လံာ်စီၤယိၤၡူ 15:17 - Sgaw Karen Common Bible

¹⁷ ဒီးစီၤကၤလ့းအဒီပုၢ်ဝဲၢ်စီၤ ကနးစးအဖိခွါစီၤဧီၤသန့လးဒုးန့ၢ်ဝ့ၢ်န့ၣ်သတးဒီး စီၤကၤလ့းဟ့ၣ်လီၤအဖိမုၣ်နီၢ်ဧၤကစ့ၤ လၢတၢ်တ့တၢ်ဖျီအဂီၢ်န့ၣ်လီၤ.

လံာ်စီၤယိၤၡူ 15:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 2:49

လၢခံနီၢ်မၤကၤအိၣ်အါထီၣ်ဒံးဒီးအဖိခွါအဂၤခံဂၤလၢအမ့ၢ် ဝဲစီၤၡၤဧာ်လၢအသူၣ်ထီၣ်ဝ့ၢ်မၤဒမးနၤဒီးစီၤၡဝၤလၢအသူၣ်ထီၣ် ဝ့ၢ်မၤကဘ့နၤဒီးကံဘဧၤန့ၣ်လီၤ. ဒီးလၢန့ၣ်အမဲာ်ညါစီၤကၤလ့းအိၣ်ဒီးအဖိမုၣ်တဂၤလၢအမံၤ မ့ၢ်ဝဲ, နီၢ်ဧၤကစ့လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:15

တဆံခံလါတလါ. ပှၤနတိဖၤသးဖိစီၤဃ့လဒဲၤ. (အဝဲမ့ၢ်ပှၤဟဲလီၤစၢၤလီၤသွဲၣ်လၢစီၤဧီၤသန့လးန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 4:13

စီၤကနးစးအိၣ်ဒီးအဖိခွါခံဂၤလၢအမ့ၢ်ဝဲစီၤဧီၤသန့လး ဒီးစီၤစရါယၤန့ၣ်လီၤ. စီၤဧီၤသန့လးအိၣ်ဒီးအဖိခွါခံဂၤလၢအမ့ၢ်ဝဲစီၤဃသးဒီး စီၤမဧိနိၤသဲန့ၣ်လီၤ.

လံာ်တၢ်ဂံၢ် 32:12

မ့တမ့ၢ်ဘၣ်လၢပှၤက့ၤစ့းဖိစီၤယဖူန့ၤအဖိခွါစီၤကၤလ့း ဒီးစီၤနိၣ်အဖိခွါစီၤယိၤၡူပှၤလၢအသးတီတ့ၢ်ဒီးယၤတဖၣ် ဘၣ်န့ၣ်, ပှၤအဂၤတလဲၤနုာ်ဘၣ်နီတဂၤဘၣ်.

လံာ်စီၤယိၤၡူ 14:6

ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.

လံာ်စီၤယိၤၡူ 15:16

ဒီးစီၤကၤလ့းစံးဝဲ, “ပှၤလၢအဒုးဒီးမၤန့ၢ်ဝ့ၢ်ကံးရယးစ့ဖ့ၢ်န့ၣ်, ယကဟ့ၣ်လီၤယဖိမုၣ်နီၢ်ဧၤကစ့ၤလၢကကဲထီၣ်အမါအဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 1:13

စီၤကၤလ့းအပုၢ်စီၤကနးစးအဖိခွါစီၤဧီၤသန့လးမၤနၢၤဝ့ၢ်န့ၣ်သတးဒီး, စီၤကၤလ့းဖျီအီၤဒီးအဖိမုၣ်နီၢ်ဧၤကစ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:11

ဒီးတၢ်မုာ်တၢ်ခုၣ်အိၣ်လၢကီၢ်ပူၤအနံၣ်လွံၢ်ဆံဝံၤအလီၢ်ခံ ဒီးစီၤဧီၤသန့လးသံဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:9

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.