လံာ်စီၤယိၤၡူ 15:63 - Sgaw Karen Common Bible

⁶³ ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 15:63 Iomraidhean Croise

လံာ်စီၤပၤအခီၣ်ထံးတဘ့ၣ် 9:21

အဝဲသ့ၣ်န့ၣ်, ပှၤအံၣ်စရ့လးဖိတမၤသံကွံာ်ဘၣ်အီၤဖဲအဟဲနုာ် မၤန့ၢ်အထံအကီၢ်ဒ်တၢ်န့ၢ်သါအသိးအခါန့ၣ်ဘၣ်. အဝဲသ့ၣ်အစၢၤအသွဲၣ်တဖၣ်ကဲထီၣ်ထွဲဒံးကုၢ်တဖၣ်တုၤလၢမုၢ်မဆါ တနံၤအံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:28

ပှၤတဖၣ်အံၤမ့ၢ်ဟံၣ်ဒူၣ်ဃီထၢအခိၣ်အပၢ်ဖးဒိၣ်လၢပျၢၤတဖၣ်ဒီး အဝဲသ့ၣ်အပှၤအခိၣ်အဒိၣ်ကတၢၢ်အစၢၤအသွဲၣ်တဖၣ်လၢအအိၣ်ဆိးတ့ၢ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤယိၤၡူ 15:62

နံးဘၡၣ်, ဝ့ၢ်အံသၣ်, ဒီးဧ့ၣ်က့ဒံၤန့ၣ်လီၤ. မ့ၢ်ဝ့ၢ်ဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 15:8

ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:21

မ့မ့ၢ်ဘံၣ်ယၤမံၣ်အဒူၣ်အပှၤဂီၢ်မုၢ်န့ၣ်တနီၣ်ထီၣ်ကွံာ်ပှၤယဘူၣ် ဖိတဖၣ်လၢအအိၣ်လၢဝ့ၢ်ယရူၤၡလ့ၣ်အပူၤန့ၣ်ဘၣ်. ဒီးပှၤယဘူၣ်ဖိတဖၣ်အိၣ်ဆိးဃုာ်ဒီးပှၤဘံၣ်ယၤမံၣ်ဖိတဖၣ်စး ထီၣ်လၢန့ၣ်လံၤလံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:8

ဒီးယူဒၤအပှၤပိာ်ခွါတဖၣ်ဒုးဝ့ၢ်ယရူၤၡလ့ၣ်ဒီးမၤန့ၢ်အီၤ လီၤ. ဒီးအဝဲသ့ၣ်မၤသံကွံာ်ပှၤဂီၢ်မုၢ်အိၣ်လၢဝ့ၢ်ပူၤတဖၣ်ဒီး ဒွဲၣ်ထီၣ်ဝ့ၢ်လၢမ့ၣ်အူန့ၣ်လီၤ.