လံာ်စီၤယိၤၡူ 17:13 - Sgaw Karen Common Bible

¹³ ဖဲပှၤအံၣ်စရ့လးဖိတဖၣ်အဂံၢ်အဘါဆူၣ်ထီၣ်အကတီၢ်ဒၣ်လဲာ်, အဝဲသ့ၣ်တဟီထီၣ်ပှၤကနၤဧၣ်ဖိတဖၣ်ခဲလၢာ်ဘၣ်, မ့မ့ၢ်မၢဆူၣ်အဝဲသ့ၣ်လၢအကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်စီၤယိၤၡူ 17:13 Iomraidhean Croise

လံာ်တၢ်ကဲထီၣ်အခီၣ်ထံး 49:15

ဘၣ်ဆၣ်အဝဲထံၣ်ဝဲလၢလီၢ်အိၣ်ဘှံးအံၤဂ့ၤဝဲ ဒီးထံကီၢ်မ့ၢ်လီၢ်အမုာ်အခုၣ်လီၤ. လၢတၢ်န့ၣ်အဃိ, အဝဲသကူးလီၤအပျိၢ်ဒ်သိးကဝံထီၣ်ယိးထီၣ်တၢ် ဘိၣ်ဒီးကဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဂၤအသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:1

တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:21

အဝဲသ့ၣ်န့ၣ်, ပှၤအံၣ်စရ့လးဖိတမၤသံကွံာ်ဘၣ်အီၤဖဲအဟဲနုာ် မၤန့ၢ်အထံအကီၢ်ဒ်တၢ်န့ၢ်သါအသိးအခါန့ၣ်ဘၣ်. အဝဲသ့ၣ်အစၢၤအသွဲၣ်တဖၣ်ကဲထီၣ်ထွဲဒံးကုၢ်တဖၣ်တုၤလၢမုၢ်မဆါ တနံၤအံၤန့ၣ်လီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

လံာ်စီၤယိၤၡူ 16:10

နာ်က့ဒီး, အဝဲသ့ၣ်တဟီထီၣ် ကွံာ်ပှၤကနၤဧၣ်ဖိလၢဝ့ၢ်က့စ့ၢ်န့ၣ်ဘၣ်. အဃိသတးဒီးပှၤကနၤဧၣ်ဖိတဖၣ် အိၣ်ဆိးလၢပှၤအ့ဖရဲၣ်အသိးအကျါတုၤလီၤလၢမုၢ် မဆါတနံၤအံၤဘၣ်ဆၣ်ဒီးအဝဲသ့ၣ် ဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဖၣ်အသိးန့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

လံာ်ပှၤစံၣ်ညီၣ်ကွီၢ် 1:28

ဒီးဖဲပှၤအံၣ်စရ့လးဖိတဖၣ်အဂံၢ်ဆူၣ်အဘါဆူၣ်ထီၣ်န့ၣ်, အဝဲသ့ၣ်မၤဆူၣ်ပှၤကနၤဧၣ်ဖိလၢကမၤတၢ်လၢအဝဲသ့ၣ်အဂီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်တနီၣ်ထီၣ်ကွံာ်ဒံးပှၤကနၤဧၣ်ဖိခဲလၢာ်ဘၣ်လီၤ.

လံာ်ပှၤစံၣ်ညီၣ်ကွီၢ် 1:30

ဒီးစဘူလိၣ်အဒူၣ်တနီၣ်ထီၣ်ကွံာ်ပှၤအိၣ်ဖဲဝ့ၢ်ကံဘြိၣ်ဒီးဝ့ၢ်နၤဟလိလးအပူၤဘၣ်အဃိ ပှၤကနၤဧၣ်ဖိလၢအအိၣ်ဆိးဃုာ်ဒီးအဝဲသ့ၣ်တဖၣ်ဖဲန့ၣ်, ဘၣ်တၢ်မၤဆူၣ်အီၤလၢကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:33

ဒီးနးသၤလံအဒူၣ်တနီၣ်ထီၣ်ကွံာ်ပှၤအိၣ်လၢဝ့ၢ်ဘ့ၤသၡ့မ့ၣ် ဒီးဝ့ၢ်ဘ့ၤသၤနးအပူၤဘၣ်န့ၣ်လီၤ. ဒီးနးသၤလံအပှၤဂီၢ်မုၢ်အိၣ်ဆိးဃုာ်ဒီးပှၤကနၤဧၣ်ဖိလၢ အအိၣ်ဖဲန့ၣ်တဖၣ်ဒီးမၢဆူၣ်အဝဲသ့ၣ်လၢကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:35

ဒီးပှၤအမိၢ်ဖိတဖၣ်အိၣ်ဆိးထွဲဒံးဖဲဝ့ၢ်အးယၤလိၣ်ဒီးဝ့ၢ်ၡးလဘံၣ်အပူၤဒီးကစၢၢ်ဃ့ရ့းအလိၤန့ၣ်လီၤ. ဘၣ်ဆၣ်အ့ဖရဲၣ်ဒီးမနၤၡ့ၤအဒူၣ်ပာ်အီၤလၢအဝဲသ့ၣ်အတၢ်ပၢအဖီ လာ်ဒီးမၢဆူၣ်အီၤလၢကမၤတၢ်လၢအဝဲသ့ၣ်အဂီၢ်န့ၣ်လီၤ.