လံာ်စီၤယိၤၡူ 16:1 - Sgaw Karen Common Bible

¹ စီၤယိၤသးအစၢၤအသွဲၣ်တဖၣ်အဂီၢ်တၢ်လီၢ်လၢတၢ်နီၤလီၤန့ၢ်အီၤန့ၣ် စးထီၣ်လၢထံကျိယၢ်ဒ့ၣ်ဖဲဝ့ၢ်ယရံၤဃိအဃၢၤ, ယရံၤဃိ အထံမူကျိအမုၢ်ထီၣ်တခီပၢၢ်တုၤလၢပှၢ်မုၢ်ကနၢ လၢအလဲၤထီၣ်လၢဝ့ၢ်ယရံၤဃိပၢၢ်တုၤလၢကစၢၢ်ကလိအကျါလၢ ဝ့ၢ်ဘ့ၤသ့လး,

လံာ်စီၤယိၤၡူ 16:1 Iomraidhean Croise

လံာ်တၢ်ကဲထီၣ်အခီၣ်ထံး 35:24

နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ.

လံာ်ယဃ့းစက့လး 48:5

အ့ဖရဲၣ်အဒူၣ်ကမၤန့ၢ်တၢ်နီၤဖးတတီၤန့ၣ်လီၤ. တၢ်နီၤဖးန့ၣ်ကမ့ၢ်ဖဲမနၤၡ့ၣ်အဒူၣ်အလီၢ်အဃၢၤ စးထီၣ်လၢမုၢ်ထီၣ်တုၤဆူမုၢ်နုာ်န့ၣ်လီၤ.

လံာ်စီၤယိၤၡူ 15:61

လၢပှၢ်မုၢ်ကနၢတခီအိၣ်ဝဲဒီးဘ့ၤသဧါရဘၤ, မံးဒံၣ်, စကၤကၤ,

လံာ်စီၤယိၤၡူ 18:12

ဒီးအကီၢ်ဆၢလၢကလံၤစိးစးထီၣ်အသးဖဲထံကျိယၢ်ဒ့ၣ် ဒီးလဲၤထီၣ်ဆူဝ့ၢ်ယရံၤဃိအကလံၤစိးတၢ်ပၤလီၤဒီးလဲၤထီၣ်ဆူ မုၢ်နုာ်ခီဖျိကစၢၢ်ကလိအလီၢ်တုၤလီၤလၢ ဘ့ၤသအၤဝ့ၣ်အပှၢ်မုၢ်ကနၢန့ၣ်လီၤ.

လံာ်စီၤယိၤၡူ 18:5

အဝဲသ့ၣ်ကနီၤဖးလီၤကီၢ်အံၤနွံပူၤလၢအဂီၢ်ဒၣ်ဝဲန့ၣ်လီၤ. ယူဒၤအဒူၣ်ကအိၣ်လၢအလီၢ်ဒၣ်ဝဲလၢကလံၤထံး, ဒီးစီၤယိၤသးကအိၣ်လၢအလီၢ်ဒၣ်ဝဲလၢကလံၤစိးန့ၣ်လီၤ.

လံာ်စီၤယိၤၡူ 8:15

စီၤယိၤၡူဒီးအပှၤခဲလၢာ်ပာ်မၤအသးဒ်အဂုၤက့ၤအလီၢ်ခံအသိး, ဒီးဃ့ၢ်ဝဲဆူပှၢ်မုၢ်ကနၢန့ၣ်လီၤ.

လံာ်ပှၤစံၣ်ညီၣ်ကွီၢ် 1:22

ဒီးအ့ဖရဲၣ်ဒီးမနၤၡ့ၤအဒူၣ်တဖၣ်လဲၤဒ်သိးအကဒုးဝ့ၢ်ဘ့ၤသ့လး န့ၣ်လီၤ. ဒီးယွၤမၤစၢၤအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 1:23

အကတီၢ်ဖဲန့ၣ်ဝ့ၢ်အံၤဘၣ်တၢ်ကိးအီၤလၢဝ့ၢ်လူးစးန့ၣ်လီၤ. အဝဲသ့ၣ်ဆှၢလီၤပှၤကွၢ်ဟုၣ်ကွၢ်စုးတၢ်တဖၣ်ဆူဝ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:27

အဝဲဆှၢလီၤတၢ်န့ၣ်ဆူပှၤဂီၢ်မုၢ်အိၣ်လၢဝ့ၢ်ဘ့ၤသ့လး, ဆူပှၤဂီၢ်မုၢ်လၢဝ့ၢ်ရၤမါ, ဆူပှၤဂီၢ်မုၢ်လၢအအိၣ်လၢကီၢ်ယူဒၤအကလံၤထံးတခီ, ဒီးဆူပှၤဂီၢ်မုၢ်လၢကီၢ်ယးတံၢ်အဝ့ၢ်တဖၣ်အပူၤ,