လံာ်စီၤယိၤၡူ 13:6 - Sgaw Karen Common Bible

⁶ အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.

လံာ်စီၤယိၤၡူ 13:6 Iomraidhean Croise

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်တၢ်ဂံၢ် 33:54

နီၤဖးလီၤကီၢ်န့ၣ်လၢပှၤအဒူၣ်အကလုာ်ကလုာ်တဖၣ်ဒီးဒူၣ်ထၢတဖၣ် အကျါခီဖျိတၢ်ဖီၣ်တၢ်ဖးတဖၣ်, ဒီးဟ့ၣ်လီၤကီၢ်အလီၢ်လဲၢ်တတီၤဆူဒူၣ်ထၢအဒိၣ်တဒူၣ်လၢအတၢ်န့ၢ် သါအဂီၢ်, ဒီးကီၢ်အလီၢ်အံၣ်ဆူဒူၣ်ထၢအဆံးဖိတဒူၣ်အအိၣ်တက့ၢ်.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 13:7

ဒီးခဲကနံၣ်အံၤ, နီၤဖးထံဧိၤကီၢ်ဧိၤလၢဒူၣ်အဂၤခွံဒူၣ်အကျါဒီးပှၤမနၤၡ့ၤ အဒူၣ်တဝာ်ဒ်သိးအဝဲသ့ၣ်ကန့ၢ်ဘၣ်ဝဲဒ် အတၢ်န့ၢ်သါဒၣ်ဝဲအသိးန့ၣ်တက့ၢ်.”

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.

လံာ်စီၤယိၤၡူ 23:4

ကွၢ်ကွၢ်, ယနီၤလီၤန့ၢ်သုတၢ်န့ၢ်သါလၢသုဒူၣ်တဖၣ်အဂီၢ်လၢပှၤကလုာ်အအိၣ်လီၤတဲာ်ဒံးတဖၣ်အကီၢ်, ဃုာ်ဒီးပှၤကလုာ်လၢယမၤနၢၤတ့ၢ်လံခဲလၢာ်အကီၢ်စးထီၣ်လၢ ထံကျိယၢ်ဒ့ၣ်တုၤလၢမုၢ်ထီၣ်လၢပီၣ်လဲၣ်ဖးဒိၣ်မဲးဒံးယၢၣ်ရ့နယၢၣ်လၢမုၢ်နုာ်န့ၣ်လီၤ.

လံာ်စီၤယိၤၡူ 23:5

ယွၤသုကစၢ်ယွၤကဒုးဂုၤက့ၤအဝဲသ့ၣ်လၢသုမဲာ်ညါ, ဒီးဟီထီၣ်ကွံာ်အီၤဖဲသုလဲၤထီၣ်ဒီးသုကမၤန့ၢ်အထံအကီၢ်ဒ်ယွၤသုကစၢ်အၢၣ်လီၤတ့ၢ်သုအသိးန့ၣ်လီၤ.