လံာ်စီၤယိၤၡူ 11:23 - Sgaw Karen Common Bible

²³ အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 11:23 Iomraidhean Croise

လံာ်စီၤနဃ့မယၤ 9:24

အဝဲသ့ၣ်မၤနၢၤကွံာ်ကီၢ်ကနၤဧၣ်ဒီးနမၤနၢၤကွံာ် ပှၤအိၣ်ဖဲန့ၣ်တဖၣ်န့ၣ်လီၤ. နဟ့ၣ်နပှၤဂီၢ်မုၢ်လၢတၢ်စိတၢ်ကမီၤလၢကမၤ ကီၢ်ကနၤဧၣ်အပှၤဂီၢ်မုၢ်ဒီးအစီၤပၤတဖၣ် ဒ်အသးဒၣ်ဝဲအသိးန့ၣ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်ယဃ့းစက့လး 45:8

တၢ်ကဝီၤအံၤကမ့ၢ်တၢ်နီၤဖးလၢစီၤပၤဖိခွါလၢအပၢတၢ်ကမၤန့ၢ် အီၤလၢကီၢ်အံၣ်စရ့လးအပူၤ, ဒ်သိးအဝဲသုတမၤနးမၤဖှီၣ် လၢၤပှၤဂီၢ်မုၢ်လၢၤတဂ့ၤ, မ့မ့ၢ်ကပျဲတၢ်လီၢ်လၢအဂၤလၢအအိၣ် လီၤတဲာ်လၢထံကီၢ်အပူၤခဲလၢာ်ဘၣ်ဃးဒီးပှၤအံၣ်စရ့လးဖိအဒူၣ် တဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 1:38

ဘၣ်ဆၣ်ဒီးဒုးဆူၣ်ထီၣ်ပှၤမၤစၢၤနၤ, စီၤနိၣ်အဖိခွါစီၤယိၤၡူ အတၢ်ပာ်လီၤသးန့ၣ်တက့ၢ်. အဝဲကဆှၢပှၤအံၣ်စရ့လးဖိလၢကလဲၤ မၤန့ၢ်ထံကီၢ်န့ၣ်အဂီၢ်လီၤ.

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

လံာ်စီၤယိၤၡူ 11:18

စီၤယိၤၡူဒုးတၢ်ဒီးစီၤပၤတဖၣ်အံၤဖးယံာ်ညါန့ၣ်လီၤ.

လံာ်စီၤယိၤၡူ 12:7

စီၤယိၤၡူဒီးပှၤအံၣ်စရ့လးဖိတဖၣ်မၤနၢၤစီၤပၤခဲလၢာ်လၢအအိၣ် လၢထံကျိယၢ်ဒ့ၣ်အမုၢ်နုာ်, စးထီၣ်လၢဝ့ၢ်ဘဧၤလးကးလၢလဘၤ နိၣ်ကစၢၢ်ကဆူးအတၢ်ပၢၤခိၣ်တုၤလၢကစၢၢ်ဃၤလးလၢကလံၤထံး ဘူးဒီးကီၢ်စ့ဧၢ်န့ၣ်လီၤ. စီၤယိၤၡူနီၤဖးဒီးဟ့ၣ်လီၤကီၢ်အံၤဆူပှၤအံၣ် စရ့လးဖိအဒူၣ်တဖၣ်လၢကကဲထီၣ်အတၢ်န့ၢ်သါအဂၢၢ်အကျၢၤအဂီၢ် န့ၣ်လီၤ.

လံာ်စီၤယိၤၡူ 18:10

ဒီးစီၤယိၤၡူဖးတၢ်လၢအဝဲသ့ၣ်အဂီၢ်လၢယွၤအမဲာ်ညါဖဲ ဝ့ၢ်ၡံလိၤန့ၣ်လီၤ. ဒီးဖဲန့ၣ်န့ၣ်စီၤယိၤၡူနီၤဖးလီၤထံကီၢ်လၢပှၤအံၣ်စရ့လး ဖိအဂီၢ်ဒ်အတၢ်နီၤဖးအိၣ်ဝဲအသိးန့ၣ်လီၤ.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်စီၤယိၤၡူ 23:1

ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,