လံာ်စီၤယိၤၡူ 13:17 - Sgaw Karen Common Bible

¹⁷ ပၣ်ဃုာ်ဒီးဝ့ၢ်ဃ့ၡဘိၣ်ဒီးတၢ်ပၢၤခိၣ်ထီၣ်ထီလၢအမ့ၢ်ဝဲဒံၤဘိၣ်, ဘၤမိးဘဧၤလး, ဘ့ၤသဘဧၤလးမဧိၣ်,

လံာ်စီၤယိၤၡူ 13:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 5:8

ဒီးစီၤဘ့လၤလၢအမ့ၢ်စီၤဧၤစးအဖိခွါ, စီၤၡမၤအလံၤလၢစီၤ ယိၤအ့လးအဒူၣ်ထၢန့ၣ်လီၤ. ဒူၣ်ထၢအံၤအိၣ်ဝဲဆိးဝဲဖဲဧရိၤဧ့ၢ်ဒီးလီၢ်ကဝီၤစးထီၣ်ဖဲ န့ၣ်ဆူကလံၤစိး, တုၤလၢဝ့ၢ်နဘိဒီးဝ့ၢ်ဘဧၤလးမဧိၣ်န့ၣ်လီၤ.

လံာ်စီၤနဃ့မယၤ 11:25

ပှၤဂီၢ်မုၢ်အါဂၤအိၣ်ဆိးဝဲလၢဝ့ၢ်တဖၣ်လၢအဘူးဒီးအဝဲသ့ၣ် အစံာ်အပျီတဖၣ်န့ၣ်လီၤ. ပှၤတဖၣ်လၢယူဒၤအဒူၣ်န့ၣ်အိၣ်ဝဲဆိးဝဲဖဲ ဝ့ၢ်ကံးရယးအၢ်ဘၤ, ဝ့ၢ်ဒံၤဘိၣ်, ဒီးဝ့ၢ်ယကၤဘစ့လး, ဒီးသဝီတဖၣ်လၢအအိၣ်ဘူးဒီးဝ့ၢ်တဖၣ်အံၤန့ၣ်လီၤ.

လံာ်ယံးရမံယၤ 48:18

သုဝဲလၢအအိၣ်ဝဲဆိးဝဲလၢ ဝ့ၢ်ဒံၤဘိၣ်သ့ၣ်ဧၢ, ဟဲလီၤလၢသုတၢ်လၤကပီၤအလီၢ်ဒီး ဆ့ၣ်နီၤလၢဟီၣ်ခိၣ်လိၤ ဖၣ်ကမူၣ်အကျါတက့ၢ်. အဂ့ၢ်ဒ်အံၤ, ပှၤမၤဟးဂီၤကီၢ်မိၤအး ဟဲတုၤလံ ဒီးမၤဟးဂီၤကွံာ်အတိာ်ဧိၤတာ်ဧိၤခဲလၢာ်လံ.

လံာ်ယံးရမံယၤ 48:21

တၢ်စံၣ်ညီၣ်ဟဲလီၤဘၣ်လၢ ဝ့ၢ်တဖၣ်လၢတၢ်ပၢၤခိၣ်အလိၤလံ. ဝ့ၢ်တဖၣ်န့ၣ်မ့ၢ်ဝဲဃိလိၣ်, ယးဟစၤ, မ့ဖၤ,

လံာ်ယံးရမံယၤ 48:23

ကံးယရးသံၣ်, ဘ့ၤသကၤမူလး, ဘ့ၤသမဧိၣ်,

လံာ်ယံးရမံယၤ 48:8

ဝ့ၢ်လၢအကပူၤဖျဲးလၢ တၢ်မၤဟးဂီၤန့ၣ်တအိၣ်ဘၣ် နီတဖျၢၣ်ဘၣ်. တြီၤဒီးပျီတဖၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယဃ့းစက့လး 25:9

ယကပျဲဝ့ၢ်တဖၣ်လၢအဒီဒၣ်အိၣ်ပှိၤကီၢ်မိၤအးအကီၢ်ဆၢဘၣ်တၢ်ဒုးအီၤ, ဃုာ်ဒီးဝ့ၢ်အဂ့ၤကတၢၢ်တဖၣ်ဒၣ်လဲာ်, လၢအမ့ၢ်ဝ့ၢ်ဘ့ၤသၡံမိး, ဝ့ၢ်ဘဧၤလးမဧိာ်ဒီးဝ့ၢ်ကံးရယးသံၣ်တဖၣ်န့ၣ်လီၤ.

လံာ်တၢ်ဂံၢ် 21:19

အဝဲသ့ၣ်သုးအလီၢ်လၢပှၢ်မုၢ်ကနၢဆူမံးတၤနၤ, ဒီးလၢတၢ်လီၢ်ဖဲန့ၣ်အဝဲသ့ၣ်လဲၤဆူညါဆူနၤဃလံၤအ့လး, ဒီးလၢနၤဃလံၤအ့လးန့ၣ်ဆူဘၤမိး,

လံာ်တၢ်ဂံၢ် 21:26

ဝ့ၢ်ဃ့ၡဘိၣ်မ့ၢ်ဝဲပှၤအမိၢ်ဖိအစီၤပၤစံဃိၣ်အဝ့ၢ်ခိၣ်, စီၤပၤစံဃိၣ်လၢအဒုးတ့ၢ်တၢ်ထီဒါကီၢ်မိၤအးအစီၤပၤလၢညါ ဒီးမၤန့ၢ်ကယဲၢ်အကီၢ်ခဲလၢာ်ယံၤတုၤဒၣ်လဲာ်လၢထံကျိအၢ်နိၣ်, န့ၣ်လီၤ.

လံာ်တၢ်ဂံၢ် 21:30

မ့မ့ၢ်ခဲအံၤအဝဲသ့ၣ်အစၢၤအသွဲၣ်တဖၣ်ဘၣ် တၢ်မၤဟးဂီၤကွံာ်အီၤ, လၢကျဲဒီဘိစးထီၣ်လၢဃ့ၡဘိၣ်တုၤဆူဒံၤဘိၣ်, စးထီၣ်လၢနၤၡၢ်တုၤလၢနိဖးဘူးဒီးမ့ဒဘၤလံ.”

လံာ်တၢ်ဂံၢ် 22:41

မုၢ်ဆ့ၣ်ထီၣ်တနံၤန့ၣ်စီၤဘၤလးလဲၤကိးထီၣ်စီၤဘံးလၣ်ဆူ ဘဧၤလးဘၤမိး, တၢ်လီၢ်ဖဲစီၤဘံးလၣ်ထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်တနီၤ, ကသ့ဝဲအဂီၢ်န့ၣ်လီၤ.

လံာ်တၢ်ဂံၢ် 32:38

နဘိၤ, ဘဧၤလးမဧိၣ် (အမံၤအံၤဘၣ်တၢ်လဲလိာ်အီၤ) ဒီးစံးဘမၤန့ၣ်လီၤ. အဝဲသ့ၣ်ဟ့ၣ်ဝ့ၢ်တဖၣ်လၢအဘှီက့ၤဝဲလၢ အမံၤအသီတဖၣ်လီၤ.

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:18

ယးဟစၤ, ကဒမိး, မ့ဖၤ, ကံးရယးသံၣ်, စံးဘမၤ, စ့ၤရ့းၡဃၢ်လၢတၢ်ပၢၤခိၣ်အကစၢၢ်လိၤ,

လံာ်စီၤယိၤၡူ 14:3

စီၤမိၤၡ့ဟ့ၣ်လီၤတ့ၢ်လံထံ ကျိယၢ်ဒ့ၣ်အမုၢ်ထီၣ်ဆူဒူၣ်အဂၤခံဒူၣ်ဒီးဒူၣ်တဝာ်န့ၣ်လီၤ. (စီၤယိၤသးအစၢၤတဖၣ်ဘၣ်တၢ်နီၤဖးလီၤအီၤခံဒူၣ်လၢအမ့ၢ်ဝဲ မနၤၡ့ၤဒီးအ့ဖရဲၣ်န့ၣ်လီၤ.)

လံာ်စီၤယိၤၡူ 18:7

နာ်သက့, ပှၤလ့ၤဝံဖိတဖၣ်တဒိးန့ၢ်ဘၣ်တၢ်နီၤလီၤအံၤဃုာ်ဒီးသုဘၣ်. မ့ၢ်လၢယွၤအပှၤလုၢ်တၢ်အခိၣ်အတၢ်မၤမ့ၢ်အဝဲသ့ၣ်အတၢ်န့ၢ်သါအဃိ န့ၣ်လီၤ. ဒီးကး, ရူၤဘ့ၣ်ဒီးမုၢ်ထီၣ်မနၤၡ့ၤအဒူၣ်တဖၣ်ဒိးန့ၢ်ဘၣ်တ့ၢ် လံအကီၢ်လၢထံကျိယၢ်ဒ့ၣ်အမုၢ်ထီၣ်လၢယွၤအခ့အပှၤစီၤမိၤၡ့ ဟ့ၣ်လီၤအဝဲသ့ၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.