လံာ်စီၤယိၤၡူ 12:2 - Sgaw Karen Common Bible

² တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်စီၤယိၤၡူ 12:2 Iomraidhean Croise

လံာ်တၢ်ကဲထီၣ်အခီၣ်ထံး 32:22

ဒီးတနၤဃီန့ၣ်, စီၤယၤကိာ်ဂဲၤထၢၣ်ဒီးကိးထီၣ်အမါခံဂၤ, သံၣ်မါခံဂၤဒီးအဖိတဆံတဂၤဒီးခီဂာ်ထံကျိယးဘိးန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:8

ဒီးစီၤဘ့လၤလၢအမ့ၢ်စီၤဧၤစးအဖိခွါ, စီၤၡမၤအလံၤလၢစီၤ ယိၤအ့လးအဒူၣ်ထၢန့ၣ်လီၤ. ဒူၣ်ထၢအံၤအိၣ်ဝဲဆိးဝဲဖဲဧရိၤဧ့ၢ်ဒီးလီၢ်ကဝီၤစးထီၣ်ဖဲ န့ၣ်ဆူကလံၤစိး, တုၤလၢဝ့ၢ်နဘိဒီးဝ့ၢ်ဘဧၤလးမဧိၣ်န့ၣ်လီၤ.

လံာ်စီၤနဃ့မယၤ 9:22

နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

စံးထီၣ်ပတြၢၤ 135:11

ပှၤအမိၢ်ဖိအစီၤပၤစံဃိၣ်, ဒီးဘၤၡၣ်အစီၤပၤဧိာ်, ဒီးကနၤဧၣ်စီၤပၤတဖၣ်ခဲလၢာ်န့ၣ်လီၤ.

လံာ်ယံးရမံယၤ 48:19

သုဝဲလၢ အအိၣ်ဝဲဆိးဝဲလၢ ဝ့ၢ်ဧရိၤဧ့ၢ်သ့ၣ်ဧၢ, ဆၢထၢၣ်လၢကျဲကပၤဒီးအိၣ်ခိးတၢ်တက့ၢ်. သံကွၢ်ပှၤတဖၣ်လၢအဃ့ၢ်ကွံာ် ဒီးသုကသ့ၣ် ညါတၢ်လၢ အမၤတ့ၢ်အသးန့ၣ်တက့ၢ်.

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်ပှၤစံၣ်ညီၣ်ကွီၢ် 11:13

ဒီးဧၣ်မိၣ်အစီၤပၤစံးဆၢစီၤယံးဖသၤအကလူးတဖၣ်, “ဖဲပှၤအံၣ်စရ့လးဖိတဖၣ်ဟးထီၣ်လၢကီၢ်အဲၤကူပတူးန့ၣ်အဝဲ သ့ၣ်ဂုာ်န့ၢ်ယထံယကီၢ်စးထီၣ်လၢ ထံကျိအၢ်နိၣ်တုၤလၢထံကျိယးဘိးဒီးထံကျိယၢ်ဒ့ၣ်လီၤ. ခဲအံၤနကဘၣ်ဟ့ၣ်က့ၤမုာ်မုာ်န့ၣ်လီၤ.”

လံာ်ပှၤစံၣ်ညီၣ်ကွီၢ် 11:22

ဒီးအဝဲသ့ၣ်ဟံးန့ၢ်ပၢဘၣ်ကယဲၢ်ပှၤအမိၢ်ဖိတဖၣ်အလီၢ်အကျဲ စးထီၣ်လၢထံကျိအၢ်နိၣ် လၢကလံၤထံးတခီတုၤလၢထံကျိ ယးဘိးလၢကလံၤစိးတခီ, ဒီးလၢမဲးမုၢ်ခိၣ်လၢမုၢ်ထီၣ်တခီ တုၤလၢထံကျိယၢ်ဒ့ၣ်လၢမုၢ်နုာ်တခီန့ၣ်လီၤ.