လံာ်စီၤယိၤၡူ 11:20 - Sgaw Karen Common Bible

²⁰ အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်စီၤယိၤၡူ 11:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:16

စီၤအမၤစယါမၤတံာ်တာ်ကွံာ်ဝံအတၢ်ကတိၤဒီးစံးဝဲ, “ပဒုးကဲထီၣ်နၤလၢပှၤဟ့ၣ်ကူၣ်စီၤပၤန့ၣ်, စးထီၣ်အခါဖဲလဲၣ်. ဆိကတီၢ်ကတိၤတၢ်တက့ၢ်. မ့တမ့ၢ်ယကမၢပှၤမၤသံဘၣ်နၤလီၤ.” တချုးလၢဝံဆိကတီၢ်ကွံာ်အတၢ်ကတိၤန့ၣ်, ဝံစံးဝဲဒၣ်, “ခဲအံၤယသ့ၣ်ညါလၢကစၢ်ယွၤပာ်လီၤလံအသးလၢ ကမၤဟးဂီၤကွံာ်နၤ, မ့ၢ်လၢနမၤတ့ၢ်ကယဲၢ်တၢ်ခဲလၢာ်အံၤဒီးတပာ်ကဲဘၣ်ယတၢ်ဟ့ၣ်ကူၣ် အဃိန့ၣ်လီၤ.”

လံာ်တၢ်ဟးထီၣ်ကွံာ် 10:1

တုၤနုၤတစုယွၤစံးဘၣ်စီၤမိၤၡ့, “လဲၤဆူစီၤပၤအအိၣ်တက့ၢ်. အဂ့ၢ်ဒ်အံၤ, ယမၤကိၤတ့ၢ်အဝဲဒီးအပဒိၣ်ပပှၢ်တဖၣ်အသးဒ်သိးယကမၤတၢ်လီၤလးတဖၣ်အံၤလၢအကျါ,

လံာ်တၢ်ဟးထီၣ်ကွံာ် 11:10

စီၤမိၤၡ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢ စီၤပၤအမဲာ်ညါ, ဘၣ်ဆၣ်ဒီးယွၤမၤကိၤထီၣ်စီၤပၤအသးဒီး တပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.

လံာ်တၢ်ဟးထီၣ်ကွံာ် 14:17

ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 9:12

ဘၣ်ဆၣ်ဒီးယွၤမၤကိၤထီၣ်စီၤပၤအသး, ဒီးဒ်ယွၤစံးဝဲအသိး, စီၤပၤတဒိကနၣ်ဘၣ်စီၤမိၤၡ့ဒီးစီၤအၤဟရိၣ်ဘၣ်.

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယၡါယၤ 14:24

ယွၤသ့တၢ်လၢာ်ကစၢ်မၤတ့ၢ်လံတၢ်ဆိၣ်တမံၤစံးဝဲ, “တၢ်လၢယကျဲၤတ့ၢ်န့ၣ်ကမၤအသးဒီးတၢ်လၢယပာ်လီၤတ့ၢ် ယသးလၢယကမၤန့ၣ်, ကဘၣ်တၢ်မၤကဲထီၣ်အီၤန့ၣ်လီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:25

ပှၤတဂၤမ့ၢ်မၤတၢ်ဒဲးဘးထီဒါပှၤအဂၤတဂၤဒီးကစၢ်ယွၤဒီဒၣ် အိၣ်ပှိၤအီၤသ့လီၤ. ဘၣ်ဆၣ်ဒီးမ့ၢ်မတၤတဂၤဒီဒၣ်အိၣ်ပှိၤပှၤတဂၤလၢအမၤတၢ်ဒဲးဘး ထီဒါယွၤကသ့ဝဲန့ၣ်လဲၣ်.” ဘၣ်ဆၣ်ဒီးအဝဲသ့ၣ်တဒိကနၣ်အပၢ်ဘၣ်. အဂ့ၢ်ဒ်အံၤ, ယွၤပာ်လီၤအသးလၢကမၤသံကွံာ်အဝဲသ့ၣ်လီၤ.