လံာ်စီၤယိၤၡူ 18:10 - Sgaw Karen Common Bible

¹⁰ ဒီးစီၤယိၤၡူဖးတၢ်လၢအဝဲသ့ၣ်အဂီၢ်လၢယွၤအမဲာ်ညါဖဲ ဝ့ၢ်ၡံလိၤန့ၣ်လီၤ. ဒီးဖဲန့ၣ်န့ၣ်စီၤယိၤၡူနီၤဖးလီၤထံကီၢ်လၢပှၤအံၣ်စရ့လး ဖိအဂီၢ်ဒ်အတၢ်နီၤဖးအိၣ်ဝဲအသိးန့ၣ်လီၤ.

လံာ်စီၤယိၤၡူ 18:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 24:5

မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

စံးထီၣ်ပတြၢၤ 47:4

အဝဲဃုထၢတ့ၢ်ထံကီၢ်လၢပအိၣ်အလီၢ်အဂီၢ်, တၢ်န့ၢ်သါလၢအပှၤဂီၢ်မုၢ် လၢအအဲၣ်ဝဲအဂီၢ်န့ၣ်လီၤ. စ့လၤ

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

တၢ်ကတိၤဒိ. 18:18

ပှၤစိကမီၤဒိၣ်ခံဂၤမ့ၢ်ထီဒါလိာ်အသးတဂၤဒီးတဂၤလၢကွီၢ် ဘျီၣ်အပူၤဒီး, တၢ်ဖီၣ်တၢ်ဖးတဖၣ်မၤဝံၤတၢ်ဂ့ၢ်သ့ဝဲလီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်ယဃ့းစက့လး 48:29

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, တၢ်န့ၣ်မ့ၢ်ကျဲလၢကီၢ် ကဘၣ်တၢ်နီၤလီၤအီၤဆူတၢ်နီၤဖးတဖၣ်လၢကီၢ်အံၣ်စရ့လး ဒူၣ်တဖၣ်ကဒိးန့ၢ်အီၤအဂီၢ်န့ၣ်လီၤ.

လံာ်မံကၤ 2:5

မၤသးဒ်န့ၣ်ဒီး, ဖဲအကတီၢ်တုၤဝဲလၢစံာ်လီၢ်ပှဲၤလီၢ်တဖၣ်ဘၣ်တၢ် ဟ့ၣ်ကဒါက့ၤဆူယွၤအပှၤဂီၢ်မုၢ်န့ၣ်, တၢ်နီၤဖးတအိၣ်နီတမံၤလၢသုဂီၢ်နီတဂၤဘၣ်.

လံာ်တၢ်ဂံၢ် 34:16

ယွၤစံးဘၣ်စီၤမိၤၡ့, “ပှၤလုၢ်တၢ်အခိၣ်စီၤအလၤဧစၢ်ဒီးစီၤနိၣ်အဖိခွါစီၤယိၤၡူ ကနီၤဖးကီၢ်န့ၣ်လၢပှၤဂီၢ်မုၢ်အဂီၢ်လီၤ.

လံာ်မးသဲ 27:35

ဖဲအဝဲသ့ၣ်ပျၤထီအီၤလၢထူၣ်စုညါအလိၤဝံၤန့ၣ်, ဖီၣ်တၢ်ဖးဒီးနီၤဟ့ၣ်လိာ်အသးလၢယ့ၣ်ၡူးအကူအသိးလီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

မၤတၢ် 13:19

အဝဲဒၣ်ဒုးဟးဂီၤကွံာ်ပှၤနွံကလုာ်လၢကီၢ်ကနၤဧၣ်အပူၤ, ဒီးဒုးကဲထီၣ်ကီၢ်တဘ့ၣ်အံၤလၢအပှၤဂီၢ်မုၢ်အတၢ်န့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

လံာ်စီၤယိၤၡူ 14:2

ဒ်ယွၤမၤလိာ်စီၤမိၤၡ့အသိး, ပှၤခွံဒူၣ်ဒီးဒူၣ်တဝာ်လၢထံကျိယၢ်ဒ့ၣ်အမုၢ်နုာ်တဖၣ်ဘၣ်တၢ် နီၤဖးန့ၢ်အထံအကီၢ်ခီဖျိတၢ်ဖီၣ်တၢ်ဖးန့ၣ်လီၤ.

လံာ်စီၤယိၤၡူ 14:5

အံၣ်စရ့လးအပှၤတဖၣ်နီၤဖးလီၤထံ ဧိၤကီၢ်ဧိၤဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်စီၤယိၤၡူ 18:11

တၢ်နီၤဖးလီၤဘံၣ်ယၤမံၣ်အဒူၣ်ဒ်အဒူၣ်ဖိထၢဖိအိၣ်ဝဲအသိး, ဒီးကီၢ်လၢတၢ်နီၤလီၤန့ၢ်အီၤမ့ၢ်ဝဲဖဲယူဒၤဒီးယိၤသးအဘၢၣ်စၢၤန့ၣ်လီၤ.

လံာ်စီၤယိၤၡူ 18:6

ကွဲးလီၤတၢ်နီၤဖးလီၤနွံပူၤအံၤအဂ့ၢ်အကျိၤဒီးဟဲစိာ်အီၤဆူ ယအိၣ်တက့ၢ်. အန့ၣ်ဒီးယကဖးတၢ်လၢသုဂီၢ်ဖဲအံၤလၢယွၤ ပကစၢ်ယွၤအမဲာ်ညါန့ၣ်လီၤ.

လံာ်စီၤယိၤၡူ 18:8

ပှၤလၢကလဲၤဒီးကွဲးနီၣ်ကွဲးဃါ တၢ်လီၢ်တၢ်ကျဲအဂီၢ်န့ၣ်စီၤယိၤၡူဟ့ၣ်လီၤတၢ်နဲၣ်ကျဲလၢအစံး ဝဲ, “လဲၤလၢကီၢ်ဒီဘ့ၣ်ညါဒီးကွဲးနီၣ်ကွဲးဃါဒီးဟဲက့ၤကဒါ က့ၤဆူယအိၣ်တက့ၢ်. အန့ၣ်ဒီးယကဖးတၢ်လၢသုဂီၢ်ဖဲအံၤလၢယွၤ အမဲာ်ညါလၢဝ့ၢ်ၡံလိၤန့ၣ်လီၤ.”

လံာ်စီၤယိၤၡူ 18:9

အန့ၣ်ဒီး, ပှၤန့ၣ်တဖၣ်လဲၤတၢ်လၢကီၢ်ဒီဘ့ၣ်ညါဒီးနီၤဖးလီၤကီၢ်နွံပူ ဃုာ်ဒီးအဝ့ၢ်တဖၣ် ဒ်လဲၣ်ဒ်လဲၣ်န့ၣ်ကွဲးလီၤဝဲလၢလံာ်ပူၤန့ၣ်လီၤ. ဝံၤဒီးအဝဲသ့ၣ်က့ၤကဒါက့ၤဆူစီၤယိၤၡူအအိၣ်လၢသူၣ်ဒဲ အလီၢ်ဖဲဝ့ၢ်ၡံလိၤန့ၣ်လီၤ.

လံာ်စီၤယိၤၡူ 19:51

ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိအဒူၣ်တဖၣ်အခိၣ်အနၢ်တဖၣ်ဖီၣ်တၢ်ဖးဝံၤဒီး နီၤဖးလီၤထံကီၢ်လၢယွၤအမဲာ်ညါဖဲတၢ်ဘူၣ်ထီၣ်ဘါထီၣ်ယွၤ အဒဲအကျဲစၢၤလၢဝ့ၢ်ၡံလိၤန့ၣ်လီၤ. အန့ၣ်ဒီးအဝဲသ့ၣ်နီၤဖးထံကီၢ်ဝံၤဝဲဒၣ်န့ၣ်လီၤ.

လံာ်စီၤယိၤၡူ 23:4

ကွၢ်ကွၢ်, ယနီၤလီၤန့ၢ်သုတၢ်န့ၢ်သါလၢသုဒူၣ်တဖၣ်အဂီၢ်လၢပှၤကလုာ်အအိၣ်လီၤတဲာ်ဒံးတဖၣ်အကီၢ်, ဃုာ်ဒီးပှၤကလုာ်လၢယမၤနၢၤတ့ၢ်လံခဲလၢာ်အကီၢ်စးထီၣ်လၢ ထံကျိယၢ်ဒ့ၣ်တုၤလၢမုၢ်ထီၣ်လၢပီၣ်လဲၣ်ဖးဒိၣ်မဲးဒံးယၢၣ်ရ့နယၢၣ်လၢမုၢ်နုာ်န့ၣ်လီၤ.