လံာ်စီၤယိၤၡူ 15:19 - Sgaw Karen Common Bible

¹⁹ အဝဲစံးဆၢဝဲ, “ယသးလီထံမူအပူၤတနီၤလီၤ. စံာ်ပျီလၢနဟ့ၣ်လီၤယၤန့ၣ်အိၣ်လၢတၢ်ဃ့ထီအလီၢ်န့ၣ်လီၤ.” အန့ၣ်ဒီးစီၤကၤလ့းဟ့ၣ်လီၤအီၤထံထီၣ်ပၢၢ်လၢထးဒီးလၢလာ်တဖၣ်န့ၣ်လီၤ.

လံာ်စီၤယိၤၡူ 15:19 Iomraidhean Croise

လံာ်တၢ်ကဲထီၣ်အခီၣ်ထံး 12:9

ဒီးသုးအလီၢ်ဆူညါတတီၤဘၣ်တတီၤဒီးလဲၤဝဲဆူကီၢ်ကနၤဧၣ် အကလံၤထံးတခီန့ၣ်လီၤ.

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

၂ ကရံၣ်သူး 9:5

လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.

လံာ်သိၣ်လီၤသီလီၤတၢ် 33:7

ဘၣ်ဃးဒီးယူဒၤအဒူၣ်အဂ့ၢ်န့ၣ်, အဝဲစံးဝဲ, “ယွၤဧၢ, ကနၣ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်, ပာ်ဖှိၣ်ကဒါက့ၤအဝဲသ့ၣ်တပူၤဃီဒီးဒူၣ်အဂၤ တဖၣ်တက့ၢ်. ဒုးတၢ်လၢအဝဲသ့ၣ်အဂီၢ်, ယွၤဧၢ, ဒီးမၤစၢၤအဝဲသ့ၣ်ထီဒါအဒုၣ်အဒါတဖၣ်န့ၣ်တက့ၢ်.”

လံာ်စီၤယိၤၡူ 15:18

ဖဲအဖျီအသးအနံၤန့ၣ်, စီၤဧီၤသန့လးသဆၣ်ထီၣ်အခံလၢအကဃ့န့ၢ်စံာ်ပျီလၢအပၢ်အအိၣ် န့ၣ်လီၤ. ပိာ်မုၣ်န့ၣ်စံၣ်လီၤလၢကသ့ၣ်ယီၤအလိၤဒီးစီၤကၤလ့း သံကွၢ်အီၤတၢ်လၢအဝဲသးလီဝဲန့ၣ်လီၤ.

လံာ်စီၤယိၤၡူ 15:20

အဝဲအံၤမ့ၢ်ပှၤယူဒၤဖိအဒူၣ်အတၢ်န့ၢ်သါဒ်အဒူၣ်ဖိထၢဖိတဖၣ် အိၣ်ဝဲအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.