လံာ်စီၤယိၤၡူ 11:3 - Sgaw Karen Common Bible

³ အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 11:3 Iomraidhean Croise

လံာ်တၢ်ကဲထီၣ်အခီၣ်ထံး 31:49

စီၤလၤဘၣ်စံးစ့ၢ်ကီးဝဲ, “မ်ယွၤအမဲာ်ကွၢ်လီၤပှၤဖဲပအိၣ် လီၤဖးလိာ်ပသးတဂၤဒီးတဂၤန့ၣ်တက့ၢ်.” လၢတၢ်န့ၣ်အဃိတၢ်လီၢ်အံၤဘၣ်တၢ်ကိးစ့ၢ်ကီးအီၤလၢမံးစပၤ လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:16

ဖဲယွၤအကလူးသါကမၤဟးဂီၤကွံာ်ဝ့ၢ်ယရူၤၡလ့ၣ်အခါန့ၣ်, ယွၤဆီတလဲကွံာ်အတၢ်ပာ်သးဘၣ်ဃးဒီးတၢ်စံၣ်ညီၣ်အပှၤဂီၢ်မုၢ် န့ၣ်, ဒီးစံးဘၣ်ကလူးလၢအမၤသံအဝဲသ့ၣ်ဒ်အံၤ, “ဆိကတီၢ်တက့ၢ်.” ကလူးန့ၣ်အိၣ်ဝဲဖဲပှၤယဘူၣ်ဖိစီၤအၤရနၤ အကြဲၢ်အကပၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:7

အန့ၣ်ဝံၤဒီးအဝဲသ့ၣ်လဲၤဆူကလံၤထံးဆူဝ့ၢ်ထါယၢၣ်လၢအအိၣ် ဒီးအတိာ်ခၢၣ်သနၢၣ်, လဲၤကဒီးဆူညါတုၤဆူ ကယဲၢ်ပှၤဃံၤဝံဖိဒီးပှၤကနၤဧၣ်ဖိအဝ့ၢ်ခဲလၢာ်, ဒီးလၢခံကတၢၢ်န့ၣ်တုၤဆူ ဝ့ၢ်ဘ့ၢ်ၡဘၤအိၣ်လၢကီၢ်ယူဒၤကလံၤထံးတခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:22

အန့ၣ်ဝံၤဒီး, စီၤပၤအၤစါဟ့ၣ်လီၤတၢ်ကလုၢ်တမံၤဆူ ကီၢ်ယူဒၤဒီဘ့ၣ်ညါ, ဃ့ဝဲပှၤခဲလၢာ်, ပှၤသုတအိၣ်လီၤတဲာ်နီ တဂၤတဂ့ၤ, လၢကမၤစၢၤတၢ်စိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢဝ့ၢ်ရၤမါ အပူၤလီၤ. တၢ်ပီးတၢ်လီတဖၣ်အံၤစီၤဘါၡၤသူတ့ၢ်အီၤလၢကမၤကျၢၤထီၣ် ဝ့ၢ်ရၤမါအတိာ်ဧိၤတာ်ဧိၤန့ၣ်လီၤ. စီၤအၤစါသူတၢ်ပီးတၢ်လီတဖၣ်လၢကမၤကျၢၤထီၣ်ဝ့ၢ်မံးစပၤ အတိာ်ဧိၤတာ်ဧိၤဒီးဝ့ၢ်က့ဘၤ, ဝ့ၢ်တဖျၢၣ်လၢအအိၣ်လၢကီၢ်ဘံၣ်ယၤမံၣ်အလီၢ်ကဝီၤ, အတိာ်ဧိၤတာ်ဧိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:20

လၢအဝဲအတၢ်မၢဆူၣ်မၢနၢၤအဂီၢ်န့ၣ်, စီၤၡလိၤမိၤသူတ့ၢ်ကီၢ်ကနၤဧၣ်အပှၤဂီၢ်မုၢ်အစၢၤအသွဲၣ်တဖၣ်လၢ အမ့ၢ်ဝဲဒီးပှၤအမိၢ်ဖိ, ပှၤဃ့ၤသးဖိ, ပှၤဃံၤဝံဖိဒီးပှၤယဘူၣ်ဖိ တဖၣ်န့ၣ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:8

ဟဲဃုာ်ဒီးယၤလၢလဘၤနိၣ်အကစၢၢ်ကလိတဖၣ်တက့ၢ်, ယတလးမူးပိာ်မုၣ်ဧၢ, ဟဲဃုာ်ဒီးယၤလၢကီၢ်လဘၤနိၣ်တက့ၢ်. ဟဲလီၤလၢကစၢၢ်အမါနၤအဒီခိၣ်, လၢကစၢၢ်စနံၣ်ဒီးကစၢၢ်ဃ့ရမိၣ်, ဖဲခ့ယုၢ်ဒီးခ့စံၣ်ပိၣ်တဖၣ်အိၣ်ဆိးဝဲအလီၢ်တက့ၢ်.

လံာ်ယံးရမံယၤ 40:10

ယကစၢ်ဒၣ်ယဲယကအိၣ်ဖဲဝ့ၢ်မံးစပၤဒီးကဲထီၣ်သုခၢၣ်စးဖဲ ပှၤဘၤဘူၤလိၣ်ဖိတဖၣ်ဟဲဖဲအံၤန့ၣ်လီၤ. ဘၣ်ဆၣ်ဒီး, သုထၢဖှိၣ်ဒီးပာ်ဖှိၣ်ပာ်တံၤစပံးထံ, တၤသူတၤသၣ်ဒီးသ့ၣ်စၤယံးအသိ, ဒီးအိၣ်ဖဲဒူသဝီတဖၣ်လၢသုမၤန့ၢ်အီၤအပူၤသ့ဝဲလီၤ.”

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်ယံးရမံယၤ 41:14

ဒီးဃၣ်ဃီၤအသးဒီး ဃ့ၢ်ဆူအဝဲသ့ၣ်အအိၣ်န့ၣ်လီၤ.

လံာ်ယံးရမံယၤ 41:3

စီၤယံးၡမၤအ့လး မၤသံကွံာ်စ့ၢ်ကီး ပှၤအံၣ်စရ့လးဖိ အဂၤတဖၣ်လၢ အအိၣ်ဒီးစီၤကဒါလယၤဖဲ ဝ့ၢ်မံးစပး, ဃုာ်ဒီၤပှၤဘၤဘူၤလိၣ် အသုးဖိတဖၣ် လၢအလဲၤဘၣ် အတီၤဖဲန့ၣ်န့ၣ်လီၤ.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်သိၣ်လီၤသီလီၤတၢ် 4:48

ကီၢ်အံၤလဲၢ်ဝဲစးထီၣ်လၢဝ့ၢ်ဧရိၤဧ့ၢ်, လၢအအိၣ်လၢထံကျိ အၤနိၣ်ကၢၢ်နံၤဒီးလဲၤဆူကလံၤစိးတခီဒီတကျိၤတုၤဆူကစၢၢ် စံရယိၣ်လၢအမ့ၢ်ဃ့ရမိၣ်န့ၣ်လီၤ.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 13:11

ပၣ်ဃုာ်ဒီးကီၢ်ကံးလဧး, ပှၤကၡူၢ်ဖိဒီးပှၤမၤကးဖိအကီၢ်, ကစၢၢ်ဃ့ရမိၣ်ဒီဖျၢၣ်, ဒီးဘၤၡၣ်ဒီကီၢ်တုၤလၢဝ့ၢ်စၤလကးန့ၣ်လီၤ.

လံာ်စီၤယိၤၡူ 13:5

ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.

လံာ်စီၤယိၤၡူ 15:38

ဒံလၣ်, မံးစပၤ, ယိးကသ့လး,

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 21:5

အဝဲသ့ၣ်သံကွၢ်ဝဲ, “မ့ၢ်ပှၤတဖုဖုလၢအံၣ်စရ့လးအဒူၣ်အကျါ လၢအတလဲၤဘၣ်ဆူတၢ်ပာ်ဖှိၣ်ထီၣ်အသးအလီၢ်လၢယွၤ အမဲာ်ညါဖဲမံးစပၤန့ၣ်အိၣ်ဧါ.” (အဝဲသ့ၣ်ဆိၣ်တၢ်လၢပှၤတဂၤလၢ်လၢ်လၢအတလဲၤဘၣ်ဆူမံးစပၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.)

လံာ်ပှၤစံၣ်ညီၣ်ကွီၢ် 21:8

ဖဲအဝဲသ့ၣ်သံကွၢ်ဝဲလၢမ့ၢ်ပှၤတဖုဖုလၢအံၣ်စရ့လးအဒူၣ် အကျါအိၣ်ဝဲလၢအတလဲၤဘၣ်ဆူတၢ်ပာ်ဖှိၣ်အလီၢ်ဖဲမံးစပၤဧါန့ၣ် အဝဲသ့ၣ်ထံၣ်ဝဲလၢပှၤအိၣ်လၢယၤဘ့ၣ်ဘၣ်ဃးဒီးကံးလဧးအပူၤ န့ၣ်လဲၤတတုၤဖဲန့ၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်ပှၤစံၣ်ညီၣ်ကွီၢ် 3:5

လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်အိၣ်ဝဲဆိးဝဲလၢပှၤကနၤဧၣ်ဖိ, ပှၤဃံၤဝံဖိ, ပှၤအမိၢ်ဖိ, ပှၤပရးစၤဖိဒီးပှၤယဘူၣ်ဖိတဖၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:17

စီၤၡမူၤအ့လးကိးပှၤဂီၢ်မုၢ်လၢကပာ်ဖှိၣ်ထီၣ်အသးလၢတၢ်ဘူၣ် တၢ်ဘါအတၢ်ရ့လိာ်မုာ်လိာ်တမံၤအဂီၢ်ဖဲဝ့ၢ်မံးစပၤ,