လံာ်စီၤယိၤၡူ 17:4 - Sgaw Karen Common Bible

⁴ အဝဲသ့ၣ်လဲၤဝဲဆူပှၤလုၢ်တၢ်အခိၣ်စီၤအလၤဧစၢ် ဒီးစီၤနိၣ်အဖိခွါစီၤယိၤၡူဒီးဆူပှၤခိၣ်ပှၤနၢ်တဖၣ်အအိၣ်ဒီးစံးဝဲ, “ယွၤမၤလိာ်စီၤမိၤၡ့လၢအကဟ့ၣ်ပှၤတၢ် န့ၢ်သါဒ်ပဘူးပတံၢ်အပိာ်ခွါတဖၣ်ဒိးန့ၢ်ဘၣ်ဝဲအသိးန့ၣ်လီၤ.” အဃိဒီး, ဒ်ယွၤမၤလိာ်တ့ၢ်အသိးအဝဲဒၣ်ဟ့ၣ်လီၤအဝဲသ့ၣ် အတၢ်န့ၢ်သါလၢအပၢ်အဒီပုၢ်ဝဲၢ်တဖၣ်အကျါန့ၣ်လီၤ.

လံာ်စီၤယိၤၡူ 17:4 Iomraidhean Croise

လံာ်တၢ်ဂံၢ် 27:1

နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤဒီးနီၢ်တံး ရစၢ်မ့ၢ်ဝဲစီၤစလၤဖဃးအဖိမုၣ်တဖၣ်လီၤ. စီၤစလၤဖဃးမ့ၢ်ဝဲစီၤဃ့ဖ့ၢ်အဖိခွါ, စီၤဃ့ဖ့ၢ်မ့ၢ်စီၤ ကံးလဧးအဖိခွါ, စီၤကံးလဧးမ့ၢ်စီၤမၤကံၢ်အဖိခွါစီၤမၤကံၢ်မ့ၢ်စီၤမနၤ ၡ့ၤအဖိခွါ, စီၤမနၤၡ့ၤမ့ၢ်စီၤယိၤသးအဖိခွါန့ၣ်လီၤ.

လံာ်တၢ်ဂံၢ် 27:4

လၢအဝဲတအိၣ်ဘၣ်ဒီးအဖိခွါနီတဂၤအဃိဧိၤန့ၣ်ဘၣ်မနုၤလၢပပၢ် အမံၤကဘၣ်ဟါမၢ်ကွံာ်လၢကီၢ်အံၣ်စရ့လးန့ၣ်လဲၣ်. ဟ့ၣ်ပှၤလၢတၢ်စုလီၢ်ခီၣ်ခိၣ်လၢပပၢ်အဘူးအတံၢ်တဖၣ်အကျါ တက့ၢ်.”

လံာ်တၢ်ဂံၢ် 36:10

မၤသးဒ်န့ၣ်ဒီးနီၢ်မၤလၤ, နီၢ်တံးရစၢ်, နီၢ်ဃၤကလၤ, နီၢ်မံးလကၤဒီးနီၢ်နိဧၤလၢအမ့ၢ်စီၤစလၤဖဃးအဖိမုၣ်တဖၣ်န့ၣ်,

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

လံာ်စီၤယိၤၡူ 14:1

အအံၤမ့ၢ်တၢ်ဂ့ၢ်ဘၣ်ထွဲဒီးတၢ်နီၤဖးလီၤကီၢ်ကနၤဧၣ်လၢထံ ကျိယၢ်ဒ့ၣ်အမုၢ်နုာ်လၢပှၤအံၣ်စရ့လးဖိတဖၣ်အကျါဒ်လဲၣ်န့ၣ် လီၤ. ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးအံၣ်စရ့လးအဒူၣ်တဖၣ်အဒူၣ်ဖိထၢဖိအခိၣ်အနၢ်တဖၣ်နီၤလီၤ ကီၢ်အံၤလၢအဝဲသ့ၣ်အကျါန့ၣ်လီၤ.

လံာ်စီၤယိၤၡူ 17:5

လၢတၢ်အံၤအဃိ, လၢကီၢ်ကံးလဧးဒီးကီၢ်ဘၤၡၣ်လၢထံကျိယၢ်ဒ့ၣ်အမုၢ်ထီၣ်တကပၤအမဲာ်ညါ, မနၤၡ့ၤအဒူၣ်ဒိးန့ၢ်ဘၣ်အါထီၣ်တၢ်နီၤလီၤဆံဆဲၣ်ပူ,

လံာ်စီၤယိၤၡူ 21:1

ပှၤလ့ၤဝံဖိအဒူၣ်ဖိထၢဖိအခိၣ်တဖၣ် လဲၤဆူပှၤလုၢ်တၢ်အခိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိ အဒူၣ်ခဲလၢာ်, အဒူၣ်ဖိထၢဖိအခိၣ်တဖၣ်အအိၣ်,