လံာ်စီၤယိၤၡူ 13:9 - Sgaw Karen Common Bible

⁹ အဝဲသ့ၣ်အကီၢ်လဲၤတုၤလၢဝ့ၢ်ဧရိၤဧ့ၢ် (လၢအၢ်နိၣ်တၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သးပၣ်ဃုာ်ဒီး မ့ဒဘၤအတၢ်ပၢၤခိၣ်ထီၣ်ထီတုၤလၢဒံဘိၣ်န့ၣ်လီၤ.

လံာ်စီၤယိၤၡူ 13:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:5

အဝဲသ့ၣ်လဲၤခီဂာ်ထံကျိယၢ်ဒ့ၣ်ဒီးသူၣ်ဒဲဖဲဝ့ၢ်ဧရိၤဧ့ၢ်, ဝ့ၢ်တဝ့ၢ်လၢအအိၣ်ဖဲတၢ်တြီၤပူၤအခၢၣ်သးလၢပှၤကးဖိအဒူၣ် အလီၢ်ကဝီၤအပူၤ, အကလံၤထံးန့ၣ်လီၤ. ဖဲန့ၣ်အဝဲသ့ၣ်လဲၤဆူကလံၤစိးဆူဝ့ၢ်ယၤစ့ၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 19:7

လ့ၣ်ကဟၣ်လၢအဝဲသ့ၣ်ဒိးလဲဝဲအဆိ သၢကလးခံကထိ ဒီးကီၢ်ဆၣ်မၤကၤအစီၤပၤအသုးမုၢ်ဟဲဒီးသူၣ်ထီၣ်ဒဲဘူးဒီး ဝ့ၢ်မ့ဒဘၤန့ၣ်လီၤ. ပှၤဧၣ်မိၣ်ဖိတဖၣ်စ့ၢ်ကီးဟဲထီၣ်ဝဲလၢကယဲၢ်အဝ့ၢ်ခဲလၢာ်အပူၤ ဒီးအိၣ်ကတဲာ်ကတီၤအသးလၢတၢ်ဒုးအဂီၢ်န့ၣ်လီၤ.

လံာ်စီၤနဃ့မယၤ 11:25

ပှၤဂီၢ်မုၢ်အါဂၤအိၣ်ဆိးဝဲလၢဝ့ၢ်တဖၣ်လၢအဘူးဒီးအဝဲသ့ၣ် အစံာ်အပျီတဖၣ်န့ၣ်လီၤ. ပှၤတဖၣ်လၢယူဒၤအဒူၣ်န့ၣ်အိၣ်ဝဲဆိးဝဲဖဲ ဝ့ၢ်ကံးရယးအၢ်ဘၤ, ဝ့ၢ်ဒံၤဘိၣ်, ဒီးဝ့ၢ်ယကၤဘစ့လး, ဒီးသဝီတဖၣ်လၢအအိၣ်ဘူးဒီးဝ့ၢ်တဖၣ်အံၤန့ၣ်လီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယံးရမံယၤ 48:18

သုဝဲလၢအအိၣ်ဝဲဆိးဝဲလၢ ဝ့ၢ်ဒံၤဘိၣ်သ့ၣ်ဧၢ, ဟဲလီၤလၢသုတၢ်လၤကပီၤအလီၢ်ဒီး ဆ့ၣ်နီၤလၢဟီၣ်ခိၣ်လိၤ ဖၣ်ကမူၣ်အကျါတက့ၢ်. အဂ့ၢ်ဒ်အံၤ, ပှၤမၤဟးဂီၤကီၢ်မိၤအး ဟဲတုၤလံ ဒီးမၤဟးဂီၤကွံာ်အတိာ်ဧိၤတာ်ဧိၤခဲလၢာ်လံ.

လံာ်ယံးရမံယၤ 48:22

ဒံၤဘိၣ်, နဘိ, ဘ့ၤသဒံးဘလၤသံၣ်,

လံာ်ယံးရမံယၤ 48:8

ဝ့ၢ်လၢအကပူၤဖျဲးလၢ တၢ်မၤဟးဂီၤန့ၣ်တအိၣ်ဘၣ် နီတဖျၢၣ်ဘၣ်. တြီၤဒီးပျီတဖၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်တၢ်ဂံၢ် 21:30

မ့မ့ၢ်ခဲအံၤအဝဲသ့ၣ်အစၢၤအသွဲၣ်တဖၣ်ဘၣ် တၢ်မၤဟးဂီၤကွံာ်အီၤ, လၢကျဲဒီဘိစးထီၣ်လၢဃ့ၡဘိၣ်တုၤဆူဒံၤဘိၣ်, စးထီၣ်လၢနၤၡၢ်တုၤလၢနိဖးဘူးဒီးမ့ဒဘၤလံ.”

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်သိၣ်လီၤသီလီၤတၢ် 3:12

ဖဲပဟံးန့ၢ်ကီၢ်န့ၣ်ဒ်ပတၢ်အသိးန့ၣ်, ယဟ့ၣ်လီၤရူၤဘ့ၣ်ဒီးကး အဒူၣ်လၢတၢ်လီၢ်ကဝီၤလၢအအိၣ်လၢဝ့ၢ်ဧရိၤဧ့ၢ်ကလံၤစိးတခီ ဘူးဒီးထံကျိအၢ်နိၣ်ဒီးကီၢ်ကံးလဧးအလီၢ်ကဝီၤလၢအအိၣ်ဒီး အတၢ်လူၢ်တၢ်တြီၤတနီၤဃုာ်ဒီးအခူအဝ့ၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 3:16

ဒီးလၢရူၤဘ့ၣ်အဒူၣ်ဒီးကးအဒူၣ်အဂီၢ်န့ၣ်ယဟ့ၣ်လီၤတၢ်လီၢ် ကဝီၤစးထီၣ်လၢကီၢ်ကံးလဧးအဆၢတုၤလၢထံကျိအၢ်နိၣ်န့ၣ်လီၤ. ထံကျိအၢ်နိၣ်အခၢၣ်သးန့ၣ်မ့ၢ်ဝဲအကီၢ်ဆၢလၢကလံၤထံး, ဒီးအဝဲသ့ၣ်အကလံၤစိးအကီၢ်ဆၢန့ၣ်မ့ၢ်ဝဲထံကျိယးဘိး, လၢအမ့ၢ်ဝဲပှၤဧၣ်မိၣ်ဖိတဖၣ်အကီၢ်ဆၢတနီၤန့ၣ်လီၤ.

လံာ်စီၤယိၤၡူ 12:2

တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်စီၤယိၤၡူ 13:10

ဒီးလဲၤတုၤဝဲလၢပှၤဧၣ်မိၣ်ဖိအကီၢ်ဆၢ, ပၣ်ဃုာ်ဒီးဝ့ၢ်တဖၣ်လၢအဘၣ်တၢ်ပၢအီၤလၢပှၤအမိၢ်ဖိအစီၤပၤစံဃိၣ်လၢအပၢတၢ်ဖဲ ဝ့ၢ်ဃ့ၡဘိၣ်န့ၣ်လီၤ.

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:8

မ့မ့ၢ်ဒူၣ်တဖၣ်လၢအမ့ၢ်ဝဲရူၤဘ့ၣ်ဒီးကးဒီးမနၤၡ့ၤအဒူၣ် တဝာ်ဒိးန့ၢ်တ့ၢ်လံဝဲအတၢ်န့ၢ်သါလၢယွၤအခ့အပှၤစီၤမိၤၡ့ ဟ့ၣ်လီၤအဝဲသ့ၣ်န့ၣ်လီၤ. ကီၢ်အံၤအိၣ်လၢထံကျိယၢ်ဒ့ၣ်အမုၢ်ထီၣ်တကပၤန့ၣ်လီၤ.