လံာ်စီၤယိၤၡူ 17:7 - Sgaw Karen Common Bible

⁷ မနၤၡ့ၤအကီၢ်ဆၢစးထီၣ်အသးဖဲအၤၡ့ၢ်အကီၢ်ဒီးလဲၤတုၤလၢ ဝ့ၢ်မံးကမ့သၤလၢဝ့ၢ်ၡက့ၣ်အမုၢ်ထီၣ်န့ၣ်လီၤ. အန့ၣ်ဝံၤဒီးကီၢ် ဆၢန့ၣ်လဲၤဆူကလံၤထံးတုၤလၢပှၤဧ့ၣ်တးပူၤဖိအိၣ်ဆိးအလီၢ်န့ၣ်လီၤ.

လံာ်စီၤယိၤၡူ 17:7 Iomraidhean Croise

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:12

ဘၣ်မုၢ်တနံၤ, စီၤယိၤသးအဒီပုၢ်ဝဲၢ်ခွါတဖၣ်လဲၤဆူဝ့ၢ်ၡက့ၣ် လၢကကွၢ်ထွဲအပၢ်အသိတဖၣ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:67

ဝ့ၢ်ၡက့ၣ်, လၢအမ့ၢ်ဝ့ၢ်တၢ်ပူၤဖျဲးအဝ့ၢ်လၢအအိၣ်လၢအ့ဖရဲၣ် အတၢ်လူၢ်တဖၣ်အကျါ,

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်စီၤယိၤၡူ 17:6

မ့ၢ်လၢအဝဲအစၢၤအသွဲၣ်ပိာ်မုၣ်ဒီးအစၢၤအသွဲၣ်ပိာ်ခွါတဖၣ်ဒိးန့ၢ်ဘၣ်လံ ထံဧိၤကီၢ်ဧိၤအဃိန့ၣ်လီၤ. ကီၢ်ကံးလဧးဘၣ်တၢ်ဟ့ၣ်လီၤအီၤဆူမနၤၡ့ၤအစၢၤအသွဲၣ်လၢအအိၣ် လီၤတဲာ်တဖၣ်န့ၣ်လီၤ.

လံာ်စီၤယိၤၡူ 17:8

ကီၢ်တးပူၤဘၣ်ဃးဒီးပှၤမနၤၡ့ၤ, မ့မ့ၢ်ဝ့ၢ်တးပူၤလၢအအိၣ် လၢမနၤၡ့ၤအကီၢ်ဆၢန့ၣ်ဘၣ်ဃးဒီးပှၤအ့ဖရဲၣ်ဖိန့ၣ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်စီၤယိၤၡူ 21:21

အဝဲသ့ၣ်ဘၣ်တၢ်ဟ့ၣ်လီၤအီၤလၢဝ့ၢ်လွံၢ်ဖျၢၣ်လၢအမ့ၢ်ဝဲ ၡက့ၣ်ဒီးအတၢ်အီၣ်ဆၣ်အလီၢ်လၢအ့ဖရဲၣ်ကစၢၢ်အလိၤ (တၢ်ပူၤဖျဲးအဝ့ၢ်) အကျါတဝ့ၢ်, က့စ့ၢ်,

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:1

စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.