လံာ်စီၤယိၤၡူ 12:1 - Sgaw Karen Common Bible

¹ အအံၤမ့ၢ်ထံကီၢ်အစီၤပၤတဖၣ်လၢ ပှၤအံၣ်စရ့လးဖိတဖၣ်မၤနၢၤတ့ၢ်ဒီးဟံးန့ၢ်လံအကီၢ်လၢထံကျိယၢ်ဒ့ၣ်အမုၢ်ထီၣ်တကပၤ စးထီၣ်လၢအၢ်နိၣ်တၢ်ပၢၤခိၣ် ထီၣ်ဆူထံကျိယၢ်ဒ့ၣ်တၢ်ပၢၤခိၣ်တုၤလၢကစၢၢ်ဃ့ရမိၣ်လၢကလံၤ စိးန့ၣ်လီၤ. အဝဲသ့ၣ်မၤနၢၤစီၤပၤခံဂၤန့ၣ်လီၤ.

လံာ်စီၤယိၤၡူ 12:1 Iomraidhean Croise

လံာ်စီၤပၤအခီၣ်ထံးတဘ့ၣ် 4:19

စီၤအူရံၤယၤအဖိခွါစီၤက့ဘ့ၢ်လၢကီၢ်ကံးလဧး, လၢအဘၣ်တၢ်ပၢအီၤလၢပှၤအမိၢ်ဖိအစီၤပၤစံဃိၣ်ဒီးဘၤၡၣ်အစီၤ ပၤဧိာ်တဖၣ်န့ၣ်လီၤ. လၢပှၤတဆံခံဂၤအံၤအမဲာ်ညါပဒိၣ်ဖးဒိၣ်အဒိၣ်ကတၢၢ်အိၣ်ဝဲ တဂၤလၢကီၢ်ဒီတဘ့ၣ်ညါအဖီခိၣ်န့ၣ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 136:21

ဒီးဟ့ၣ်လီၤအထံအကီၢ်ဆူအပှၤဂီၢ်မုၢ် အအိၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်တၢ်ဂံၢ် 21:13

ဝံၤဒီးအဝဲသ့ၣ်သုးကဒီးအသးဒီးသူၣ်ထီၣ်အဒဲလၢထံကျိအၢ် နိၣ်အကလံၤစိးတခီလၢပှၢ်မုၢ်ကနၢအပူၤ, တၢ်လီၢ်လၢအလဲၢ်ဝဲတုၤဆူပှၤအမိၢ်ဖိတဖၣ်အကီၢ်ဆၢန့ၣ်လီၤ. (ထံကျိအၢ်နိၣ်န့ၣ်မ့ၢ်ပှၤမိၤအးဖိဒီးပှၤအမိၢ်ဖိတဖၣ်အကီၢ် အဆၢန့ၣ်လီၤ.)

လံာ်တၢ်ဂံၢ် 21:21

ဝံၤဒီးကီၢ်အံၣ်စရ့လးအပှၤဂီၢ်မုၢ်ဆှၢလီၤပှၤစိာ်တၢ်ကစီၣ် တဖၣ်ဆူပှၤအမိၢ်ဖိအစီၤပၤစံဃိၣ်အအိၣ်ဒ်သိးကစံးဘၣ်အီၤ,

လံာ်တၢ်ဂံၢ် 21:24

ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံကွံာ်ဒုၣ်ဒါအါဂၤလၢတၢ် ဒုးပူၤဒီးမၤန့ၢ်အဝဲသ့ၣ်အကီၢ်စးထီၣ်လၢထံကျိအၢ်နိၣ်ကလံၤစိးတခီတုၤဆူယၢ်ဘိး, ဒ်ပစံးတၢ်အသိးတုၤဆူပှၤအမိၢ်ဖိတဖၣ်အအိၣ်, မ့ၢ်လၢပှၤအမိၢ်ဖိတဖၣ်အကီၢ်ဆၢန့ၣ်ဘၣ်တၢ်ဒီဒၣ်ဃးအီၤခၢၣ် တနၢၣ်အဃိန့ၣ်လီၤ.

လံာ်တၢ်ဂံၢ် 32:19

ပတဟံးစ့ၢ်ကီးတၢ်စုလီၢ်ခီၣ်ခိၣ်အတၢ်န့ၢ်သါလၢအဝဲသ့ၣ်အကျါ လၢထံကျိယၢ်ဒ့ၣ်အဘးခီတကပၤန့ၣ်နီတမံၤဘၣ်. အဂ့ၢ်ဒ်အံၤ, ပဒိးန့ၢ်တ့ၢ်လံတၢ်နီၤဖးလၢပဂီၢ်ဖဲအံၤလၢယၢ် ဒ့ၣ်အမုၢ်ထီၣ်တခီလံန့ၣ်လီၤ.”

လံာ်တၢ်ဂံၢ် 32:32

လၢအဝဲအတၢ်မၤလိာ်အဖီလာ်န့ၣ်ပကခီဂာ်တၢ်ဆူ ကီၢ်ကနၤဧၣ်အပူၤဒီးလဲၤဒုးတၢ်ဒ်သိးပပၢၤဃးပတၢ်စုလီၢ်ခီၣ် ခိၣ်ဖဲအံၤလၢထံကျိယၢ်ဒ့ၣ်အမုၢ်ထီၣ်တကပၤအံၤကသ့ဝဲန့ၣ် လီၤ.”

လံာ်တၢ်ဂံၢ် 32:33

မၤသးဒ်န့ၣ်ဒီး, စီၤမိၤၡ့ဟ့ၣ်လီၤကယဲၢ်လီၢ်ကဝီၤလၢအဘၣ်ဃး ဒီးပှၤအမိၢ်ဖိတဖၣ်အစီၤပၤစံဃိၣ်ဒီးကီၢ်ဘၤၡၣ်အစီၤပၤဧိာ် ဃုာ်ဒီးဝ့ၢ်တဖၣ်ဒီးတၢ်လီၢ်အိၣ်ခိၣ်အိၣ်ဃၢၤဆူဒူၣ်တဖၣ်လၢ အမ့ၢ်, ကး, ရူၤဘ့ၣ်ဒီးမနၤၡ့ၣ်တခီဒူၣ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 2:24

ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

လံာ်သိၣ်လီၤသီလီၤတၢ် 2:32

စီၤစံဃိၣ်ဟဲထီၣ်ဝဲဒၣ်ဃုာ်ဒီး အပှၤကညီတဖၣ်ဒ်သိးကဒုးပှၤ ဖဲဝ့ၢ်ယါစၤအကပၤန့ၣ်လီၤ.

လံာ်သိၣ်လီၤသီလီၤတၢ် 3:1

မၤကဒီးတစု, ပလဲၤဆူကလံၤစိးလိၤလိၤဆူဘၤၡၣ်အလီၢ်ကဝီၤ ဒီးစီၤပၤဧိာ်ဟဲထီၣ်ဒီးကယဲၢ်အပှၤတဖၣ်လၢကဒုးပှၤအဂီၢ်ဖဲ တၢ်လီၢ်ဘူးဒီးဝ့ၢ်အ့ဒြံၤန့ၣ်လီၤ.

လံာ်သိၣ်လီၤသီလီၤတၢ် 4:44

စီၤမိၤၡ့ဟ့ၣ်လီၤကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးတၢ်သိၣ်လိသီလိတဖၣ်ဆူကီၢ်အံၣ်စရ့လးအပှၤဂီၢ်မုၢ် အအိၣ်န့ၣ်လီၤ.

လံာ်သိၣ်လီၤသီလီၤတၢ် 4:46

တၢ်လီၢ်အံၤအိၣ်ဝဲလၢပှၤဧၣ်မိၣ်ဖိတဖၣ်အစီၤပၤစီၤစံဃိၣ်လၢ အပၢတၢ်လၢဝ့ၢ်ဃ့ၡဘိၣ်, အလီၢ်ကဝီၤပူၤန့ၣ်လီၤ. စီၤမိၤၡ့ဒီးကီၢ်အံၣ်စရ့လးအပှၤဂီၢ်မုၢ်မၤနၢၤကွံာ်အီၤဖဲ အဝဲသ့ၣ်ဟးထီၣ်ကွံာ်လၢကီၢ်အဲၤကူပတူးပူၤအခါန့ၣ်လီၤ.

လံာ်သိၣ်လီၤသီလီၤတၢ် 4:48

ကီၢ်အံၤလဲၢ်ဝဲစးထီၣ်လၢဝ့ၢ်ဧရိၤဧ့ၢ်, လၢအအိၣ်လၢထံကျိ အၤနိၣ်ကၢၢ်နံၤဒီးလဲၤဆူကလံၤစိးတခီဒီတကျိၤတုၤဆူကစၢၢ် စံရယိၣ်လၢအမ့ၢ်ဃ့ရမိၣ်န့ၣ်လီၤ.

လံာ်စီၤယိၤၡူ 1:15

တုၤအနုာ်လီၤမၤန့ၢ်တၢ်လီၢ်လၢထံကျိယၢ်ဒ့ၣ်အမုၢ်နုာ်တကပၤလၢ ယွၤသုကစၢ်ဟ့ၣ်လီၤအဝဲသ့ၣ်န့ၣ်လီၤ. ဖဲပှၤအံၣ်စရ့လးဖိအဒူၣ်ခဲလၢာ်မၤန့ၢ်အလီၢ်အိၣ်လီၢ်ဆိးလၢ အဂီၢ်လံဒီး, သုကဟဲက့ၤဒီးအိၣ်ဆိးဖဲအံၤလၢသုလီၢ်ဒၣ် သုဝဲလၢထံကျိယၢ်ဒ့ၣ်အမုၢ်ထီၣ်တကပၤ, လၢယွၤအခ့အပှၤစီၤမိၤၡ့ဟ့ၣ်လီၤသုန့ၣ်လီၤ.”

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 13:8

မ့မ့ၢ်ဒူၣ်တဖၣ်လၢအမ့ၢ်ဝဲရူၤဘ့ၣ်ဒီးကးဒီးမနၤၡ့ၤအဒူၣ် တဝာ်ဒိးန့ၢ်တ့ၢ်လံဝဲအတၢ်န့ၢ်သါလၢယွၤအခ့အပှၤစီၤမိၤၡ့ ဟ့ၣ်လီၤအဝဲသ့ၣ်န့ၣ်လီၤ. ကီၢ်အံၤအိၣ်လၢထံကျိယၢ်ဒ့ၣ်အမုၢ်ထီၣ်တကပၤန့ၣ်လီၤ.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်ပှၤစံၣ်ညီၣ်ကွီၢ် 11:18

တုၤနုၤတစု, အဝဲသ့ၣ်လဲၤခီဖျိမဲးမုၢ်ခိၣ်ဒီးလဲၤတရံးကီၢ်အဒိၣ်ဒီးကီၢ်မိၤအး တုၤအတုၤလၢကီၢ်မိၤအးအမုၢ်ထီၣ်ဖဲထံကျိအၢ်နိၣ်အဘးခီန့ၣ်လီၤ. အဝဲသ့ၣ်သူၣ်အဒဲဖဲန့ၣ်ဘၣ်ဆၣ်ဒီးတလဲၤခီဂာ်ထံကျိအၢ်နိၣ်ဘၣ်. အဂ့ၢ်ဒ်အံၤ, မ့ၢ်ဝဲကီၢ်မိၤအးအထံဆၢကီၢ်ဆၢန့ၣ်လီၤ.