လံာ်စီၤယိၤၡူ 11:19 - Sgaw Karen Common Bible

¹⁹ ဝ့ၢ်ထဲတဝ့ၢ်ဧိၤလၢအမၤတၢ်ဃူတၢ်ဖိး ဒီးပှၤအံၣ်စရ့လးဖိတဖၣ်န့ၣ်မ့ၢ်ဝ့ၢ်ကံးဘိၣ်, ဖဲပှၤဃံၤဝံဖိတနီၤအိၣ်ဝဲန့ၣ်လီၤ. မ့မ့ၢ်ဝ့ၢ်အဂၤတဖၣ်ဘၣ်တၢ်ဒုးန့ၢ်အီၤခဲလၢာ်န့ၣ်လီၤ.

လံာ်စီၤယိၤၡူ 11:19 Iomraidhean Croise

လံာ်စီၤယိၤၡူ 11:18

စီၤယိၤၡူဒုးတၢ်ဒီးစီၤပၤတဖၣ်အံၤဖးယံာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.