လံာ်စီၤယိၤၡူ 14:6 - Sgaw Karen Common Bible

⁶ ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.

လံာ်စီၤယိၤၡူ 14:6 Iomraidhean Croise

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:14

ဒီးပိာ်ထွဲထီၣ်ကျဲလၢကီၢ်ယူဒၤအဝံတဂၤအလီၢ်ခံဒီးထံၣ်န့ၢ် အီၤလၢအဆ့ၣ်နီၤဖဲသ့ထိးဖၣ်တထံးအဖီလာ်န့ၣ်လီၤ. အဝဲသံကွၢ်ဝဲ, “နမ့ၢ်ဝံတဂၤလၢကီၢ်ယူဒၤန့ၣ်ဧါ.” ဒီးပှၤတဂၤန့ၣ်စံးဆၢအီၤ, “ယမ့ၢ်လီၤ.”

လံာ်စီၤပၤခံဘ့ၣ်တဘ့ၣ် 4:16

ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:9

ပိာ်မုၣ်န့ၣ်စံးဘၣ်အဝၤ, “ယသ့ၣ်ညါသပှၢ်တၢၢ်လၢ, ပှၤလၢအဟဲညီနုၢ်ဖဲအံၤတဂၤန့ၣ်, မ့ၢ်ပှၤစီဆှံတဂၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:11

အန့ၣ်ဝံၤဒီးစီၤအလံၤၡါကွၢ်စူၣ်အီၤလၢမဲာ်သၣ်လၢအလီၤပျံၤ လီၤဖုးတုၤစီၤဃစ့လးအသူၣ်ကိၢ်သးဂီၤဝဲန့ၣ်လီၤ. သတူာ်ကလာ်စီၤအလံၤၡါအမဲာ်ထံပုာ်ထီၣ်ယွၤလီၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:7

စီၤအလံၤၡါလဲၤဝဲဆူဝ့ၢ်ဒၤမ့းစ့းဖဲကီၢ်စူၤရံအစီၤပၤ ဘ့ၣ်ဟဒးဘၣ်ဆူးဘၣ်ဆါဝဲအခါန့ၣ်လီၤ. ဒီးဖဲစီၤပၤဘၣ်တၢ်တဲဘၣ်အီၤလၢစီၤအလံၤၡါအိၣ်ဝဲဖဲန့ၣ်န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:14

ဘၣ်ဆၣ်, ကစၢ်ယွၤအပှၤကညီစီၤမိၤၡ့အဖိခွါတဖၣ်ကဘၣ်တၢ်ဂံၢ်ဃုာ် အီၤလၢပှၤလ့ၤဝံဖိတဖၣ်အကျါန့ၣ်လီၤ.)

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 13:30

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

လံာ်တၢ်ဂံၢ် 14:24

ဘၣ်ဆၣ်, မ့ၢ်လၢယခ့ယပှၤစီၤကၤလ့းအိၣ်ဒီးတၢ်ပာ်သူၣ်ပာ်သးလီၤ ဆီတမံၤဒီးအသးတီတ့ၢ်ဒီးယၤအဃိ, ယကလဲၤကိးနုာ်အီၤဆူကီၢ်တဘ့ၣ်လၢအလဲၤဃုထံၣ်သ့ၣ်ညါတ့ၢ်ဝဲ အပူၤဒီးအဝဲအစၢၤအသွဲၣ်တဖၣ်ကမၤန့ၢ်ကီၢ်တဘ့ၣ်န့ၣ်,

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်တၢ်ဂံၢ် 14:6

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ,

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်တၢ်ဂံၢ် 32:12

မ့တမ့ၢ်ဘၣ်လၢပှၤက့ၤစ့းဖိစီၤယဖူန့ၤအဖိခွါစီၤကၤလ့း ဒီးစီၤနိၣ်အဖိခွါစီၤယိၤၡူပှၤလၢအသးတီတ့ၢ်ဒီးယၤတဖၣ် ဘၣ်န့ၣ်, ပှၤအဂၤတလဲၤနုာ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 34:10

လၢကီၢ်အံၣ်စရ့လးအပူၤဝံတဂၤဒ်စီၤမိၤၡ့အသိးလၢယွၤကတိၤ တၢ်ဒီးအီၤမဲာ်သကိးမဲာ်န့ၣ်တအိၣ်ဘၣ်နီတစုနီတဂၤဘၣ်.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

လံာ်စီၤယိၤၡူ 10:43

တၢ်အံၤဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲအလီၢ်လၢ ဝ့ၢ်ကံးလကၤလးန့ၣ်လီၤ.

လံာ်စီၤယိၤၡူ 14:14

ဝ့ၢ်ဃ့ဘြိၣ်ဘၣ်ဃးဒံးဒၣ်ဒီးပှၤကနးဖိစီၤယဖူန့ၤအဖိခွါစီၤကၤလ့းအစၢၤ တဖၣ်မ့ၢ်လၢအဝဲစူၢ်ယွၤ, အံၣ်စရ့လးအကစၢ်လၢတၢ်သးတီအပူၤ အဃိန့ၣ်လီၤ.

လံာ်စီၤယိၤၡူ 15:17

ဒီးစီၤကၤလ့းအဒီပုၢ်ဝဲၢ်စီၤ ကနးစးအဖိခွါစီၤဧီၤသန့လးဒုးန့ၢ်ဝ့ၢ်န့ၣ်သတးဒီး စီၤကၤလ့းဟ့ၣ်လီၤအဖိမုၣ်နီၢ်ဧၤကစ့ၤ လၢတၢ်တ့တၢ်ဖျီအဂီၢ်န့ၣ်လီၤ.

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.