လံာ်စီၤယိၤၡူ 16:10 - Sgaw Karen Common Bible

¹⁰ နာ်က့ဒီး, အဝဲသ့ၣ်တဟီထီၣ် ကွံာ်ပှၤကနၤဧၣ်ဖိလၢဝ့ၢ်က့စ့ၢ်န့ၣ်ဘၣ်. အဃိသတးဒီးပှၤကနၤဧၣ်ဖိတဖၣ် အိၣ်ဆိးလၢပှၤအ့ဖရဲၣ်အသိးအကျါတုၤလီၤလၢမုၢ် မဆါတနံၤအံၤဘၣ်ဆၣ်ဒီးအဝဲသ့ၣ် ဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဖၣ်အသိးန့ၣ်လီၤ.

လံာ်စီၤယိၤၡူ 16:10 Iomraidhean Croise

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:16

(ကီၢ်အဲၤကူပတူးအစီၤပၤဟဲထီၣ်ဒုးတ့ၢ်ဝ့ၢ်က့စ့ၢ်ဒီးမၤန့ၢ်တ့ၢ်ဝဲ, မၤသံကွံာ်ပှၤအိၣ်ဝဲဆိးဝဲဖဲန့ၣ်တဖၣ်ဒီးဆူးထီၣ်ကွံာ်ဝဲလၢမ့ၣ်အူ န့ၣ်လီၤ. အန့ၣ်ဝံၤဒီးအဝဲဟ့ၣ်လီၤဝ့ၢ်န့ၣ်ဒ်တၢ်တ့တၢ်ဖျီ အတၢ်ဟ့ၣ်ကနၢၤအသိးဆူအဖိမုၣ်အအိၣ်, ဖဲအဒိးတ့ဒိးဖျီအသးဒီးစီၤၡလိၤမိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:21

အဝဲသ့ၣ်န့ၣ်, ပှၤအံၣ်စရ့လးဖိတမၤသံကွံာ်ဘၣ်အီၤဖဲအဟဲနုာ် မၤန့ၢ်အထံအကီၢ်ဒ်တၢ်န့ၢ်သါအသိးအခါန့ၣ်ဘၣ်. အဝဲသ့ၣ်အစၢၤအသွဲၣ်တဖၣ်ကဲထီၣ်ထွဲဒံးကုၢ်တဖၣ်တုၤလၢမုၢ်မဆါ တနံၤအံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:8

လၢအမ့ၢ်ပှၤအိၣ်လီၤတဲာ်တ့ၢ်တဖၣ်န့ၣ်, စီၤၡလိၤမိၤမၢဆူၣ်အီၤ လၢကုၢ်အတၢ်မၤအပူၤတုၤလၢမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 10:33

ဝ့ၢ်က့စံၢ်အစီၤပၤဟိရၣ်ဟဲဝဲဒ်သိးအကမၤစၢၤပှၤဝ့ၢ်လၤကံၣ်ဖိ ဘၣ်ဆၣ်ဒီးစီၤယိၤၡူကျီကွံာ်အီၤဒီးအပှၤခဲလၢာ်ဒီးတပျဲအအိၣ်တီၢ်နီတဂၤဘၣ်န့ၣ်လီၤ.

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 16:9

ဃုာ်ဒီးဝ့ၢ်ဒီးဝ့ၢ်ဖိခဲလၢာ် လၢအဘၣ်တၢ်ပာ်လီၤဆီန့ၢ်လၢ အ့ဖရဲၣ်ဖိတဖၣ်အဂီၢ်လၢပှၤမနၤၡ့ၤဖိတဖၣ်အတၢ်န့ၢ်သါအပူၤန့ၣ်လီၤ.

လံာ်စီၤယိၤၡူ 17:12

ဘၣ်ဆၣ်ဒီး, ပှၤမနၤၡ့ၤဖိတဖၣ်ဟီထီၣ်ကွံာ်ပှၤလၢအအိၣ်လၢဝ့ၢ်တဖၣ်န့ၣ် တန့ၢ်ဘၣ်သတးဒီးပှၤကနၤဧၣ်ဖိတဖၣ်အိၣ်ဒံးဒၣ်ဖဲန့ၣ်န့ၣ်လီၤ.

လံာ်စီၤယိၤၡူ 17:13

ဖဲပှၤအံၣ်စရ့လးဖိတဖၣ်အဂံၢ်အဘါဆူၣ်ထီၣ်အကတီၢ်ဒၣ်လဲာ်, အဝဲသ့ၣ်တဟီထီၣ်ပှၤကနၤဧၣ်ဖိတဖၣ်ခဲလၢာ်ဘၣ်, မ့မ့ၢ်မၢဆူၣ်အဝဲသ့ၣ်လၢအကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:29

ဒီးအ့ဖရဲၣ်အဒူၣ်တနီၣ်ထီၣ်ကွံာ်ပှၤကနၤဧၣ်ဖိလၢအအိၣ်လၢဝ့ၢ်က့စ့ၢ်အပူၤအဃိဒီး ပှၤကနၤဧၣ်ဖိတဖၣ်အိၣ်ဆိးဃုာ်ဒီးအဝဲသ့ၣ်ဖဲန့ၣ်လီၤ.