လံာ်စီၤယိၤၡူ 13:5 - Sgaw Karen Common Bible

⁵ ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.

လံာ်စီၤယိၤၡူ 13:5 Iomraidhean Croise

လံာ်စီၤပၤအခီၣ်ထံးတဘ့ၣ် 5:18

စီၤၡလိၤမိၤ, ဒီးစီၤဃူရၣ်အပှၤမၤတၢ်ဖိတဖၣ်ဒီးပှၤတဖၣ်လၢ ဝ့ၢ်ကံးဘလးကတဲာ်ကတီၤလၢၢ်ဒီးသ့ၣ်တဖၣ်လၢကသူၣ်ထီၣ်ယွၤအတၢ် လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

စံးထီၣ်ပတြၢၤ 83:7

ကံးဘလး, ဧၣ်မိၣ်, ဒီးဧမၤလ့းအပှၤဂီၢ်မုၢ်, ပှၤဖလ့ၡသးဖိဒီးပှၤစိၢ်ဖိ,

လံာ်ယၡါယၤ 10:9

ယမၤန့ၢ်မၤနၢၤဝ့ၢ်ကးလနိၤဒီးဝ့ၢ်ကၢ်ကမံၣ်တဖၣ်, ဝ့ၢ်ဃမါသးဒီးဝ့ၢ်အၢ်ပးတဖၣ်လီၤ. ယမၤန့ၢ်မၤနၢၤဝ့ၢ်ၡၤမရံ ဒီးဝ့ၢ်ဒၤမ့ၤစ့းလီၤ.

လံာ်ယံးရမံယၤ 52:9

စီၤစံးဒကံယၤဘၣ်တၢ်က့ၤကိးအီၤဆူ စီၤပၤနဘူၤကးန့ စၢ်အအိၣ်လၢအအိၣ်ဝဲဖဲဝ့ၢ်ရံးဘလးလၢ ဃမါသးအလီၢ်ကဝီၤအပူၤ, ဒီးဖဲန့ၣ်စီၤနဘူၤကးန့စၢ် စံၣ်ညီၣ်အီၤန့ၣ်လီၤ.

လံာ်ယဃ့းစက့လး 27:9

ကဘီအပှၤစုသ့ဖိတဖၣ် မ့ၢ်ပှၤတဖၣ်လၢ အဘၣ်တၢ်သိၣ်လိန့ၢ်အီၤ ဂ့ၤဂ့ၤလၢ ဝ့ၢ်ကံးဘလးန့ၣ်လီၤ. ပှၤကဘီဖိတဖၣ်လၢကယဲၢ် ကဘီလၢ အလဲၤတၢ်လၢပီၣ်လဲၣ်အပူၤန့ၣ်, မၤပနံၣ်တၢ်ကၤတၢ် အတၢ်မၤလၢနကျးတဖၣ် အပူၤန့ၣ်လီၤ.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.

လံာ်တၢ်ဂံၢ် 34:8

ဒီးဖဲန့ၣ်တုၤလၢဃမါသးအကျဲစၢၤလီၤ. ဒီးကလဲၤဆူညါဆူစဒး,

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 3:25

ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 12:7

စီၤယိၤၡူဒီးပှၤအံၣ်စရ့လးဖိတဖၣ်မၤနၢၤစီၤပၤခဲလၢာ်လၢအအိၣ် လၢထံကျိယၢ်ဒ့ၣ်အမုၢ်နုာ်, စးထီၣ်လၢဝ့ၢ်ဘဧၤလးကးလၢလဘၤ နိၣ်ကစၢၢ်ကဆူးအတၢ်ပၢၤခိၣ်တုၤလၢကစၢၢ်ဃၤလးလၢကလံၤထံး ဘူးဒီးကီၢ်စ့ဧၢ်န့ၣ်လီၤ. စီၤယိၤၡူနီၤဖးဒီးဟ့ၣ်လီၤကီၢ်အံၤဆူပှၤအံၣ် စရ့လးဖိအဒူၣ်တဖၣ်လၢကကဲထီၣ်အတၢ်န့ၢ်သါအဂၢၢ်အကျၢၤအဂီၢ် န့ၣ်လီၤ.