လံာ်စီၤယိၤၡူ 12:7 - Sgaw Karen Common Bible

⁷ စီၤယိၤၡူဒီးပှၤအံၣ်စရ့လးဖိတဖၣ်မၤနၢၤစီၤပၤခဲလၢာ်လၢအအိၣ် လၢထံကျိယၢ်ဒ့ၣ်အမုၢ်နုာ်, စးထီၣ်လၢဝ့ၢ်ဘဧၤလးကးလၢလဘၤ နိၣ်ကစၢၢ်ကဆူးအတၢ်ပၢၤခိၣ်တုၤလၢကစၢၢ်ဃၤလးလၢကလံၤထံး ဘူးဒီးကီၢ်စ့ဧၢ်န့ၣ်လီၤ. စီၤယိၤၡူနီၤဖးဒီးဟ့ၣ်လီၤကီၢ်အံၤဆူပှၤအံၣ် စရ့လးဖိအဒူၣ်တဖၣ်လၢကကဲထီၣ်အတၢ်န့ၢ်သါအဂၢၢ်အကျၢၤအဂီၢ် န့ၣ်လီၤ.

လံာ်စီၤယိၤၡူ 12:7 Iomraidhean Croise

လံာ်တၢ်ကဲထီၣ်အခီၣ်ထံး 14:6

ဒီးပှၤဃိၢ်ဖိအိၣ်လၢကီၢ်အဒိၣ်အကစၢၢ်ကလိတဖၣ်အကျါ, ဒီးလူၤထွဲအဝဲသ့ၣ်ယံၤတုၤဆူဝ့ၢ်အ့လးဖရၣ်အိၣ်လၢမဲးမုၢ် ခိၣ်အဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 36:20

ပှၤလၢအအိၣ်ဆိးပာ်စၢၤလၢကီၢ်အဒိၣ်သ့ၣ်တဖၣ်န့ၣ်ဘၣ်တၢ်နီၤဖး လီၤအီၤဆူဒူၣ်တဖၣ်လၢအဒွးထူဒွးထံးက့ၤအတၢ်ဟဲ လီၤစၢၤလၢပှၤဃိၢ်ဖိစီၤစ့ဧ့ၢ်န့ၣ်လီၤ. ဒီးပှၤအဒူၣ်တဖၣ်န့ၣ်မ့ၢ်ဝဲ, ပှၤလိတၣ်အဒူၣ်,

လံာ်တၢ်ကဲထီၣ်အခီၣ်ထံး 36:30

ပှၤဒံၡိၣ်အဒူၣ်, ပှၤအ့စၢ်အဒူၣ်ဒီးပှၤဒံၡၣ်အဒူၣ်တဖၣ်လီၤ.

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

စံးထီၣ်ပတြၢၤ 135:11

ပှၤအမိၢ်ဖိအစီၤပၤစံဃိၣ်, ဒီးဘၤၡၣ်အစီၤပၤဧိာ်, ဒီးကနၤဧၣ်စီၤပၤတဖၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 2:1

ဒီးလၢခံကတၢၢ်ပဃၣ်ကဒါက့ၤပသး, ဒီးလဲၤနုာ်ဆူပှၢ်မုၢ်ကနၢအပူၤ, လၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ်အလိၤ, ဒ်ယွၤဟ့ၣ်လီၤအကလုၢ်အသိး, ဒီးပလဲၤဝ့ၤဝီၤတၢ်အါနံၤအါသီ လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 2:4

အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 3:17

ဖဲပှၤဂီၢ်မုၢ်ခီဂာ်တၢ်လၢခိအခါ, ပှၤလုၢ်တၢ်အခိၣ်တဖၣ်လၢအ စိာ်ယွၤအတၢ်အၢၣ်လီၤအီလီၤအတလါန့ၣ်, အိၣ်ဆၢထၢၣ်လၢ ခိလၢယၢ်ဒ့ၣ်အခၢၣ်သးတုၤလၢပှၤဂီၢ်မုၢ်ခီဂာ်တၢ်လၢာ်တစု န့ၣ်လီၤ.

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.