လံာ်စီၤယိၤၡူ 15:7 - Sgaw Karen Common Bible

⁷ ဒီးကီၢ်အဆၢန့ၣ်လဲၤထီၣ်ဆူဝ့ၢ်ဒဘံၢ်လၢကစၢၢ် ကဆူးဧၤကိၢ်ဒီးဆူကလံၤစိးဝံၤတရံး အသးဆူဝ့ၢ်ကံၤလကၤလးလၢအအိၣ်တခီတကပၤဒီးအဒူမံၣ်အတၢ်စိခိၣ်လၢအအိၣ်လၢကစၢၢ်ကဆူး ကလံၤထံးဒီးကီၢ်ဆၢန့ၣ်လဲၤ တၢ်တုၤလၢဧၣ်ၡ့မ့ၣ်အထံထီၣ်ပၢၢ်ဒီးကတၢၢ်ဝဲဖဲဧ့ၣ်ရိၤက့လး အထံထီၣ်ပၢၢ်န့ၣ်လီၤ.

လံာ်စီၤယိၤၡူ 15:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:17

စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:9

ဘၣ်မုၢ်တနံၤ, စီၤအဒိနံၤယၤလုၢ်ထီၣ်တၢ်လုၢ်တၢ်ပာ်လၢအမ့ၢ် သိ, ဂီၤဖံးဖါတဖၣ်, ဒီးဂီၤဖံးဖိအဘီၣ်တဖၣ်လၢလၢၢ်စိၤဃ့လ့းဖဲ ဧ့ၣ်ရိၤက့လးအထံထီၣ်ပၢၢ်အဃၢၤန့ၣ်လီၤ. ဒီးအဝဲကွဲဃီၤစီၤဒၤဝံးအဖိခွါအဂၤတဖၣ်, ဒီးစီၤပၤအပဒိၣ်ပပှၢ်တဖၣ်လၢအအိၣ်လၢကီၢ်ယူဒၤ, ဒ်သိးကဟဲဆူတၢ်လုၢ်ထီၣ်ပာ်ထီၣ်အမူးအံၤ,

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်စီၤယိၤၡူ 10:43

တၢ်အံၤဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲအလီၢ်လၢ ဝ့ၢ်ကံးလကၤလးန့ၣ်လီၤ.

လံာ်စီၤယိၤၡူ 15:15

ဒီးလဲၤထီၣ်ဝဲဖဲန့ၣ်ထီဒါပှၤဝ့ၢ်ဒဘံၢ်ဖိတဖၣ်လီၤ. (ဝ့ၢ်ဒဘံၢ်အမံၤလၢအပူၤကွံာ်မ့ၢ်ဝဲကံးရယးစ့ဖ့ၢ်လီၤ.)

လံာ်စီၤယိၤၡူ 15:6

ဒီးလဲၤထီၣ်ဆူဝ့ၢ်ဘ့ၤသဃါ ကလၤဒီးလဲၤဆူဝ့ၢ်ဘ့ၤသဧါရဘၤ လၢကလံၤစိးတခီဒီးကီၢ်အဆၢန့ၣ်လဲၤထီၣ်ဆူစီၤရူၤဘ့ၣ်အဖိခွါစီၤဘိဟၣ်အလၢၢ်တဖျၢၣ်,

လံာ်စီၤယိၤၡူ 18:17

ဝံၤဒီးလဲၤထီၣ်ဆူကလံၤစိးတခီဆူဧ့ၣ်ၡ့မ့ၣ်အထံထီၣ်ပၢၢ်ဒီးဆူ ဝ့ၢ်ကလံလိးလၢအအိၣ်ကွၢ်ဆၢၣ်မဲာ်လိာ်အသးဒီးအဒူမ့ၣ်ကျဲ ကဆူးန့ၣ်လီၤ. ဝံၤဒီးကီၢ်ဆၢန့ၣ်လဲၤလီၤဆူစီၤရူၤဘ့ၣ်အဖိ ခွါစီၤဘိဟၣ်အလၢၢ်တဖျၢၣ်အအိၣ်,

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 7:24

စီၤယိၤၡူဒီးပှၤအံၣ်စရ့လးဖိခဲလၢာ်ဟံးန့ၢ်စီၤဧၤကၣ်, စ့ဒီးဆ့ကၤဖးဒိၣ်, ထူတဘိဃုာ်ဒီးစီၤဧၤကၣ်အဖိခွါ ဒီးအဖိမုၣ်တဖၣ်, အကျီၢ်, ကသ့ၣ်ယီၤတဖၣ်, ဒီးသိ, အဒဲဒီးတၢ်အဂၤခဲလၢာ်လၢမ့ၢ်အတၢ်ဒီးစိာ်တၢ်တဖၣ်န့ၣ်ဆူတၢ်ပၢၤခိၣ်လၢ ကစၢၢ်ကဆူးဧၤကိၢ်အခီပညီမ့ၢ်တၢ်ကီတၢ်ခဲန့ၣ်လီၤ.

လံာ်စီၤယိၤၡူ 7:26

ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.