လံာ်စီၤယိၤၡူ 11:2 - Sgaw Karen Common Bible

² ဒီးဆူစီၤပၤတဖၣ်လၢကစၢၢ်ကလိလၢကလံၤစိးတခီ, ယၢ်ဒ့ၣ်တၢ်ပၢၤခိၣ်လၢပီၣ်လဲၣ်ကၤလံၤလါကလံၤထံးတခီ, လၢကစၢၢ်တဖၣ်အဂံၢ်ထံး, ဒီးလၢပီၣ်လဲၣ်ကၢၢ်ခိၣ်ဘူးဒီးဝ့ၢ်ဒိၢ် န့ၣ်လီၤ.

လံာ်စီၤယိၤၡူ 11:2 Iomraidhean Croise

လံာ်စီၤပၤအခီၣ်ထံးတဘ့ၣ် 15:20

စီၤပၤဘ့ၤဟဒးအၢၣ်လီၤထွဲစီၤအၤစါအတၢ်ဟ့ၣ်ကူၣ်ဒီးဆှၢလီၤ အသုးခိၣ်သုးနၢ်တဖၣ်ဒီးအသုးမုၢ်တဖၣ်လၢကလဲၤထီၣ်ဒုးကီၢ်အံၣ် စရ့လးအဝ့ၢ်တဖၣ်န့ၣ်အဂီၢ်လီၤ. အဝဲသ့ၣ်မၤန့ၢ်ဝဲဝ့ၢ်တဖၣ်လၢအမ့ၢ်ဧံၤယိၣ်, ဒၣ်, အၤဘ့ၤလးဘ့ၤသမၤကၤ, ဒီးလီၢ်ကဝီၤလၢအအိၣ်ဘူးဒီးပီၣ် လဲၣ်ကၤလံၤလါဒီးကီၢ်နးသၤလံဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:11

စီၤဘံနဒာ်အဖိခွါလၢအဒိးတ့ဒိးဖျီအသးဒီးစီၤၡလိၤမိၤ အဖိမုၣ်နီၢ်တၤဖး, လၢကီၢ်ဒိၢ်, ဒီတကီၢ်အပူၤ,

လံာ်တၢ်ဂံၢ် 34:11

အန့ၣ်ဝံၤဒီးကလဲၤဆူကလံၤထံးတုၤလၢဃၤဘအ့လးအိၣ်လၢဧ့ၣ် အမုၢ်ထီၣ်တခီဒီးထီၣ်ဆူပီၣ်လဲၣ်ကၤလံၤလါအမုၢ်ထီၣ်တၢ်လူၢ် တဖၣ်အဒီခိၣ်,

လံာ်လူၤကၣ် 1:39

တၢ်န့ၣ်ဝံၤအလီၢ်ခံတယံာ်ဘၣ်န့ၣ်, နီၢ်မၤရံအိၣ်ကတဲာ်ကတီၤထီၣ် အသးဒီးလဲၤဝဲဒၣ်ချ့ချ့ဆူဝ့ၢ်တဖျၢၣ်အိၣ်လၢကီၢ်ယူဒၤအတၢ်လူၢ် တၢ်တြီၤအကျါန့ၣ်လီၤ.

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤယိၤၡူ 11:16

စီၤယိၤၡူမၤန့ၢ်ကီၢ်ခဲလၢာ်, ကီၢ်လၢကစၢၢ်ကလိအလိၤဒီးအဂံၢ်ထံးတဖၣ်, ကီၢ်လၢကလံၤစိးဒီးကလံၤထံး, ကိၡ့ၣ်ဒီကီၢ်ညါဒီးကီၢ်လၢအဃ့ထီလၢအကလံၤထံး, ဃုာ်ဒီးထံကျိယၢ်ဒ့ၣ်အတၢ်ပၢၤခိၣ်န့ၣ်လီၤ.

လံာ်စီၤယိၤၡူ 11:21

ဒီးအကတီၢ်ဖဲန့ၣ်စီၤယိၤၡူလဲၤဒီးမၤဟး ဂီၤကွံာ်ပှၤနီၢ်ဒိၣ်တကလုာ်လၢအဘၣ်တၢ်ကိးအီၤလၢပှၤဧနးဖိလၢ အအိၣ်လၢကီၢ်လၢကစၢၢ်ကလိအလိၤလၢအမ့ၢ်ဃ့ဘြိၣ်, ဒဘံၢ်, ဧနး, ဒီးလၢယူဒၤဒီးအံၣ်စရ့လးအကီၢ်လၢကစၢၢ်ကလိအလိၤခဲ လၢာ်န့ၣ်လီၤ.

လံာ်စီၤယိၤၡူ 12:3

ဒီးပၣ်ဃုာ်ဒီးထံကျိယၢ်ဒ့ၣ် အတၢ်ပၢၤခိၣ်စးထီၣ်လၢပီၣ်လဲၣ်ကၤလံၤလါကလံၤထံး ဆူဘ့ၤသၤယၡံမိး (ပီၣ်လဲၣ်အံသၣ်အမုၢ်ထီၣ်) ဒီးတုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 13:27

လၢထံကျိယၢ်ဒ့ၣ်အတၢ်ပၢၤခိၣ်အံၤအိၣ်ဒီးဝ့ၢ်ဘ့ၤသဟၤရၣ်, ဝ့ၢ်ဘ့ၤသနံးမရၤ, ဝ့ၢ်စူးကိၤသး, ဝ့ၢ်စၤဖိၣ်ဒီးဃ့ၡဘိၣ်အစီၤပၤစံဃိၣ် အဘီမုၢ်လၢအအိၣ်လီၤတဲာ်တဖၣ်န့ၣ်လီၤ. အမုၢ်နုာ်ကီၢ်ဆၢမ့ၢ်ဝဲထံကျိယၢ်ဒ့ၣ်ဒီးတုၤလၢ ပီၣ်လဲၣ်ကၤလံၤလါလၢကလံၤစိးန့ၣ်လီၤ.

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:27

ဒီးမနၤၡ့ၤအဒူၣ်တနီၣ်ထီၣ်ကွံာ်ပှၤဂီၢ်မုၢ်လၢအအိၣ်ဝဲလၢဝ့ၢ် ဘ့ၤသၡၣ်, ဝ့ၢ်တၤနး, ဝ့ၢ်ဒိၢ်, ဝ့ၢ်ယံးဘျၣ်, ဝ့ၢ်မကံးဒိၤဒီးဝ့ၢ်ဖိလၢအအိၣ်ဘူး တဖၣ်အပူၤန့ၣ်ဘၣ်လီၤ. ဒီးပှၤကနၤဧၣ်ဖိတဖၣ်အိၣ်ဆိးဒီးအဝဲသ့ၣ်ဖဲတၢ်လီၢ်န့ၣ်လီၤ.