လံာ်စီၤယိၤၡူ 17:11 - Sgaw Karen Common Bible

¹¹ လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်စီၤယိၤၡူ 17:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:12

အဝဲလဲၤဒီးဟံးန့ၢ်စီၤစီလူးဒီးအဖိခွါစီၤယိနၤသၣ်အဃံတဖၣ် လၢဝ့ၢ်ယၤဘ့ၣ်အပူၤလၢကီၢ်ကံးလဧးအပှၤဂီၢ်မုၢ်အအိၣ်န့ၣ်လီၤ. (အဝဲသ့ၣ်ဟုၣ်န့ၢ်တ့ၢ်တၢ်တဖၣ်န့ၣ်လၢဝ့ၢ်ဘ့ၤသၡၣ်အတၢ်လီၢ်လီၤပျီ, ဖဲပှၤဖလ့ၡသးဖိတဖၣ်ဘျးထီၣ်တ့ၢ်တၢ်အစိၣ်တဖၣ်န့ၣ် ဖဲမုၢ်တနံၤလၢအဝဲသ့ၣ်မၤသံကွံာ် စီၤစီလူးလၢကစၢၢ်ကံးလဘိးအလိၤအခါန့ၣ်လီၤ.)

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:27

စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:70

လၢမုၢ်နုာ်မနၤၡ့ၤအိၣ်ဆိးလီၢ်အပူၤန့ၣ်အဝဲသ့ၣ်တဖၣ်ဘၣ်တၢ် ဟ့ၣ်လီၤအီၤလၢဝ့ၢ်တဖၣ်လၢအမ့ၢ်, ဝ့ၢ်ဧၤန့ၢ်ဒီးဝ့ၢ်ဘံးလၣ်ဃုာ်ဒီးတၢ်အီၣ်ဆၣ်လီၢ်လါဟ့လၢ အအိၣ်ဝးတရံးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:29

စီၤမနၤၡ့ၤအစၢၤအသွဲၣ်တဖၣ်ပၢၤဃာ်ဝ့ၢ်တဖၣ်လၢအမ့ၢ်ဝ့ၢ်ဘ့ၤသ ၡၣ်, ဝ့ၢ်တၤနး, ဝ့ၢ်မကံးဒိၤ, ဝ့ၢ်ဒိၢ်ဒီးဝ့ၢ်ဖိအိၣ်ဝးတရံးအဝဲ သ့ၣ်တဖၣ်န့ၣ်လီၤ. ကယဲၢ်တၢ်လီၢ်သ့ၣ်တဖၣ်အံၤမ့ၢ်တၢ်လီၢ်လၢစီၤယၤကိာ်အဖိခွါစီၤ ယိၤသးအစၢၤအသွဲၣ်တဖၣ်အိၣ်ဆိးတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:22

ဘၣ်ဆၣ်စီၤယိၤၡံယၤပာ်လီၤတ့ၢ်အသးလၢကဒုးတၢ်န့ၣ်လီၤ. အဝဲဂ့ၢ်လိာ်လၢကဒိကနၣ်တၢ်လၢကစၢ်ယွၤစံးဝဲခီဖျိစီၤပၤနကိၤန့ၣ်လီၤ. လၢတၢ်န့ၣ်အဃိအဝဲပျိာ်လီၤဆီအသးဒီးလဲၤဝဲဆူတၢ်ဒုး အပူၤလၢမကံးဒိၤအပျီပူၤန့ၣ်လီၤ.

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်စကၤရယၤ 12:11

ဖဲအဆၢကတီၢ်အဝဲန့ၣ်တၢ်ဟီၣ်တၢ်ယၢၤလၢယရူၤၡလ့ၣ် အပူၤန့ၣ်ကအိၣ်ဝဲဒိၣ်ထဲသိးဒီးတၢ်ဟီၣ်တၢ်ယၢၤလၢဟၤ ဒးရံးမိၢ်အဃိလၢအအိၣ်ဝဲဒၣ်လၢတၢ်ပၢၤခိၣ်မကံးဒိၤအသိးန့ၣ်လီၤ.

လံာ်စီၤယိၤၡူ 11:2

ဒီးဆူစီၤပၤတဖၣ်လၢကစၢၢ်ကလိလၢကလံၤစိးတခီ, ယၢ်ဒ့ၣ်တၢ်ပၢၤခိၣ်လၢပီၣ်လဲၣ်ကၤလံၤလါကလံၤထံးတခီ, လၢကစၢၢ်တဖၣ်အဂံၢ်ထံး, ဒီးလၢပီၣ်လဲၣ်ကၢၢ်ခိၣ်ဘူးဒီးဝ့ၢ်ဒိၢ် န့ၣ်လီၤ.

လံာ်စီၤယိၤၡူ 16:9

ဃုာ်ဒီးဝ့ၢ်ဒီးဝ့ၢ်ဖိခဲလၢာ် လၢအဘၣ်တၢ်ပာ်လီၤဆီန့ၢ်လၢ အ့ဖရဲၣ်ဖိတဖၣ်အဂီၢ်လၢပှၤမနၤၡ့ၤဖိတဖၣ်အတၢ်န့ၢ်သါအပူၤန့ၣ်လီၤ.

လံာ်စီၤယိၤၡူ 17:10

အ့ဖရဲၣ်အကီၢ်အိၣ်လၢကလံၤထံး ဒီးမနၤၡ့ၤအကီၢ်အိၣ်လၢကလံၤစိးဒီးပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် မ့ၢ်အဝဲသ့ၣ်အမုၢ်နုာ်ကီၢ်ဆၢလီၤ. အၤၡ့ၢ်အကီၢ်အိၣ်လၢမုၢ်နုာ်ကလံၤစိးဒီး ယံးစၣ်ကၢ်အကီၢ်အိၣ်လၢမုၢ်ထီၣ်ကလံၤစိးန့ၣ်လီၤ.

လံာ်စီၤယိၤၡူ 17:16

အဝဲသ့ၣ်စံးဆၢဝဲ, “ကစၢၢ်ကလိအကီၢ်အံၤတလၢလၢပဂီၢ်ဘၣ်. ဘၣ်ဆၣ်ဒီးပှၤကနၤဧၣ်ဖိလၢပျီတဖၣ်န့ၣ်အိၣ်ဒီးလ့ၣ်ကဟၣ်ထးဒီးဒ်န့ၣ်အသိး, ပှၤလၢအအိၣ်လၢဝ့ၢ်ဘ့ၤသၡၣ်ဒီးဝ့ၢ်ဖိဝးတရံးအီၤတဖၣ်ဒီးပှၤ လၢအအိၣ်လၢဝ့ၢ်ယံးစရ့လးအကစၢၢ်ကဆူးတဖၣ်န့ၣ်အိၣ်စ့ၢ်ကီးဒီး လ့ၣ်ကဟၣ်ထးလီၤ.”

လံာ်ပှၤစံၣ်ညီၣ်ကွီၢ် 1:27

ဒီးမနၤၡ့ၤအဒူၣ်တနီၣ်ထီၣ်ကွံာ်ပှၤဂီၢ်မုၢ်လၢအအိၣ်ဝဲလၢဝ့ၢ် ဘ့ၤသၡၣ်, ဝ့ၢ်တၤနး, ဝ့ၢ်ဒိၢ်, ဝ့ၢ်ယံးဘျၣ်, ဝ့ၢ်မကံးဒိၤဒီးဝ့ၢ်ဖိလၢအအိၣ်ဘူး တဖၣ်အပူၤန့ၣ်ဘၣ်လီၤ. ဒီးပှၤကနၤဧၣ်ဖိတဖၣ်အိၣ်ဆိးဒီးအဝဲသ့ၣ်ဖဲတၢ်လီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:19

ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 28:7

အန့ၣ်ဒီးစီၤစီလူးဟ့ၣ်လီၤအကလုၢ်ဆူအသုးခိၣ်သုးနၢ်တဖၣ် အအိၣ်ဒီးစံးဝဲ, “ဃုန့ၢ်ယၤပှၤပိာ်မုၣ်တဂၤလၢအကိးပှၤအကလၤဒီးယကလဲၤဒီးသံကွၢ်တၢ်ဒီးအီၤန့ၣ်လီၤ.” အဝဲသ့ၣ်စံးဘၣ်အီၤ, “အိၣ်လၢဝ့ၢ်ဧ့ၣ်ဒိၢ်အပူၤတဂၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 31:10

အန့ၣ်ဝံၤဒီးအဝဲသ့ၣ်ပာ်စီၤစီလူးအစုကဝဲၤလၢကစၢ်မုၢ်ဧၤၡတြိးအဟံၣ်ပူၤဒီးအဝဲသ့ၣ်ပျၤထီအနီၢ်ခိလၢဝ့ၢ်ဘ့ၤၡၣ်အဝ့ၢ် ခိၣ်ဒူန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:12

ပှၤအဒူအဃိၤကတၢၢ်တဖၣ်ဟးထီၣ်ဒီးလဲၤထီၣ်သီတနၤကျၢၤဆူဝ့ၢ်ဘ့ၤသၡၣ်လီၤ. အဝဲသ့ၣ်စိာ်လီၤစီၤစီလူးအစိၣ်ဒီးအဖိခွါတဖၣ်အစိၣ် လၢဝ့ၢ်ခိၣ်ဒူဒီးဟဲက့ၤစိာ်ဝဲဆူဝ့ၢ်ယၤဘ့ၣ်ဒီးဆူးကဲၤကွံာ်အီၤ ဖဲန့ၣ်လီၤ.