လံာ်စီၤယိၤၡူ 11:17 - Sgaw Karen Common Bible

¹⁷ တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 11:17 Iomraidhean Croise

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 2:1

ဒီးလၢခံကတၢၢ်ပဃၣ်ကဒါက့ၤပသး, ဒီးလဲၤနုာ်ဆူပှၢ်မုၢ်ကနၢအပူၤ, လၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ်အလိၤ, ဒ်ယွၤဟ့ၣ်လီၤအကလုၢ်အသိး, ဒီးပလဲၤဝ့ၤဝီၤတၢ်အါနံၤအါသီ လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 3:9

(ကစၢၢ်ဃ့ရမိၣ်န့ၣ်ဘၣ်တၢ်ကိးအီၤလၢကစၢၢ်စံရယိၣ်လၢပှၤစံဒိၣ် ဖိတဖၣ်ဒီးကစၢၢ်စနံၢ်လၢပှၤဧၣ်မိၣ်ဖိတဖၣ်န့ၣ်လီၤ.)

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 7:24

အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်စီၤယိၤၡူ 1:4

သုကီၢ်ဆၢကစးထီၣ်အသးလၢပှၢ်မုၢ်ကနၢလၢကလံၤထံးဒီးကတုၤဝဲ လၢလဘၤနိၣ်အကစၢၢ်တဖၣ်လၢကလံၤစိး, ဒီးလၢထံကျိဖးဒိၣ်ဖရၤသးလၢမုၢ်ထီၣ်တခီ, ဃ့ၤသးဖိအကီၢ်ဒီဘ့ၣ်, ဒီးတုၤလၢပီၣ်လဲၣ်ဖးဒိၣ်လၢမုၢ်နုာ် တခီန့ၣ်လီၤ.

လံာ်စီၤယိၤၡူ 11:18

စီၤယိၤၡူဒုးတၢ်ဒီးစီၤပၤတဖၣ်အံၤဖးယံာ်ညါန့ၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 13:5

ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.