လံာ်စီၤယိၤၡူ 13:27 - Sgaw Karen Common Bible

²⁷ လၢထံကျိယၢ်ဒ့ၣ်အတၢ်ပၢၤခိၣ်အံၤအိၣ်ဒီးဝ့ၢ်ဘ့ၤသဟၤရၣ်, ဝ့ၢ်ဘ့ၤသနံးမရၤ, ဝ့ၢ်စူးကိၤသး, ဝ့ၢ်စၤဖိၣ်ဒီးဃ့ၡဘိၣ်အစီၤပၤစံဃိၣ် အဘီမုၢ်လၢအအိၣ်လီၤတဲာ်တဖၣ်န့ၣ်လီၤ. အမုၢ်နုာ်ကီၢ်ဆၢမ့ၢ်ဝဲထံကျိယၢ်ဒ့ၣ်ဒီးတုၤလၢ ပီၣ်လဲၣ်ကၤလံၤလါလၢကလံၤစိးန့ၣ်လီၤ.

လံာ်စီၤယိၤၡူ 13:27 Iomraidhean Croise

လံာ်တၢ်ကဲထီၣ်အခီၣ်ထံး 33:17

မ့မ့ၢ်စီၤယၤကိာ်လဲၤဝဲဆူစူးကိၤသးဖဲအသူၣ်ထီၣ်ဟံၣ်တဖျၢၣ် လၢအဂီၢ်ဒၣ်ဝဲဒီးတၢ်အိၣ်ကဒုအလီၢ်လၢအဂီၤဘုၣ်ဂီၤဖံးတဖၣ်အ ဂီၢ်န့ၣ်လီၤ. လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢစူး ကိၤသးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:46

စီၤပၤမၢပှၤသိတၢ်တဖၣ်အံၤခဲလၢာ်လၢကပံာ်လၢအအိၣ်ဝဲဖဲ စူးကိၤသးဒီးဝ့ၢ်စၤရတါအဘၢၣ်စၢၤလၢအအိၣ်ဝဲဖဲ ထံကျိယၢ်ဒ့ၣ်အတၢ်ပၢၤခိၣ်န့ၣ်လီၤ.

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်တၢ်ဂံၢ် 32:3

“ဝ့ၢ်တဖၣ်လၢအမ့ၢ်, ဧးတၤရိး, ဒံၤဘိၣ်, ယၤစ့ၢ်, နံးမရၤ, ဃ့ၡဘိၣ်, အ့လဧၤလ့ၤ, စဘၣ်, နဘိ, ဒီးဘဧိၣ်,

လံာ်တၢ်ဂံၢ် 34:11

အန့ၣ်ဝံၤဒီးကလဲၤဆူကလံၤထံးတုၤလၢဃၤဘအ့လးအိၣ်လၢဧ့ၣ် အမုၢ်ထီၣ်တခီဒီးထီၣ်ဆူပီၣ်လဲၣ်ကၤလံၤလါအမုၢ်ထီၣ်တၢ်လူၢ် တဖၣ်အဒီခိၣ်,

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်သိၣ်လီၤသီလီၤတၢ် 3:17

လၢမုၢ်နုာ်တခီန့ၣ်အဝဲသ့ၣ်အလီၢ်ကဝီၤလဲၤတုၤဝဲတုၤဆူ ထံကျိယၢ်ဒ့ၣ်စးထီၣ်လၢပီၣ်လဲၣ်ကၤလံၤလါလၢကလံၤစိးတခီ, တုၤလီၤဆူပီၣ်လဲၣ်သံလၢကလံၤထံးတခီ, ဒီးဆူကစၢၢ်ပံးစကၤ အခီၣ်ထံးလၢမုၢ်ထီၣ်တခီန့ၣ်လီၤ.

လံာ်စီၤယိၤၡူ 11:2

ဒီးဆူစီၤပၤတဖၣ်လၢကစၢၢ်ကလိလၢကလံၤစိးတခီ, ယၢ်ဒ့ၣ်တၢ်ပၢၤခိၣ်လၢပီၣ်လဲၣ်ကၤလံၤလါကလံၤထံးတခီ, လၢကစၢၢ်တဖၣ်အဂံၢ်ထံး, ဒီးလၢပီၣ်လဲၣ်ကၢၢ်ခိၣ်ဘူးဒီးဝ့ၢ်ဒိၢ် န့ၣ်လီၤ.

လံာ်စီၤယိၤၡူ 12:3

ဒီးပၣ်ဃုာ်ဒီးထံကျိယၢ်ဒ့ၣ် အတၢ်ပၢၤခိၣ်စးထီၣ်လၢပီၣ်လဲၣ်ကၤလံၤလါကလံၤထံး ဆူဘ့ၤသၤယၡံမိး (ပီၣ်လဲၣ်အံသၣ်အမုၢ်ထီၣ်) ဒီးတုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 13:26

အတၢ်လီၢ်စးထီၣ်အသးဖဲဝ့ၢ်ဃ့ၡဘိၣ်ဒီးတုၤလၢဝ့ၢ်ရၤမါ, မံးစပၤဒီးဝ့ၢ်ဘတိနံၣ်, လၢဝ့ၢ်မၤဃန့ၤပၢၢ်တုၤလၢ လိၤဒဘံၢ်အကီၢ်ဆၢလီၤ.

လံာ်စီၤယိၤၡူ 13:28

တၢ်အံၤမ့ၢ်ဝဲဝ့ၢ်ဒီးဝ့ၢ်ဖိတဖၣ်လၢအဘၣ်တၢ်ဟ့ၣ်လီၤကးအဒူၣ်, အဒူၣ်ဖိထၢဖိတဖၣ်လၢအတၢ်န့ၢ်သါအဂီၢ်န့ၣ်လီၤ.