လံာ်စီၤယိၤၡူ 11:22 - Sgaw Karen Common Bible

²² ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤယိၤၡူ 11:22 Iomraidhean Croise

လံာ်စီၤပၤအခီၣ်ထံးတဘ့ၣ် 2:39

ဘၣ်ဆၣ်ဒီးသၢနံၣ်ဝံၤအလီၢ်ခံန့ၣ်, စီၤၡံမံၤအကုၢ်တဖၣ်အကျါ ခံဂၤဃ့ၢ်ကွံာ်ဝဲဆူဝ့ၢ်ကၤသးအစီၤပၤ, စီၤမၤကၤအဖိခွါစီၤအၤကံၣ်အအိၣ်န့ၣ်လီၤ. တုၤစီၤၡံမံၤနၢ်ဟူဘၣ်ဝဲလၢအဝဲသ့ၣ်အိၣ်လၢဝ့ၢ်ကၤသးန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 18:1

တယံာ်အါအါဘၣ်အလီၢ်ခံန့ၣ်စီၤပၤဒၤဝံးဒုးကဒီးတၢ်ဒီးပှၤ ဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်န့ၣ်လီၤ. အဝဲဟံးန့ၢ်ကွံာ်ဝ့ၢ်ကၤသးဒီးသဝီအိၣ်ဝးတရံးအီၤတဖၣ်လၢ အဝဲသ့ၣ်အတၢ်ပၢၤဃာ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:13

စီၤဘရံဧၤဒီးစီၤၡမၤမ့ၢ်ဟံၣ်ဒူၣ်ဃီထၢတဖၣ်အခိၣ်လၢအအိၣ်ဝဲ ဆိးဝဲဖဲဝ့ၢ်အးယၤလိၣ်ဒီးဟီထီၣ်ကွံာ်ပှၤဂီၢ်မုၢ်အိၣ်ဆိး တ့ၢ်ဝဲလၢဝ့ၢ်ကၤသးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:6

စီၤဧူးစံယါလဲၤထီၣ်ဒုးတၢ်ထီဒါပှၤဖလ့ၡသးဖိတဖၣ်န့ၣ် လီၤ. အဝဲမၤလီၤပှီၢ်ကွံာ်ဝ့ၢ်တဖၣ်လၢအမ့ၢ်ဝဲဝ့ၢ်ကၤသး, ဝ့ၢ်ယၤဘနၤဒီးဝ့ၢ်အၤစဒိာ်အတၢ်ဒူၣ်တဖၣ်ဒီးသူၣ်ထီၣ်ဝ့ၢ်တဖၣ် လၢအအိၣ်ဒီးတိာ်ဧိၤတာ်ဧိၤဘူးဒီးဝ့ၢ်အၤစဒိာ်ဒီးလၢကီၢ်ဖလ့ ၡသးအတၢ်လီၢ်အဂၤတဖၣ်န့ၣ်လီၤ.

လံာ်ယၡါယၤ 20:1

လၢကီၢ်အၤၡူၢ်အစီၤပၤဖးဒိၣ်စၤရကိၣ်အကလုၢ်န့ၣ်, ကီၢ်အၤၡူၢ်အသုးမုၢ်အသုးခိၣ်ကျၢၢ်လဲၤထီၣ်ဒုးပှၤဖလ့ၡသးဖိ အဝ့ၢ်အၤစဒိာ်န့ၣ်လီၤ.

မၤတၢ် 8:40

စီၤဖံလံးပူးထံၣ်လၢအလဲၤတုၤလံလၢဝ့ၢ်အးစဒိာ်, ဒီးလဲၤကဒီးဝဲဆူညါတုၤအတုၤလၢဝ့ၢ်ကဲၤစါရံၤတစုလီၤ. ဖဲအလဲၤတၢ်လၢကျဲအခါ, အဝဲဒၣ်စံၣ်တဲၤတဲလီၤတၢ်သးခုအကစီၣ်ဘၣ်ဃးယ့ၣ်ၡူးခရံာ်, လၢဝ့ၢ်အိၣ်လၢတၢ်ဘၢၣ်စၢၤတဖၣ်န့ၣ်ကိးဝ့ၢ်ဒဲးအပူၤလီၤ.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

လံာ်သိၣ်လီၤသီလီၤတၢ် 9:2

ပှၤဂီၢ်မုၢ်တဖၣ်အနီၢ်ကစၢ်ဒၣ်ဝဲအနီၢ်ထီဒီးအဂံၢ်အဘါဆူၣ်ဝဲဒၣ် လီၤ. အဝဲသ့ၣ်မ့ၢ်ပှၤနီၢ်ဒိၣ်နီၢ်သွါတဖၣ်ဒီးသုနၢ်ဟူတ့ၢ်လၢပှၤ စံးဝဲလၢပှၤဆၢထၢၣ်ထီဒါအဝဲသ့ၣ်တန့ၢ်နီတဂၤဘၣ်န့ၣ်လီၤ.

လံာ်စီၤယိၤၡူ 10:41

စီၤယိၤၡူမၤနၢၤအဝဲသ့ၣ်စးထီၣ်လၢဝ့ၢ်ကၤဒ့ၣ်ဘၢ်န့တုၤလၢ ဝ့ၢ်ဂါစၤ, ဒီးကိၡ့ၣ်အကီၢ်ဒီဘ့ၣ်ညါတုၤလီၤလၢဝ့ၢ်ကံးဘိၣ်န့ၣ်လီၤ.

လံာ်စီၤယိၤၡူ 15:14

စီၤကၤလ့းဟီထီၣ်ကွံာ်စီၤ ဧနးအစၢၤအသွဲၣ်တဖၣ်လၢဝ့ၢ်အပူၤလၢအမ့ၢ်စီၤၡ့ၡဲ, စီၤအဃံမ့ၣ်ဒီးစီၤတးလမဲအဒူၣ်ထၢတဖၣ်န့ၣ်လီၤ.

လံာ်စီၤယိၤၡူ 15:47

အိၣ်ဒီးအၤစဒိာ်ဒီးဂါစၤဃုာ် ဒီးအဝ့ၢ်ဖိဒီးအသဝီတဖၣ်တုၤလၢထံကျိဖိလၢအဲၤကူပတူး အကီၢ်ဆၢဒီးပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အနံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:18

ယူဒၤအပှၤဂီၢ်မုၢ်မၤန့ၢ်ဝ့ၢ်ဂါစၤဒီးအလီၢ်ကဝီၤ, ဝ့ၢ်အၤၡကလိၣ်ဒီးအလီၢ်ကဝီၤ, ဝ့ၢ်ဧ့ဘြိၣ်ဒီးအလီၢ်ကဝီၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:4

ပှၤလၢအမံၤမ့ၢ်စီၤကၤလယးလၢဝ့ၢ်ကၤသးတဂၤန့ၣ်ဟဲထီၣ်လၢပှၤ ဖလ့ၡသးဖိတဖၣ်အသူၣ်ဒဲအလီၢ်ပူၤဒ်သိးကတၤပှၤအံၣ်စရ့လးဖိ တဖၣ်န့ၣ်လီၤ. အဝဲအဂီၤအထီအိၣ်ဝဲဃုပျၢ်အဘျဲၣ်,

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.