လံာ်စီၤယိၤၡူ 13:25 - Sgaw Karen Common Bible

²⁵ အတၢ်လီၢ်ပၣ်ဃုာ်ဒီးဝ့ၢ်ယၤစ့ၢ်ဒီးကီၢ်ကံးလဧးအဝ့ၢ်ခဲလၢာ်, ဧၣ်မိၣ်အကီၢ်တဝာ်ပၢၢ်တုၤလၢဝ့ၢ်ဧရိၤဧ့ၢ်လၢအအိၣ်လၢ ဝ့ၢ်ရးဘးအမုၢ်ထီၣ်လီၤ.

လံာ်စီၤယိၤၡူ 13:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:1

လၢခံတနံၣ်ဖဲတၢ်မဲထီၣ်သီအကတီၢ်, ဖဲတၢ်ဆၢကတီၢ်လၢ စီၤပၤညီနူၢ်လဲၤထီၣ်ဆူတၢ်ဒုးတၢ်ယၤအခါန့ၣ်, စီၤဒၤဝံးဆှၢလီၤစီၤယိၤအာ်ဃုာ်ဒီးအသုးခိၣ်သုးနၢ်တဖၣ် ဒီးကီၢ်အံၣ်စရ့လးအသုးမုၢ်လၢကလဲၤထီၣ်ဒုးတၢ်အဂီၢ်န့ၣ်လီၤ. အဝဲသ့ၣ်မၤနၢၤကွံာ်ပှၤဧၣ်မိၣ်ဖိတဖၣ်, ဒီးကဝီၤဃးဝ့ၢ်ရးဘၤ န့ၣ်လီၤ. ဘၣ်ဆၣ်ဒီးစီၤဒၤဝံးအကစၢ်ဒၣ်ဝဲအိၣ်တ့ၢ်ဒၣ်လၢဝ့ၢ်ယရူၤၡလ့ၣ် အပူၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:5

အဝဲသ့ၣ်လဲၤခီဂာ်ထံကျိယၢ်ဒ့ၣ်ဒီးသူၣ်ဒဲဖဲဝ့ၢ်ဧရိၤဧ့ၢ်, ဝ့ၢ်တဝ့ၢ်လၢအအိၣ်ဖဲတၢ်တြီၤပူၤအခၢၣ်သးလၢပှၤကးဖိအဒူၣ် အလီၢ်ကဝီၤအပူၤ, အကလံၤထံးန့ၣ်လီၤ. ဖဲန့ၣ်အဝဲသ့ၣ်လဲၤဆူကလံၤစိးဆူဝ့ၢ်ယၤစ့ၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 26:31

စီၤယရံယၤမ့ၢ်ပှၤအခိၣ်လၢစီၤဃ့ဘြိၣ်အစၢၤအသွဲၣ်တဖၣ်အကျါ န့ၣ်လီၤ. ဖဲစီၤပၤစီၤဒၤဝံးပၢတၢ်လွံၢ်ဆံနံၣ်တနံၣ်န့ၣ်တၢ်ဃုသ့ၣ်ညါ တမံၤဘၣ်တၢ်မၤအီၤလၢပှၤဟဲလီၤစၢၤလီၤသွဲၣ်တဖၣ်လၢစီၤဃ့ ဘြိၣ်အဟံၣ်ဖိဃီဖိအကျါ, ဒီးပှၤသုးဖိအသ့အဘၣ်လီၤဆီဘၣ်ထွဲဒီးဟံၣ်ဖိဃီဖိအံၤဘၣ် တၢ်ထံၣ်န့ၢ်အီၤလၢအအိၣ်ဝဲဆိးဝဲဖဲဝ့ၢ်ယၤစ့ၢ်လၢကီၢ်ကံး လဧးအလီၢ်ကဝီၤအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:81

ဝ့ၢ်ဃ့ၡဘိၣ်ဒီးဝ့ၢ်ယၤစ့ၢ်န့ၣ်လီၤ.

လံာ်ယၡါယၤ 16:8

စံာ်ပျီဘူးဒီးဝ့ၢ်ဃ့ၡဘိၣ်တဖၣ်ဒီးစံးဘမၤအစပံးလီၢ်တဖၣ်ဘၣ် တၢ်မၤဟးဂီၤအီၤလံ. စပံးထံလၢစပံးလီၢ်တဖၣ်အံၤန့ၣ်ညီနုၢ်မၤ မူၤမၤဘှီးပှၤကလုာ်အစီၤပၤတဖၣ်, ဒီးလၢတဘျီန့ၣ်, စပံးမုၢ်တဖၣ်အံၤသလၣ်လီၤအသးတုၤလၢဝ့ၢ်ယၤစ့ၢ်, ဒီးဆူမုၢ်ထီၣ်တကပၤတုၤလၢပှၢ်မုၢ်ကနၢ, ဒီးဆူမုၢ်နုာ်တကပၤတုၤဆူပီၣ်လဲၣ်သံအဘးခီတခီန့ၣ်လီၤ.

လံာ်ယၡါယၤ 17:2

ကီၢ်စူၤရံအဝ့ၢ်တဖၣ်ကဘၣ်တၢ်ဟးသဒၣ်ကွံာ်အီၤလီၤထူလီၤယိာ် လီၤ. ကကဲထီၣ်သိဒီးကျီၢ်အီၣ်ဆၣ်အလီၢ်, ဒီးပှၤတနီၣ်ထီၣ်ဟီထီၣ်ကွံာ်အဝဲသ့ၣ်နီတဂၤဘၣ်.

လံာ်ယံးရမံယၤ 48:32

ယကဟီၣ်လၢ ဝ့ၢ်ကံၢ်ဃ့ရ့းအပှၤဂီၢ်မုၢ်အဃိအါန့ၢ်ဒိၣ်န့ၢ်ဒံး, လၢဝ့ၢ်ယၤစ့ၢ်အပှၤဂီၢ်မုၢ်အဃိတက့ၢ်လီၤ. ဝ့ၢ်စံဘမၤဧၢ, နလီၤဂာ်ဒ်စပံးမုၢ်တမုၢ်လၢ အဒ့တဖၣ်လဲၤခီဂာ်ပီၣ်လဲၣ်သံဒီးလဲၤဝဲ ယံၤတုၤလဲၤဝ့ၢ်ယၤစ့ၢ်အသိးန့ၣ်လီၤ. ဘၣ်ဆၣ်အခဲကနံၣ်အံၤ, နတၢ်ကိၢ်ခါအတၤသၣ်တဖၣ်ဒီး နစပံးသၣ်တဖၣ် ဘၣ်တၢ်မၤဟးဂီၤကွံာ်အီၤလံ.

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်တၢ်ဂံၢ် 21:32

ဒီးစီၤမိၤၡ့ဆှၢလီၤပှၤတဖၣ်လၢကဃုထံၣ်န့ၢ်ကျဲအဂ့ၤကတၢၢ် လၢတၢ်ကလဲၤဒုးဝ့ၢ်ယၤဧစ့ၢ်အဂီၢ်န့ၣ်လီၤ. ပှၤအံၣ်စရ့လးဖိတဖၣ်မၤန့ၢ်အီၤဒီးအဝ့ၢ်အိၣ်ခိၣ်အိၣ်ဃၢၤတဖၣ် ဒီးနီၣ်ထီၣ်ကွံာ်ပှၤအမိၢ်ဖိတဖၣ်လၢအအိၣ်ဖဲန့ၣ်လီၤ.

လံာ်တၢ်ဂံၢ် 32:35

ဧးတရိးၡိဖၣ်, ယၤဧစ့ၢ်, ယၤကဘၤ, ဘ့ၤသနံးမရၤ, ဒီးဘ့ၤသဟၤရံၣ်န့ၣ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်စီၤယိၤၡူ 13:11

ပၣ်ဃုာ်ဒီးကီၢ်ကံးလဧး, ပှၤကၡူၢ်ဖိဒီးပှၤမၤကးဖိအကီၢ်, ကစၢၢ်ဃ့ရမိၣ်ဒီဖျၢၣ်, ဒီးဘၤၡၣ်ဒီကီၢ်တုၤလၢဝ့ၢ်စၤလကးန့ၣ်လီၤ.

လံာ်စီၤယိၤၡူ 13:24

စီၤမိၤၡ့ဟ့ၣ်လီၤတ့ၢ်စ့ၢ်ကီးတၢ်လီၢ်တနီၤလၢကးအဒူၣ်အဒူၣ် ဖိထၢဖိတဖၣ်လၢအတၢ်န့ၢ်သါအဂီၢ်န့ၣ်လီၤ.

လံာ်စီၤယိၤၡူ 13:26

အတၢ်လီၢ်စးထီၣ်အသးဖဲဝ့ၢ်ဃ့ၡဘိၣ်ဒီးတုၤလၢဝ့ၢ်ရၤမါ, မံးစပၤဒီးဝ့ၢ်ဘတိနံၣ်, လၢဝ့ၢ်မၤဃန့ၤပၢၢ်တုၤလၢ လိၤဒဘံၢ်အကီၢ်ဆၢလီၤ.

လံာ်စီၤယိၤၡူ 21:39

ဃ့ၡဘိၣ်, ဒီးယၤစ့ၢ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:17

ကးအဒူၣ်အိၣ်လၢထံကျိယၢ်ဒ့ၣ်အမုၢ်ထီၣ်တခီ, ဒီးဒၣ်အဒူၣ်အိၣ်တ့ၢ်ဝဲလၢကဘီတဖၣ်အပူၤလီၤ. အၤၡ့ၢ်အဒူၣ်အိၣ်တ့ၢ်ဝဲလၢပီၣ်လဲၣ်အကၢၢ်နံၤ ဒီးအဝဲသ့ၣ်အိၣ်ဆိးဝဲဖဲထံကၢၢ်နံၤန့ၣ်လီၤ.