လံာ်စီၤယိၤၡူ 15:3 - Sgaw Karen Common Bible

³ ဒီးလဲၤဝဲဆူကလံၤထံးတကပၤစးထီၣ်လၢဧးကရးဘံၣ်အတၢ်စိခိၣ် ဒီးတုၤလၢပှၢ်မုၢ်ကနၢစံၣ်န့ၣ်လီၤ. လဲၤကဒီးဆူဝ့ၢ်ကၤဒ့ၣ်ဘၢ်န့အကလံၤထံး, ပူၤကွံာ်ဝ့ၢ်ဃ့စရိာ်ဒီးတုၤလၢဝ့ၢ်အးဒၢ်, တရံးအသးဆူဝ့ၢ်ကၢ်ကၤ,

လံာ်စီၤယိၤၡူ 15:3 Iomraidhean Croise

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 32:8

တၢ်အံၤမ့ၢ်တၢ်လၢသုပၢ်တဖၣ်မၤတ့ၢ်ဝဲဖဲယမၢလီၤအဝဲသ့ၣ်လၢ ကၤဒ့ၣ်ဘၢ်န့ဒ်သိးကလဲၤဃုကွၢ်ထံကီၢ်တဘ့ၣ်အခါန့ၣ်လီၤ.

လံာ်တၢ်ဂံၢ် 34:4

အန့ၣ်ဝံၤဒီးကတရံးအသးဆူကလံၤထံးလိၤလိၤလၢတၢ်လဲၤနုာ်ဆူ ဧးကရးဘံၣ်ဒီးကလဲၤဆူညါဖျိကွံာ်ပှၢ်မုၢ်ကနၢစံၣ်, ယံၤတုၤလၢကလံၤထံးဖဲကၤဒ့ၣ်ဘၢ်န့လီၤ. ဝံၤဒီးတရံးက့ၤဆူမုၢ်နုာ်ကလံၤစိးဆူဃးစၢ်အးဒၢ်ဒီးလဲၤဆူဧၤစမိၣ်,

လံာ်စီၤယိၤၡူ 15:2

ကလံၤထံးကီၢ်ဆၢအံၤစးထီၣ်အသးဖဲပီၣ်လဲၣ်အံသၣ်အကလံၤထံးအကတၢၢ်,

လံာ်စီၤယိၤၡူ 15:4

ဒီးလဲၤထီၣ်ဆူဝ့ၢ်ဧၤစမိၣ်, ဒီးပိာ်ထွဲထံကျိဖိလၢကီၢ်အဲၤကူပတူးအကီၢ်ဆၢတုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်ဖဲကီၢ်ဆၢကတၢၢ်ဝဲန့ၣ်လီၤ. အဝဲအံၤမ့ၢ်ယူဒၤအကီၢ်ဆၢလၢကလံၤထံးတခီန့ၣ်လီၤ.

လံာ်ပှၤစံၣ်ညီၣ်ကွီၢ် 1:36

ဒီးလၢဝ့ၢ်စ့လၤအကလံၤစိးန့ၣ်ပှၤအဒိၣ်ဖိအကီၢ်ဆၢအိၣ်ရဲၣ်လီၤအသး တုၤလၢဝ့ၢ်ဧးကရၤဘံၣ်တၢ်ဟဲနုာ်ဟးထီၣ်အကျဲန့ၣ်လီၤ.