လံာ်စီၤယိၤၡူ 11:16 - Sgaw Karen Common Bible

¹⁶ စီၤယိၤၡူမၤန့ၢ်ကီၢ်ခဲလၢာ်, ကီၢ်လၢကစၢၢ်ကလိအလိၤဒီးအဂံၢ်ထံးတဖၣ်, ကီၢ်လၢကလံၤစိးဒီးကလံၤထံး, ကိၡ့ၣ်ဒီကီၢ်ညါဒီးကီၢ်လၢအဃ့ထီလၢအကလံၤထံး, ဃုာ်ဒီးထံကျိယၢ်ဒ့ၣ်အတၢ်ပၢၤခိၣ်န့ၣ်လီၤ.

လံာ်စီၤယိၤၡူ 11:16 Iomraidhean Croise

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

လံာ်ယဃ့းစက့လး 17:23

လၢကီၢ်အံၣ်စရ့လးအကစၢၢ်အထီကတၢၢ်တဖျၢၣ်အလိၤန့ၣ်လီၤ. အဒ့တဖၣ်ကဒိၣ်ထီၣ်ဝဲဒီးကသၣ်ထီၣ်အသၣ်ဒီးကဲထီၣ်သ့ၣ်ဆှိ အ့ရ့းလီၤဘီလီၤမုၢ်တထံးလီၤ. ထိၣ်အကလုာ်ကလုာ်ကအိၣ်ဆိးဝဲ ဖဲန့ၣ်ဒီးထံၣ်န့ၢ်တၢ်အိၣ်တဒၢအလီၢ်လၢအကဒုအဖီလာ်န့ၣ်လီၤ.

လံာ်ယဃ့းစက့လး 36:8

မ့မ့ၢ်လၢကီၢ်အံၣ်စရ့လးအကစၢၢ်ကလိတဖၣ်အလိၤန့ၣ်သ့ၣ်တဖၣ် အလၣ်ကဒိးထီၣ်ကဒီး, ဒီးသၣ်ထီၣ်လၢသုဝဲယပှၤဂီၢ်မုၢ်အံၣ်စရ့ လးအဂီၢ်န့ၣ်လီၤ. တယံာ်ဘၣ်ဒီးသုကဟဲက့ၤကဒါက့ၤဆူဟံၣ်န့ၣ်လီၤ.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 10:41

စီၤယိၤၡူမၤနၢၤအဝဲသ့ၣ်စးထီၣ်လၢဝ့ၢ်ကၤဒ့ၣ်ဘၢ်န့တုၤလၢ ဝ့ၢ်ဂါစၤ, ဒီးကိၡ့ၣ်အကီၢ်ဒီဘ့ၣ်ညါတုၤလီၤလၢဝ့ၢ်ကံးဘိၣ်န့ၣ်လီၤ.

လံာ်စီၤယိၤၡူ 11:15

ဒ်ယွၤမၤလိာ်တ့ၢ်အခ့အပှၤစီၤမိၤၡ့အသိး, စီၤမိၤၡ့မၤလိာ်တ့ၢ်စီၤယိၤၡူဒီးစီၤယိၤၡူမၤဝဲဒ်န့ၣ်အသိးလီၤ. တၢ်လၢယွၤမၤလိာ်တ့ၢ်စီၤမိၤၡ့ခဲလၢာ်န့ၣ်, အဝဲတပာ်လီၤတဲာ်ဝဲနီတမံၤဘၣ်.

လံာ်စီၤယိၤၡူ 11:2

ဒီးဆူစီၤပၤတဖၣ်လၢကစၢၢ်ကလိလၢကလံၤစိးတခီ, ယၢ်ဒ့ၣ်တၢ်ပၢၤခိၣ်လၢပီၣ်လဲၣ်ကၤလံၤလါကလံၤထံးတခီ, လၢကစၢၢ်တဖၣ်အဂံၢ်ထံး, ဒီးလၢပီၣ်လဲၣ်ကၢၢ်ခိၣ်ဘူးဒီးဝ့ၢ်ဒိၢ် န့ၣ်လီၤ.

လံာ်စီၤယိၤၡူ 11:21

ဒီးအကတီၢ်ဖဲန့ၣ်စီၤယိၤၡူလဲၤဒီးမၤဟး ဂီၤကွံာ်ပှၤနီၢ်ဒိၣ်တကလုာ်လၢအဘၣ်တၢ်ကိးအီၤလၢပှၤဧနးဖိလၢ အအိၣ်လၢကီၢ်လၢကစၢၢ်ကလိအလိၤလၢအမ့ၢ်ဃ့ဘြိၣ်, ဒဘံၢ်, ဧနး, ဒီးလၢယူဒၤဒီးအံၣ်စရ့လးအကီၢ်လၢကစၢၢ်ကလိအလိၤခဲ လၢာ်န့ၣ်လီၤ.

လံာ်စီၤယိၤၡူ 12:8

တၢ်နီၤလီၤအံၤမ့ၢ်ဝဲကစၢၢ်ကလိအကီၢ်, မုၢ်နုာ်ကစၢၢ်ဂံၢ်ထံးတဖၣ်, ထံကျိယၢ်ဒ့ၣ်အတၢ်ပၢၤခိၣ်ဒီး အကစၢၢ်ဂံၢ်ထံးတဖၣ်မုၢ်ထီၣ်အတၢ်ပၤလီၤတဖၣ်, ဒီးကီၢ်လၢအဃ့ထီလၢကလံၤထံးန့ၣ်လီၤ. ကီၢ်အံၤမ့ၢ်တ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိအလီၢ်အိၣ်လီၢ်ဆိးန့ၣ်လီၤ.

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.