လံာ်စီၤယိၤၡူ 14:1 - Sgaw Karen Common Bible

¹ အအံၤမ့ၢ်တၢ်ဂ့ၢ်ဘၣ်ထွဲဒီးတၢ်နီၤဖးလီၤကီၢ်ကနၤဧၣ်လၢထံ ကျိယၢ်ဒ့ၣ်အမုၢ်နုာ်လၢပှၤအံၣ်စရ့လးဖိတဖၣ်အကျါဒ်လဲၣ်န့ၣ် လီၤ. ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးအံၣ်စရ့လးအဒူၣ်တဖၣ်အဒူၣ်ဖိထၢဖိအခိၣ်အနၢ်တဖၣ်နီၤလီၤ ကီၢ်အံၤလၢအဝဲသ့ၣ်အကျါန့ၣ်လီၤ.

လံာ်စီၤယိၤၡူ 14:1 Iomraidhean Croise

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်ယဃ့းစက့လး 45:1

ဖဲကီၢ်န့ၣ်ဘၣ်တၢ်နီၤဖးလီၤအီၤဆူပှၤတဒူၣ်ဘၣ်တဒူၣ်လၢအတၢ် န့ၢ်သါအဂီၢ်န့ၣ်, တၢ်နီၤဖးအကျါတတီၤန့ၣ်, တၢ်ကဘၣ်ပာ်စီဆှံအီၤလၢယွၤအဂီၢ်န့ၣ်လီၤ. တၢ်လီၢ်န့ၣ်ကဘၣ်ထီဝဲအမံးလာ်တဆံ, ဒီးလဲၢ်ဝဲဃိးမံးလာ်န့ၣ်လီၤ. တၢ်လီၢ်ဒီတခါန့ၣ်ကစီဆှံဝဲလီၤ.

လံာ်တၢ်ဂံၢ် 34:13

မၤသးဒ်န့ၣ်ဒီး, စီၤမိၤၡ့စံးဘၣ်ပှၤအံၣ်စရ့လးဖိတဖၣ်, “အအံၤမ့ၢ်ကီၢ်တဘ့ၣ်လၢသုကဒိးန့ၢ်ဘၣ်အီၤခီဖျိတၢ်ဖီၣ်တၢ် ဖးတဖၣ်, ကီၢ်တဘ့ၣ်လၢယွၤဟ့ၣ်လီၤဆူပှၤအဒူၣ်ခွံဒူၣ်ဒီးတခီဒူၣ်, အအိၣ်န့ၣ်လီၤ.

လံာ်တၢ်ဂံၢ် 34:16

ယွၤစံးဘၣ်စီၤမိၤၡ့, “ပှၤလုၢ်တၢ်အခိၣ်စီၤအလၤဧစၢ်ဒီးစီၤနိၣ်အဖိခွါစီၤယိၤၡူ ကနီၤဖးကီၢ်န့ၣ်လၢပှၤဂီၢ်မုၢ်အဂီၢ်လီၤ.

မၤတၢ် 13:19

အဝဲဒၣ်ဒုးဟးဂီၤကွံာ်ပှၤနွံကလုာ်လၢကီၢ်ကနၤဧၣ်အပူၤ, ဒီးဒုးကဲထီၣ်ကီၢ်တဘ့ၣ်အံၤလၢအပှၤဂီၢ်မုၢ်အတၢ်န့ၣ်လီၤ.

လံာ်သိၣ်လီၤသီလီၤတၢ် 12:10

တုၤသုခီဂာ်ထံကျိယၢ်ဒ့ၣ်န့ၣ်, ယွၤကပျဲသုမၤန့ၢ်ကီၢ်န့ၣ် ဒီးအိၣ်ဆိးဖဲန့ၣ်လီၤ. အဝဲကကဟုကယာ်သုလၢကယဲၢ်သုဒုၣ်သုဒါခဲလၢာ်ဒီးသုကအိၣ်ဆိး ပှဲၤဒီးတၢ်ဃူတၢ်မုာ်န့ၣ်လီၤ.

လံာ်စီၤယိၤၡူ 13:6

အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.

လံာ်စီၤယိၤၡူ 19:51

ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိအဒူၣ်တဖၣ်အခိၣ်အနၢ်တဖၣ်ဖီၣ်တၢ်ဖးဝံၤဒီး နီၤဖးလီၤထံကီၢ်လၢယွၤအမဲာ်ညါဖဲတၢ်ဘူၣ်ထီၣ်ဘါထီၣ်ယွၤ အဒဲအကျဲစၢၤလၢဝ့ၢ်ၡံလိၤန့ၣ်လီၤ. အန့ၣ်ဒီးအဝဲသ့ၣ်နီၤဖးထံကီၢ်ဝံၤဝဲဒၣ်န့ၣ်လီၤ.

လံာ်စီၤယိၤၡူ 21:1

ပှၤလ့ၤဝံဖိအဒူၣ်ဖိထၢဖိအခိၣ်တဖၣ် လဲၤဆူပှၤလုၢ်တၢ်အခိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိ အဒူၣ်ခဲလၢာ်, အဒူၣ်ဖိထၢဖိအခိၣ်တဖၣ်အအိၣ်,