လံာ်စီၤယိၤၡူ 13:2 - Sgaw Karen Common Bible

² အအံၤမ့ၢ်ထံကီၢ်လၢအအိၣ်လီၤတဲာ်တဖၣ်လီၤ. မ့ၢ်ပှၤဖလ့ၡသးဖိအကီၢ်ခဲလၢာ်ဒီးပှၤကၡူၢ်ဖိအကီၢ်ဒီဘ့ၣ်ညါ,

လံာ်စီၤယိၤၡူ 13:2 Iomraidhean Croise

လံာ်တၢ်ကဲထီၣ်အခီၣ်ထံး 10:14

ပှၤပသြူစံၣ်ဖိ, ပှၤကၤစလူဃံၣ်ဖိဒီးပှၤကၤပတိရံၣ်ဖိလၢပှၤ ဖလ့ၡသးဖိဟဲလီၤစၢၤလီၤသွဲၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 26:1

တၢ်သၣ်ဝံၤလီၤဒိမၤအသးလၢညါလၢစီၤအၤဘြၤဟၣ်အဆၢကတီၢ်ဝံၤ အလီၢ်ခံမၤကဒီးအသးတဘျီလၢထံကီၢ်အပူၤန့ၣ်လီၤ. ဒီးစီၤအံၤစဲးလဲၤဝဲဆူပှၤဖလ့ၡသးဖိအစီၤပၤစီၤအဘံၤမ့ လ့းအအိၣ်လၢဝ့ၢ်ကရၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:8

ဖဲယအိၣ်လၢကီၢ်စူၤရံအပူၤလၢဝ့ၢ်ကၡူၢ်အခါန့ၣ်, ယအၢၣ်လီၤတ့ၢ်ကစၢ်ယွၤလၢအဝဲမ့ၢ်ဆှၢကဒါက့ၤယၤဆူ ဝ့ၢ်ယရူၤၡလ့ၣ်ဒီးယကဘူၣ်ထီၣ်ဘါထီၣ်အီၤလၢဝ့ၢ်ဃ့ဘြိၣ်အပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:3

စီၤကံးလအၢ်လၢအမ့ၢ်ပှၤကၤမ့လးဖိစီၤနၤဘလးအမါမုၣ်ကမဲ နီၢ်အဘံၤကါယံးလးအဖိခွါ,

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်စဖါနယၤ 2:5

သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 3:14

စီၤယၤအံၢ်, ပှၤတဂၤလၢမနၤၡ့ၤအဒူၣ်ဟံးန့ၢ်ကီၢ်အၢ်ကိးအလီၢ် ကဝီၤခဲလၢာ်လၢအမ့ၢ်ကီၢ်ဘၤၡၣ်ကယံၤဝဲတုၤလၢကီၢ်ကၡူၢ်ဒီး ကီၢ်မၤကးအကီၢ်ဆၢန့ၣ်လီၤ. ဒီးအဝဲကိးန့ၢ်ဒူသဝီၤတဖၣ်န့ၣ်အမံၤဒ်အဝဲအမံၤအသိးဒီးသဝီ တဖၣ်န့ၣ်ဘၣ်တၢ်သ့ၣ်ညါဒံးအီၤဒ်ဘၤၡၣ်ဃၤအိးယၤအံၣ်လၢအခီ ပညီမ့ၢ်ဝဲစီၤယၤအံၢ်အသဝီတဖၣ်န့ၣ်လီၤ.)

လံာ်စီၤယိၤၡူ 12:5

အဝဲအဘီမုၢ်ပၣ်ဃုာ်ဒီးကစၢၢ်ဃ့ရမိၣ်, ဝ့ၢ်စၤလကး, ဒီးကီၢ်ဘၤၡၣ်ခဲလၢာ်ပၢၢ်တုၤလၢကၡူၢ်ဒီးမၤကးအကီၢ်ဆၢတဖၣ်, ပၣ်ဃုာ်ဒီးကီၢ်ကံးလဧးတဝာ်ပၢၢ်တုၤလၢဝ့ၢ်ဃ့ၡဘိၣ် အစီၤပၤစံဃိၣ်အကီၢ်န့ၣ်လီၤ.

လံာ်စီၤယိၤၡူ 13:11

ပၣ်ဃုာ်ဒီးကီၢ်ကံးလဧး, ပှၤကၡူၢ်ဖိဒီးပှၤမၤကးဖိအကီၢ်, ကစၢၢ်ဃ့ရမိၣ်ဒီဖျၢၣ်, ဒီးဘၤၡၣ်ဒီကီၢ်တုၤလၢဝ့ၢ်စၤလကးန့ၣ်လီၤ.

လံာ်စီၤယိၤၡူ 13:13

နာ်က့, ပှၤအံၣ်စရ့လးဖိတဖၣ်တဟီထီၣ်ကွံာ်ပှၤကၡူၢ်ဖိဒီးပှၤ မၤကးဖိတဖၣ်ဘၣ်. အဝဲသ့ၣ်အိၣ်ဒံးဝဲလၢပှၤအံၣ်စရ့လးဖိ တဖၣ်အကျါန့ၣ်လီၤ.

လံာ်ပှၤစံၣ်ညီၣ်ကွီၢ် 3:1

မၤသးဒ်န့ၣ်ဒီးယွၤပာ်လီၤတဲာ်ပှၤကလုာ်တနီၤလၢကီၢ်ပူၤဒ်သိး ကမၤကွၢ်ပှၤအံၣ်စရ့လးဖိတဖၣ်လၢအတလဲၤခီဖျိဘၣ်ဒံးတၢ်ဒုး တၢ်ယၤလၢကီၢ်ကနၤဧၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:8

အကတီၢ်ဖဲန့ၣ်, စီၤဒၤဝံးဒီးအပှၤတဖၣ်လဲၤဒုးပှၤဂီၢ်မုၢ်လၢ ဝ့ၢ်ကၡူၢ်, ဝ့ၢ်က့စ့ၢ်, ဒီးကီၢ်ဧမၤလ့းလၢအအိၣ်ဖဲန့ၣ်ယံာ်တ့ၢ်လံ န့ၣ်လီၤ. စီၤဒၤဝံးဂုာ်ဆူၣ်အဝဲသ့ၣ်အကီၢ်တုၤလၢဝ့ၢ်ၡူၢ်ဒီး ကျဲဒီဘိပၢၢ်လၢကီၢ်အဲၤကူပတူး,