လံာ်စီၤယိၤၡူ 16:3 - Sgaw Karen Common Bible

³ ဝံၤဒီးလဲၤလီၤလၢမုၢ်နုာ်တကပၤဆူ ပှၤယးဖလ့တံၤဖိအကီၢ်တုၤလီၤလၢဝ့ၢ်ဘ့ၤသဃိရိၣ်လၢလာ်ခီ, ဝံၤဒီးဆူဝ့ၢ်က့စ့ၢ်ဒီးလဲၤကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်စီၤယိၤၡူ 16:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 20:4

လၢခံန့ၣ်တၢ်ဒုးတၢ်ယၤမၤကဒီးအသးဒီးပှၤဖလ့ၡသးဖိတဖၣ် ဖဲဝ့ၢ်က့စ့ၢ်န့ၣ်လီၤ. ဒီးတၢ်အံၤမၤအသးဖဲပှၤဃူၡသးဖိစီၤစၤဘကဲ မၤသံပှၤနီၢ်ဒိၣ်နီၢ်သွါတဂၤလၢအမံၤမ့ၢ်စီၤစးဖဲၤဒီးပှၤ ဖလ့ၡသးဖိတဖၣ်ဘၣ်တၢ်မၤနၢၤကွံာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:24

စီၤအ့ဖရဲၣ်အိၣ်ဒီးအဖိမုၣ်တဂၤလၢအမံၤမ့ၢ်, နီၢ်ၡ့ရၤန့ၣ်လီၤ. အဝဲသူၣ်ထီၣ်ဝ့ၢ်တဖၣ်လၢအမ့ၢ်, ဝ့ၢ်ဘ့ၤသဃိရိၣ်ထးခီဒီးလာ်ခီ, ဒီးဝ့ၢ်အူစ့ၣ်ၡ့ၤရ့ၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:28

တၢ်အိၣ်တၢ်ဆိးအလီၢ်လၢအဝဲသ့ၣ်ဟံးန့ၢ်ဝဲဒီးအိၣ်ဆိးဝဲန့ၣ် မ့ၢ်ဝ့ၢ်ဘ့ၤသ့လးဒီးဝ့ၢ်အိၣ်ဝးတရံးအီၤတဖၣ်, လၢမုၢ်ထီၣ်န့ၣ်ယံၤတုၤလၢဝ့ၢ်နၤရၣ်ဒီးလၢမုၢ်နုာ်န့ၣ်ယံၤ တုၤလၢက့စ့ၢ်ဒီးဝ့ၢ်အိၣ်ဝးတရံးသ့ၣ်တဖၣ်န့ၣ်လီၤ. တၢ်န့ၣ်အိၣ်ဃုာ်စ့ၢ်ကီးဒီးဝ့ၢ်တဖၣ်လၢအမ့ၢ်ဝဲဝ့ၢ်ၡက့ၣ်, ဝ့ၢ်ဂါစၤဒီးဝ့ၢ်အိၣ်ဝးတရံးအဝဲသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:5

စီၤၡလိၤမိၤသူၣ်ထီၣ်ကဒါက့ၤစ့ၢ်ကီးဝ့ၢ်လၢလာ်တဖၣ်အံၤလီၤ. ဝ့ၢ်ဘ့ၤသဃိရိၣ်လၢထးခီဒီးဝ့ၢ်ဘ့ၤသဃိရိၣ်လၢလာ်ခီ (ဝ့ၢ်တဖၣ်လၢအအိၣ်ဒီးအခိၣ်ဒူဒီးတြဲၤဖးဒိၣ်တဖၣ်လၢပှၤကး တံာ်အီၤဒီးထးဘိဖးဒိၣ်တဖၣ်သ့ဝဲ),

လံာ်တၢ်ဂံၢ် 34:6

မုၢ်နုာ်အထံဆၢကီၢ်ဆၢန့ၣ်ကမ့ၢ်ဝဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်စီၤယိၤၡူ 10:33

ဝ့ၢ်က့စံၢ်အစီၤပၤဟိရၣ်ဟဲဝဲဒ်သိးအကမၤစၢၤပှၤဝ့ၢ်လၤကံၣ်ဖိ ဘၣ်ဆၣ်ဒီးစီၤယိၤၡူကျီကွံာ်အီၤဒီးအပှၤခဲလၢာ်ဒီးတပျဲအအိၣ်တီၢ်နီတဂၤဘၣ်န့ၣ်လီၤ.

လံာ်စီၤယိၤၡူ 18:13

ဝံၤဒီးကီၢ်ဆၢန့ၣ်လဲၤဆူတၢ်ပၤလီၤလၢဝ့ၢ်လူးစးအကလံၤထံး (ဘၣ်တၢ်ကိးစ့ၢ်ကီးလၢဘ့ၤသ့လး) ဒီးဆူဝ့ၢ်ဧးတၤရိးအးဒၢ်, လၢအအိၣ်လၢကစၢၢ်လၢအအိၣ်လၢဝ့ၢ်အကလံၤထံးလာ်ခီ အလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:18

အဂၤတဖုလဲၤဆူဝ့ၢ်ဘ့ၤသဃိရၣ်ဒီးအဂၤတဖုလဲၤဆူကီၢ်ဆၢလၢ အကွၢ်စိဃီၤစဘိဧံၣ်အတၢ်တြီၤဒီးပှၢ်မုၢ်ကနၢန့ၣ်လီၤ.