လံာ်စီၤယိၤၡူ 14:14 - Sgaw Karen Common Bible

¹⁴ ဝ့ၢ်ဃ့ဘြိၣ်ဘၣ်ဃးဒံးဒၣ်ဒီးပှၤကနးဖိစီၤယဖူန့ၤအဖိခွါစီၤကၤလ့းအစၢၤ တဖၣ်မ့ၢ်လၢအဝဲစူၢ်ယွၤ, အံၣ်စရ့လးအကစၢ်လၢတၢ်သးတီအပူၤ အဃိန့ၣ်လီၤ.

လံာ်စီၤယိၤၡူ 14:14 Iomraidhean Croise

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 6:41

စီၤအ့ၤသနံ, စီၤစ့ရၤ, စီၤဧဒါယၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 15:7

မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 14:13

စီၤယိၤၡူဆိၣ်ဂ့ၤဒီးဟ့ၣ်လီၤစီၤယဖူန့ၤအဖိခွါစီၤကၤလ့းလၢဝ့ၢ်ဃ့ဘြိၣ်ဒ် အတၢ်န့ၢ်သါအသိးန့ၣ်လီၤ.

လံာ်စီၤယိၤၡူ 14:15

တချုးတၢ်အံၤန့ၣ်, ဝ့ၢ်ဃ့ဘြိၣ်ဘၣ်တၢ်ကိးအီၤလၢဝ့ၢ်အၢ်ဘၤလီၤ. (အၢ်ဘၤမ့ၢ်တ့ၢ်ပှၤအဒိၣ်ကတၢၢ်လၢပှၤဧနးက့ၣ်ဖိအကျါန့ၣ်လီၤ.) ဒီးထံကီၢ်ဆိကတီၢ်ဝဲလၢတၢ်ဒုးတၢ်ယၤလီၤ.