လံာ်စီၤယိၤၡူ 18:12 - Sgaw Karen Common Bible

¹² ဒီးအကီၢ်ဆၢလၢကလံၤစိးစးထီၣ်အသးဖဲထံကျိယၢ်ဒ့ၣ် ဒီးလဲၤထီၣ်ဆူဝ့ၢ်ယရံၤဃိအကလံၤစိးတၢ်ပၤလီၤဒီးလဲၤထီၣ်ဆူ မုၢ်နုာ်ခီဖျိကစၢၢ်ကလိအလီၢ်တုၤလီၤလၢ ဘ့ၤသအၤဝ့ၣ်အပှၢ်မုၢ်ကနၢန့ၣ်လီၤ.

လံာ်စီၤယိၤၡူ 18:12 Iomraidhean Croise

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်စီၤယိၤၡူ 16:1

စီၤယိၤသးအစၢၤအသွဲၣ်တဖၣ်အဂီၢ်တၢ်လီၢ်လၢတၢ်နီၤလီၤန့ၢ်အီၤန့ၣ် စးထီၣ်လၢထံကျိယၢ်ဒ့ၣ်ဖဲဝ့ၢ်ယရံၤဃိအဃၢၤ, ယရံၤဃိ အထံမူကျိအမုၢ်ထီၣ်တခီပၢၢ်တုၤလၢပှၢ်မုၢ်ကနၢ လၢအလဲၤထီၣ်လၢဝ့ၢ်ယရံၤဃိပၢၢ်တုၤလၢကစၢၢ်ကလိအကျါလၢ ဝ့ၢ်ဘ့ၤသ့လး,

လံာ်စီၤယိၤၡူ 18:11

တၢ်နီၤဖးလီၤဘံၣ်ယၤမံၣ်အဒူၣ်ဒ်အဒူၣ်ဖိထၢဖိအိၣ်ဝဲအသိး, ဒီးကီၢ်လၢတၢ်နီၤလီၤန့ၢ်အီၤမ့ၢ်ဝဲဖဲယူဒၤဒီးယိၤသးအဘၢၣ်စၢၤန့ၣ်လီၤ.

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.

လံာ်စီၤယိၤၡူ 6:1

ဝ့ၢ်ယရံၤဃိအတြဲၤတဖၣ်ဘၣ်တၢ်ကးတံာ်ဒီးပၢၤဃာ်အီၤဒ်သိးပှၤအံၣ်စရ့လးဖိအသုတဟဲနုာ်တဂ့ၤအဂီၢ်ဒီးပှၤဟဲနုာ်ဒီးဟးထီၣ် လၢဝ့ၢ်ပူၤတသ့နီတဂၤဘၣ်.

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်စီၤယိၤၡူ 8:15

စီၤယိၤၡူဒီးအပှၤခဲလၢာ်ပာ်မၤအသးဒ်အဂုၤက့ၤအလီၢ်ခံအသိး, ဒီးဃ့ၢ်ဝဲဆူပှၢ်မုၢ်ကနၢန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.