လံာ်စီၤယိၤၡူ 13:3 - Sgaw Karen Common Bible

³ ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 13:3 Iomraidhean Croise

လံာ်တၢ်ကဲထီၣ်အခီၣ်ထံး 10:6

ဒီးစီၤဃၣ်အဖိခွါန့ၣ်မ့ၢ်ဝဲစီၤကူၤၡး, စီၤအဲၤကူပတူး, စီၤဖူးဒီးစီၤကနၤဧၣ်တဖၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲ သ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:5

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်အံၣ်စရ့လးအပှၤ ဂီၢ်မုၢ်လၢထံကီၢ်ဒီတဘ့ၣ်ညါ, စးထီၣ်လၢကီၢ်အဲၤကူပတူးအကီၢ်ဆၢလၢကလံၤထံး, တုၤလၢကျဲလဲၤနုာ်ဆူဝ့ၢ်ဃမါသးလၢကလံၤစိးတခီ, ဒ်သိးကဟဲက့ၤစိာ်တၢ်အၢၣ်လီၤအီလီၤအတလါလၢဝ့ၢ်ကံးရယးယဧၤ ရံၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်ယၡါယၤ 23:3

သုဆှၢလီၤပှၤခီဂာ်ပီၣ်လဲၣ်လၢကပှ့ၤဒီးဆါဘုဧိၤဟုဧိၤလၢ အမဲထီၣ်သၣ်ထီၣ်လၢကီၢ်အဲၤကူပတူးဒီးပနံာ်တၢ်ကၤတၢ် ဒီးပှၤကလုာ်တဖၣ်အဂီၢ်လီၤ.

လံာ်ယံးရမံယၤ 2:18

တၢ်လဲၤဆူကီၢ်အဲၤကူပတူးဒ်သိးတၢ်ကအီထံလၢထံကျိနံၤလါန့ၣ်, နဆိကမိၣ်လၢနကမၤန့ၢ်တၢ်မနုၤတမံၤလဲၣ်. တၢ်လဲၤဆူကီၢ်အၤၡူၢ် ဒ်သိးတၢ်ကအီထံလၢထံကျိဖရၤသးန့ၣ်, နဆိကမိၣ်လၢနကမၤန့ၢ် တၢ်မနုၤတမံၤလဲၣ်.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

လံာ်စီၤယိၤၡူ 13:13

နာ်က့, ပှၤအံၣ်စရ့လးဖိတဖၣ်တဟီထီၣ်ကွံာ်ပှၤကၡူၢ်ဖိဒီးပှၤ မၤကးဖိတဖၣ်ဘၣ်. အဝဲသ့ၣ်အိၣ်ဒံးဝဲလၢပှၤအံၣ်စရ့လးဖိ တဖၣ်အကျါန့ၣ်လီၤ.

လံာ်ပှၤစံၣ်ညီၣ်ကွီၢ် 16:5

ပှၤဖလ့ၡသးဖိအစီၤပၤယဲၢ်ဂၤလဲၤဆူပိာ်မုၣ်အိၣ်ဒီးစံး, “လွဲန့ၣ်စီၤၡံၣ်ၡိၣ်ဒ်သိးအကတဲဘၣ်နၤလၢ ဘၣ်မနုၤအဃိအဂံၢ်အဘါဆူၣ်ဝဲထဲန့ၣ်ညါဒီးပမၤနၢၤအီၤ, စၢအီၤဒီးမၤစၢ်လီၤအဂံၢ်အဘါကသ့ဒ်လဲၣ်အဂ့ၢ်တက့ၢ်. ပဝဲတဂၤစုာ်စုာ်ကဟ့ၣ်နၤစ့နီၢ်အဘ့ၣ်တကထိတကယၤန့ၣ်လီၤ.”

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:10

မၤသးဒ်န့ၣ်ဒီးအဝဲသ့ၣ်ဆှၢလီၤကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဆူဝ့ၢ်ဧ့ကြိၣ်လၢအမ့ၢ်ပှၤဖလ့ၡသးဖိအဝ့ၢ်အဂၤတဝ့ၢ်န့ၣ်လီၤ. ဘၣ်ဆၣ်ဒီးဖဲအတုၤဖဲန့ၣ်ဒီးပှၤဂီၢ်မုၢ်ကိးပသူထီၣ်ဝဲ, “အဝဲသ့ၣ်ဟဲစိာ်ကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဖဲအံၤ, ဒ်သိးအကမၤသံပှၤခဲလၢာ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:8

မၤသးဒ်န့ၣ်ဒီး, အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒီး ကိးဖှိၣ်ပှၤဖလ့ၡသးဖိအစီၤပၤယဲၢ်ဂၤလိာ်န့ၣ်ဒီးသံကွၢ်ဝဲ, “မ့ၢ်ပကမၤကီၢ်အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါ စီဆှံန့ၣ်ဒ်လဲၣ်.” အဝဲသ့ၣ်စံးဝဲ, “လဲၤစိာ်အီၤဆူဝ့ၢ်ကၤသးတက့ၢ်.” မၤသးဒ်န့ၣ်ဒီးအဝဲသ့ၣ်လဲၤစိာ်အီၤဆူဝ့ၢ်ကၤသး, လၢအမ့ၢ်ပှၤဖလ့ၡသးဖိအဝ့ၢ်အဂၤတဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:4

ပှၤဂီၢ်မုၢ်သံကွၢ်ဝဲ, “ပကဘၣ်ဆှၢလီၤတၢ်ဟ့ၣ်ကနၢၤမနုၤလဲၣ်.” ဒီးအဝဲသ့ၣ်စံးဆၢဝဲဒၣ်, “တၢ်အချံထီၣ်ဒီးညိးအဂီၤသိအသး လၢထူယဲၢ်ခါဒီးယုၢ်ဖိသိအသးလၢထူအဂီၤယဲၢ်ဒု, တခါစုာ်စုာ်န့ၣ်လၢပှၤဖလ့ၡသးဖိအစီၤပၤတဂၤစုာ်စုာ်အဂီၢ်လီၤ. တၢ်ဆါသံသတြိာ်တမံၤဃီန့ၣ်ဘၣ်တၢ်ဒုးလီၤဘၣ်အီၤလၢစီၤပၤ ယဲၢ်ဂၤအလိၤလီၤ.