လံာ်စီၤယိၤၡူ 15:41 - Sgaw Karen Common Bible

⁴¹ ကဒ့ရိၣ်, ဘ့ၤသဒၤကိၣ်, နၤဧမၣ်, ဒီးမးက့ဒၤန့ၣ်လီၤ. မ့ၢ်ဝ့ၢ်တဆံဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်စီၤယိၤၡူ 15:41 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 27:28

စီၤဘဧၤလးဃနၣ်လၢဝ့ၢ်က့ဒ့ၢ်မ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲသ့ၣ်စၤယံးတဖၣ်, သ့ၣ်သိးဝံာ်ဒၢတဖၣ် (လၢအအိၣ်ဝဲ လၢကစၢၢ်မုၢ်နုာ်အခီၣ်ထံးန့ၣ်လီၤ.) စီၤယိၤအာ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲတၢ်ထုးထီၣ်သ့ၣ် စၤယံးအသိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:21

ဝံၤဒီးစီၤယိၤၡူအပှၤခဲလၢာ်ဟဲက့ၤက့ၤ ပူၤပူၤဖျဲးဖျဲးဆူအအိၣ်လၢသူၣ်ဒဲအလီၢ်ဖဲဝ့ၢ်မးက့ဒၤန့ၣ်လီၤ. ပှၤကတိၤထီဒါပှၤအံၣ်စရ့လးဖိတဖၣ်တဘူၣ်နီတဂၤဒၣ်လဲာ်ဘၣ်န့ၣ် လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 15:40

ကးဘိၣ်, လၤမၣ်, ကံသလံၣ်,

လံာ်စီၤယိၤၡူ 15:42

အိၣ်စ့ၢ်ကီးဒီးလံးဘနၤ, ဧ့သ့ၢ်, ဧၤၡၣ်, ယံးဖတၤ, အါနၤ, နစံာ်,

လံာ်စီၤယိၤၡူ 19:27

ဒီးဃၣ်အသးဆူမုၢ်ထီၣ်ဒီးကီၢ်ဆၢန့ၣ်လဲၤဆူဘ့ၤသဒၤကိၣ် ဒီးထိးဘၣ်စဘူလိၣ်ဒီးယံးဖတ့လးအတၢ်ပၢၤခိၣ်ကစၢၢ်ကဆူးလၢ ဘ့ၤသဧ့ၤမ့းဒီးနဧ့လးလၢကလံၤစိးတခီ, ဒီးဟးထီၣ်ဝဲဆူကၤ ဘူလးလၢကလံၤစိးတခီ,