ်ယၤမံၣ်အဒူၣ်အပှၤဂီၢ်မုၢ်န့ၣ်တနီၣ်ထီၣ်ကွံာ်ပှၤယဘူၣ် ဖိတဖၣ်လၢအအိၣ်လၢဝ့ၢ်ယရူၤၡလ့ၣ်အပူၤန့ၣ်ဘၣ်. ဒီးပှၤယဘူၣ်ဖိတဖၣ်အိၣ်ဆိးဃုာ်ဒီးပှၤဘံၣ်ယၤမံၣ်ဖိတဖၣ်စး ထီၣ်လၢန့ၣ်လံၤလံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:8

ဒီးယူဒၤအပှၤပိာ်ခွါတဖၣ်ဒုးဝ့ၢ်ယရူၤၡလ့ၣ်ဒီးမၤန့ၢ်အီၤ လီၤ. ဒီးအဝဲသ့ၣ်မၤသံကွံာ်ပှၤဂီၢ်မုၢ်အိၣ်လၢဝ့ၢ်ပူၤတဖၣ်ဒီး ဒွဲၣ်ထီၣ်ဝ့ၢ်လၢမ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 19:10

ဘၣ်ဆၣ်ဒီးပှၤတဂၤန့ၣ်တအဲၣ်ဒိးအိၣ်လၢၤသီတနၤဘၣ်အဃိ အဝဲဒီးအသံၣ်မါဒီးအခ့အပှၤစးထီၣ်လဲၤတၢ်ဃုာ်ဒီးကသ့ၣ်ယီၤ ခံဒုလၢအအိၣ်ဒီးဂီၤကၢ်တဖၣ်န့ၣ်လီၤ.