လံာ်စီၤယိၤၡူ 17:14 - Sgaw Karen Common Bible

¹⁴ စီၤယိၤသးအစၢၤအသွဲၣ်တဖၣ်စံးဘၣ်စီၤယိၤၡူ, “ဘၣ်မနုၤအဃိနဟ့ၣ်ပှၤကီၢ်ထဲတပူဧိၤလၢပတၢ်န့ၢ်သါအဂီၢ်န့ၣ်လဲၣ်. ပမ့ၢ်ပှၤအအါတဖုမ့ၢ်လၢယွၤဆိၣ်ဂ့ၤပှၤအဃိလီၤ.”

လံာ်စီၤယိၤၡူ 17:14 Iomraidhean Croise

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:20

လၢတၢ်န့ၣ်အဃိ, အဝဲဒၣ်ဆိၣ်ဂ့ၤအဝဲသ့ၣ်လၢမုၢ်တနံၤန့ၣ်ဒီး စံးဝဲ, “ဖဲပှၤအံၣ်စရ့လးဖိတဖၣ်ဆိၣ်ဂ့ၤတၢ်န့ၣ်, ကသူသုမံၤတဖၣ်လီၤ. အဝဲသ့ၣ်ကစံးဝဲ, မ်ကစၢ်ယွၤဒုးလီၤဂာ် သုဒ်စီၤအ့ဖရဲၣ်ဒီးစီၤမနၤၡ့ၤအသိးန့ၣ်တက့ၢ်. လၢကျဲဒ်အံၤန့ၣ်, စီၤယၤကိာ်ပာ်ဒိၣ်ပာ်ကဲစီၤအ့ဖရဲၣ်အါန့ၢ် ဒံးစီၤမနၤၡ့ၤတက့ၢ်လီၤ.”

လံာ်တၢ်ကဲထီၣ်အခီၣ်ထံး 48:22

ဒီးယဟ့ၣ်လီၤနၤလၢကီၢ်ၡက့ၣ်, ဟီၣ်ခိၣ်ညၣ်ထ့ၣ်အလီၢ်ကဝီၤလၢ ယမၤန့ၢ်လၢပှၤအမိၢ်ဖိအစုပူၤလၢယနးဒီးယချံၣ်လီၤ. ယတဟ့ၣ်လီၤဘၣ်နဒီပုၢ်ဝဲၢ်ခွါတဖၣ်လၢတၢ်လီၢ်န့ၣ်ဘၣ်.

လံာ်ယဃ့းစက့လး 48:5

အ့ဖရဲၣ်အဒူၣ်ကမၤန့ၢ်တၢ်နီၤဖးတတီၤန့ၣ်လီၤ. တၢ်နီၤဖးန့ၣ်ကမ့ၢ်ဖဲမနၤၡ့ၣ်အဒူၣ်အလီၢ်အဃၢၤ စးထီၣ်လၢမုၢ်ထီၣ်တုၤဆူမုၢ်နုာ်န့ၣ်လီၤ.

လံာ်တၢ်ဂံၢ် 26:54

လၢပှၤလၢအနီၣ်ဂံၢ်အါအဂီၢ်န့ၣ်ဟ့ၣ်အီၤတၢ်န့ၢ်သါအလီၢ်ကဝီၤလၢ အလဲၢ်, ဒီးလၢပှၤလၢအနီၣ်ဂံၢ်စှၤတဖုအဂီၢ်န့ၣ်, ဟ့ၣ်အီၤတၢ်န့ၢ်သါအလီၢ်ကဝီၤလၢအအံၣ်တက့ၢ်. ဒူၣ်ခဲလၢာ်န့ၣ်, ကဘၣ်တၢ်ဟ့ၣ်အီၤတၢ်န့ၢ်သါဒ်အနီၣ်ဂံၢ်အိၣ်ဝဲ အသိးန့ၣ်လီၤ.

လံာ်တၢ်ဂံၢ် 36:12

အဝဲသ့ၣ်ဆီဟံၣ်ဆီဃီဒၣ်လၢဒူၣ်ထၢတဖၣ်လၢအမ့ၢ်စီၤယိၤသး အဖိခွါစီၤမနၤၡ့ၤအဒူၣ်ထၢပူၤ, ဒီးအဝဲသ့ၣ်အတၢ်စုလီၢ်ခီၣ်ခိၣ်တဖၣ်န့ၣ်အိၣ်တ့ၢ်ဒၣ်တၢ်လၢအဝဲ သ့ၣ်အပၢ်အဒူၣ်ပူၤန့ၣ်လီၤ.

လံာ်စီၤယိၤၡူ 16:4

စီၤယိၤသးအစၢၤအသွဲၣ်တဖၣ်လၢအမ့ၢ်အ့ဖရဲၣ် အဒူၣ်ဒီးမုၢ်နုာ်မနၤၡ့ၤအဒူၣ်န့ၣ်ဒိးန့ၢ်ဘၣ်ကီၢ်အံၤဒ် အတၢ်န့ၢ်သါလီၤ.

လံာ်စီၤယိၤၡူ 17:15

စီၤယိၤၡူစံးဆၢဝဲ, “သုမ့မ့ၢ်ပှၤအအါတဖုဒီးအ့ဖရဲၣ်အက စၢၢ်ကလိမ့ၢ်အံၣ်ကဲၣ်ဆိးလၢသုဂီၢ်ဒီး, လဲၤနုာ်ဆူသ့ၣ်ပှၢ်ကျါ ဒီးမၤပျီဟီၣ်ခိၣ်လၢသုဂီၢ်ဒၣ်သုဝဲလၢပှၤပရးစၤဖိဒီးပှၤနီၢ်ဒိၣ်ဖိ အကီၢ်ပူၤန့ၣ်တက့ၢ်.”